طقم دبرياج ل بى واى دى اف 3

[lonedoctor]

المشاركة الأصلية كتبت بواسطة eng/walaaeldeen السلام عليكم 15 الف يعنى السياره غالبا في الضمان ممكن يكون عيب في خامة الدسك او الأسطوانه روح التوكيل ومن المحتمل يكون العيب في ماستر الدبرياج يكون الجلد ضرب شوف لون زيت الباكم لو مسود يبقي الجلد في مشكله ومن المحتمل يكون عيب سواقه يعني بتكون محمله رجلها علي الدبرياج وهي سايقه والله المستعان

توكيل مين الله يبارك فيك هو فيه حد فاضى للكلام ده ثم انا مجنون هاركب طقم دبرياج صينى تمنه اغلى من اليابانى
خليها على الله

[peter magdy]

المشاركة الأصلية كتبت بواسطة lonedoctor توكيل مين الله يبارك فيك هو فيه حد فاضى للكلام ده ثم انا مجنون هاركب طقم دبرياج صينى تمنه اغلى من اليابانى خليها على الله

كلام حضرتك سليم 100*100
فعلا التوكيل غالى و بيركب صينى
يعنى واحد كان محتاج يركب تيلو طنابير قالولو 500 جنية مع ان سمعت بتوع التيوتا 300 او 350 و يبانى
فعلا يغور التوكيل هو و الصنايعية بتوعة

[melsheshtawy]

المشاركة الأصلية كتبت بواسطة peter magdy كلام حضرتك سليم 100*100 فعلا التوكيل غالى و بيركب صينى يعنى واحد كان محتاج يركب تيلو طنابير قالولو 500 جنية مع ان سمعت بتوع التيوتا 300 او 350 و يبانى فعلا يغور التوكيل هو و الصنايعية بتوعة

أنا معاك فى حتة يغور التوكيل بس الرأى للأمانة إن أنا مره واحد غير تيل وديسك (مفيش طمبورة بالمناسية) كان ب100 التيل و140 الديسك (بس أنا بلاحظ حكاية تيل وديسك دى مع بعض باستمرار مما يؤكد إن نوع التيل المستخدم ردئ جدا وأغلب ظنى إن السعر إللى حضرتك ذكرتة ده للجنبين مع ضريبة المبيعات والذى منه

[mahshahin]

المشاركة الأصلية كتبت بواسطة lonedoctor هو فعلا زى ما حضرتك قلت هو عيب سواقة لانها بتحمل رجليها على الدبرياج وهى سايقة واليوم الحمد لله تم التغيير وسعر الاسطوانة كورى والبلية والديسك يابانى 350 جنيه بس بتوع اللانسر طبعا والانطباع الاول بعد قيادة السيارة انها اصبحت ناعمة جدا وصوت السيارة اتكتم والسحب رجع زى الاول تقبلوا تحياتى

أستاذ / lonedoctor انا على طول بكون منتظر مشاركاتك الصراحة لانها في المضمون ومن غير تذويق
ياريت توضح موضوع (صوت السيارة اتكتم) طبعاً حضرتك متابع ان معظم ملاك السيارة بيشتكو من موضوع الونة ... و عضة في الغيار ... وصوت الموتور عالي ..... المشاكل دية كلها اتحلت بعد تغير الاجزاء التالفة في عربيتك ولا لسة موجودة

[eng/walaaeldeen]

المشاركة الأصلية كتبت بواسطة lonedoctor توكيل مين الله يبارك فيك هو فيه حد فاضى للكلام ده ثم انا مجنون هاركب طقم دبرياج صينى تمنه اغلى من اليابانى خليها على الله

السلام عليكم
انا اقصد لو في الضمان بيغيرو على حساب التوكيل لو عيب صناعه
والحمد لله انا دائما مقاطع اي توكيل لأنهم في الغالب مبالغين جدا في الأثمان وعدم التصليح اي تغيير بس دون تصليح وده معناه انهم مش فاهمين لكن حافظين
وعلى فكره عمري ما روحت التوكيل حتي مع اي صاحب لي
والله المستعان