تغيير بلية وسير كاتينه

[hanyghanem]

انا ان شاء الله هروح اغير فالتوكيل العربية عاملة دلوقتي 45000 بس لو حد يقدر يقولي التكلفة كام مصنعية وقطع الغيار بكام يبقي كتر خيركو ولو فية فيزا و فالعباسية احسن ولا اروح مركز مدينة نصر عند نفق الشهيد

[mhamdy75]

انا غيرت 3 مرات

أول مرة فى التوكيل وركبو بلى زى الزفت عمل صوت بعد الف كيلو

وتم تغييره فى التوكيل بعد عذاب على حسابهم

وبعد ما مشيت عليهم 20 ألف بالصوت ده

ولو رجع الزمن لورا هاغير السير بس

لأن البلى اللى نازل فيها يستحمل فوق ال 100 ألف

وانا مش بقول لك إعمل كده انما

انا غلطان انى معملتش كده

[melsheshtawy]

المشاركة الأصلية كتبت بواسطة hanyyyyyy ازيكم وحشتونى والله ....... ليا سؤال لو حد غير قبل كده سير وبلية كاتينه (واكيد ده حصل ) ياريت يقول تم فين وجاب البليه والسير منين ونوعهم ايه وبكااام ؟؟؟ علما بأنى عامل دلوقتى 50000كيلو لأنى مش حابب اغيرهم فى التوكيل علشان اكيد طبعا قطعة الغيار اللى هيحطوها صينى !!

يا راجل يا طيب بقى إنت قبلت تركب عربية صينى ومش قابل قطع الغيار صينى ... أنا مش بشكك فى الصينى على فكرة بس برضة مش كل اليابانى ومش كل الإيطالى والكورى كويس ... العبرة بالشركة إللى صنعت مش بمكانها .. يعنى أنا هفاجأك واقولك إنى ناوى إن شاء الله أى قطع غيار ماعدا تيل الفرامل أشترى الأصلى - الصينى - من خارج التوكيل بما فى ذلك المساعدين والعفشة

[hanyyyyyy]

تم بحمد الله تغيير///// سير كاتينه+سير بور+سير دينامو+بلية كاتينه+تيل امامى+تيل خلفى+فلترهواء+فلتر بنزين+طقم بوجيهات وتم ذلك عند المبدع المهندس/ حمدي (مخترع المانيوال بدون دبرياج) ومن حسن حظى تم مقابلة أ/هشام الجزار شخصية كريمة ومتعاون الى اقصى مدى وبعد التغيير قام المهندس حمدى بوضع لمساته على الماتور من تنظيف حساسات وخلافه وقد شعرت بالفرق عند مغادرتى من عنده على الدائرى (العربية حاجة تانية).

ملحوظة: من سيقوم يتغير طقم سيور وبليه لابد من شراء الوش البلاستك اللى بيغطى سير الكاتينه وهو قطعتين حيث انه بينزل بايش ودايب تقريبا بينزل براده

[nassser]

الحاج حمدي مفيش زيو واضح جدا انه اخلاق وكمان هشام ربنا يكرمه ويعوض عليه في الكرونة