ال BYD ولا رينو لوجان

[M.TONSY]

BYD تكسب من حيث السحب والنعومة والتكييف اتساع الصالون والشنطة ومن حيث رخص قطع الغيار وتوافرها لانها ميتسوبيشى وكورلا يعنى محدش هيدوخ فيها والصنايعية كلهم فاهمينها امل اللوجان تتفوق عليها فقط فى التقفيل لان بصراحة تقفيل BYD زبادى خالص

[kbarema]

byd sure

[akerima]

المشاركة الأصلية كتبت بواسطة firstknight_eg يا اخوانا انتوا نازلين في بعض تقطيع ليه، العربيتين اثبتوا كفاءة في السوق، والعربيتين ليهم مميزات وعيوب، والاستاذ اللي هيشتري قدامه ديه وقدامه ديه، هو عارف ميزانيته، والعربية اللي هيرتاحلها هي اللي يشتريها. بس انا ليه تعليقين : 1- الطارة المالتي فنكشن اللي موجودة في اللوجان، بصراحة ملاهاش اي طعم ولا لون، ماسخة كده، وتحس انهم بعد ما خلصوا اكتشفوا انهم نسيوا المالتي فنكشن فراحوا رامين الدراع في اي حتة. 2- طبعا كلنا عارفين ان اللوجان في الاصل اسمها داتشيا لوجان، ونازلة باسم رينو في بعض البلاد زي الداستر كده، صحيح ان داتشيا تتبع رينو، بس لو العربية كانت نزلت باسم داتشيا كانت هتلاقي الدعم من الناس " عربية فرنساوي، عفشة فرنساوي...الخ"

المالتي اللي في اللوجان مش اختراع اللوجان دا في الرينو من سنين والكليو كان فيها نفس الدراع بتاع المالتي دا بنفس الشكل فيه ناس بتشوف ان كده عملي اكتر وفيه ناس رايها غير كده هما الفرنساويين لما بيجوا يعملوا عربيه اقتصادية بتكاليف قليله بيبقي لهم اختراعات بالمظر دا زي الكلاكس اللي في دراع النور ودا مش بس في الرينو دا كمان في كتير من موديلات البيجو الحديث وزراير الازاز اللي في التابلوه برضة بيعتبروا ان دا توفير الخامات المصنع منها العربية لان دا بيوفر معاهم في ضفيرة الكهرباء والزراير الخ

اما بالنسبة لان اللوجان داتشا ولا رينو

اولا الداتشا لوجان روماني مش فرنساوي واللوجان عموما بتنزل بكل الماركات اللي شركة رينو مشاركة فيها زي النيسان وكمان الادا زيها زي الاسكالا مثلا بتنزل برضة نيسان وبتنزل رينو

بس في الاخر التكنولوجيا والاشراف علي التصنيع بيبقي من رينو باعتبارها الشركة الام

ودي بعض الصور عشان توضح كلامي

[firstknight_eg]

المشاركة الأصلية كتبت بواسطة akerima المالتي اللي في اللوجان مش اختراع اللوجان دا في الرينو من سنين والكليو كان فيها نفس الدراع بتاع المالتي دا بنفس الشكل فيه ناس بتشوف ان كده عملي اكتر وفيه ناس رايها غير كده هما الفرنساويين لما بيجوا يعملوا عربيه اقتصادية بتكاليف قليله بيبقي لهم اختراعات بالمظر دا زي الكلاكس اللي في دراع النور ودا مش بس في الرينو دا كمان في كتير من موديلات البيجو الحديث وزراير الازاز اللي في التابلوه برضة بيعتبروا ان دا توفير الخامات المصنع منها العربية لان دا بيوفر معاهم في ضفيرة الكهرباء والزراير الخ اما بالنسبة لان اللوجان داتشا ولا رينو اولا الداتشا لوجان روماني مش فرنساوي واللوجان عموما بتنزل بكل الماركات اللي شركة رينو مشاركة فيها زي النيسان وكمان الادا زيها زي الاسكالا مثلا بتنزل برضة نيسان وبتنزل رينو بس في الاخر التكنولوجيا والاشراف علي التصنيع بيبقي من رينو باعتبارها الشركة الام ودي بعض الصور عشان توضح كلامي

حضرتك شكرا علي الرد، بس انا عارف الموضوع بتاع المالتي فنكشن والكلاكس اللي في الدراع انا بس مش هضمه، وعارف انهم في الاخر شركة واحدة، وان الاشراف والتكنولوجيا رينو، بس انا بسأل لو العربية كانت نزلت باسم داتشيا كانت هتلاقي الاقبال ده؟؟؟

[akerima]

المشاركة الأصلية كتبت بواسطة firstknight_eg حضرتك شكرا علي الرد، بس انا عارف الموضوع بتاع المالتي فنكشن والكلاكس اللي في الدراع انا بس مش هضمه، وعارف انهم في الاخر شركة واحدة، وان الاشراف والتكنولوجيا رينو، بس انا بسأل لو العربية كانت نزلت باسم داتشيا كانت هتلاقي الاقبال ده؟؟؟

طبعا العلم عند الله

بس بالمنطق ايه اللي خلا الناس تثق في ماركة زي BYD مثلا عشان عربياتها تمت تجربتها وطلعت كويسة مع انها ماركة غير معروفة في مصر من قبل وصيني يعني اللي جربها في الاول اصطاد سمك في ميه وبعدين لما اثبتت كفائة ابتدت الناس تقبل عليها

بالمقياس برضة

تاريخ الداتشا في مصر غير سئ هو مش جيد بس مش سئ بدليل ان فيه عربيات داتشا 9 وداتشا نوفا لسة ماشين في مصر وخصوصا القاهرة كتير منهم التاكسي ومنهم الملاكي ولغاية دلوقت ماسكة سعر معقول

طيب لو اللوجان نزلت داتشيا اكيد برضة اللي كان حيشتري في الاول اعداد محدوده عشان السعر الاول وبعدين الاسم وبعد كده لما العربية تثبت كفائه حتجذب الناس ليها اتوماتيك

يعني الاسم مش مقياس علي اد ما جودة السلعة هي اللي بتخليها تنتشر وتتباع في السوق

وعلي فكرة برضة الموضوع بيختلف من محافظة لمحافظة يعني عندك في القاهرة طول ما انا ماشي شايف ال BYD سواء تاكسي او ملاكي وعندنا في الاسكندرية ممكن اعدهم علي الاصابع لانها مش منتشرة اوي في الاسكندرية ممكن لان انتشارها في القاهره جه نتيجة انتشارها اولا كتاكسي ابيض وعلي العكس تماما اللوجان في القاهره انتشارها محدود لكن في الاسكندرية العدد والحمد لله مهول

جايز عشان التوكيل في الاسكندرية يعتبر من احسن توكيلات الرينو علي مستوي الجمهورية باعتراف المتعاملين معاه - دا غير ان توكيلات الرينو عموما من افضل التوكيلات في مصر


ارجوا اني اكون وصلت الفكرة ببساطة ومكنش لتيت كتير