|
#26
25-08-2011, 04:11 PM
|
||||
|
||||
رد: رحلة الى قلب اسرائيل
رفيق السلاح وصديق الكفاح الاخ العقيد الركن المفدى قائد قوات الجيش الثالث الميدانى حازم باشا شاهين
واحشنى ارد عليك على العام يا صديقى والله وواحشنى ردودك ومشاركتك ،،، فى انتظار مساهمتك يا باشا 
|
|
#27
25-08-2011, 06:06 PM
|
||||
|
||||
|
رد: رحلة الى قلب اسرائيل
كول يسرائيل من يروشلايم... شالوم مراف هشااعه تيشا مينيان خداشوت يهوديت بينيعكوف...
ديت مقدمه حفظتها من ايام الثانويه لاني وللاسف وده سر كنت من متابعين اذاعه ريشيت جيمل وريشت بت وطبعا الف وديت تقريبا خاصه بالمتدينين....من كتير قرايتي لنبيل فاروق فكرت نفسي هطلع رافت الهجان.... موضوع جاااامد وهتلاقيني متابع معاك اولا باول وعلي فكره فيه اغنيه زي هافا ناجيلا دايما كنت باسمعها وهي... يروشلايم شل ذهاف وتعني القدس من ذهب.... 
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#28
25-08-2011, 08:14 PM
|
||||
|
||||
|
رد: رحلة الى قلب اسرائيل
موضوع جميل و اكيد هنستفيد منه كتير
__________________
سبحان الله و بحمدة
سبحان الله العظيم
|
|
#30
25-08-2011, 10:25 PM
|
||||
|
||||
|
رد: رحلة الى قلب اسرائيل
قبل ان اتسلم عملي مع اليهود كانت معلوماتى عنهم محدودة بشكل كبير
وعلى ما اعتقد انى ماسمعتة عنهم خلال الكام شهر اللى سبقوا عملي معهم من المصريين المتواجدين هنا اكثر منما سمعتة عنهم طيله حياتى فى مصر وكنت اسمع عن انة يكون سعيد الحظ من ينجح فى الحصول على فرصة عمل مع يهود لأسباب كثيرة اهمها انهم ملتزمين جدا واذا وثقوا فى احدا يعمل لديهم لا يبخلون علية بشئ..ولأنى لم اكن اعرف عنهم الكثير لم اهتم بالتفاصيل حتى جأتنى فرصة العمل لديهم.. وبالتأكيد كان للصدفة الدور الاهم....... عندما عرفت من احد اقاربى ان المعلم جابى -والمعلم -لفظ يطلق على اغلبية اصحاب المطاعم هنا المعلم جابى يبحث عن من يعمل لدية وان قريبى هذا بحكم معرفتة بالمعلم جابى كلمة بشأنى والمعلم قال له نشوفة الاول وبعدها تسمع منى.. قبلها كنت اعمل لدى معلم مصري كنت اشتغل 18 ساعة يوميا وفى نهاية الاسبوع يكون اجرى 125 جيلدر بمعدل جيلدر واحد فى الساعة والجيلدر هو المسمى القديم للعملة الهولندية قبل الايورو وانهيت مشوارى معهم بعد 3 اسابيع تأكدت بعدها ان الرجوع الى مصر افضل ..ولكن فرصة العمل الجديدة جعلتنى انتظر..!! استقبلنى المعلم جابى بطريقة مقبولة جدا وكان يتحدث العربية بطلاقة وقال لي مش معقول انت تكون قريب دة(قريبى كان معايا) طبعا قريبى ابتسم ابتسامة نص لبة وقالة لية بس كدة ولكن جابى قال له ح اقولة هو بس بعد انت ماتشرب قهوتك وتروح تشوف مطعمك.. بعد انصراف قريبى قام جابى بتعريفى على نوعية العمل وكذلك تعريفى على المكان ولاحظت انة لايوجد فى المكان اى شئ يوحى انهم يهود!! مثلما يفعل المسلمين والمسيحيين من وضع صور قرأنية او صور عن المسيح فى مطاعهم) ومن ثم طلب منى الجلوس معى وسألنى اذا كنت مصمم ان احتفظ بأسمى-محمد- ام اريد ان يكون لي اسم ينادونى به وعندما ظهرت ملامح التعجب على وجهى قال لي شوف ... فى سببين لكلامى دة السبب الاول ان معظم المصريين بيحبوا اسامى الدلع وتلاقى منهم اللى مختار اسم ميدو ولا البوب ولا ماريو وضاربها حتة طليانى وكدة يعنى قلت له والسبب التانى؟ قاللى السبب التانى ان كل زملائك فى العمل هنا مصريين مسيحيين!!!! وممكن اسم محمد يسبب مشاكل بينك وبينهم... اية رأيك؟ قلت له .. انا اسمي محمد وح افضل محمد ولو مش عاجبك انا ح امشى كدة كدة البلد دية مش عجبانى وبلدى احسن مائة مرة.... قاللى .. اهداء اهداء انا كان عندى حق لما قلت انك مش ممكن تكون انت واللى جابك هنا قرايب!! قلت له لية يعنى؟ قاللى لأنة هو اسمة عبد ة ومختارين له اسم (أبيي) من ساعة ما اشتغل معانا!! وبعدين هو فلاح ولما ربنا ادالة اصبح مزارع ودة اللى مرضتش اقولة قدامة لانة بيزعل لما بقولة كدة تبعها بضحكة اخرى..بعدها سألنى اسئلة اخرى منها لماذا اخترت هولندا اذهب لها وماهو السبب الرئيسى الذى جعلنى اترك مصر وعندما علم ان كل حلمى ان امتلك سيارة معينة ولهذا جئت الى هنا ضحك ضحكة عالية ... بعدها اخرج مجموعة مفاتيح من جيبة واعطانى احداها وقاللى اتفضل دلوقتى وبكرة تيجى الساعة 6 صباحا تستلم شغلك.. استغربت اكثر وقبل ان انطق بأى كلمة.. قاللى اتفضل يادوبك خرجت من المطعم وفوجئت به ينادى علي مرة اخرى وقال لي مش المفروض قبل ماتمشى تجرب المفتاح؟؟؟ انصرفت بعد ان جربت المفتاح وفى اليوم التالى كنت موجود الساعة 5 ونص صباحا فتحت الباب ودخلت واثناء تأديتى لعملى وجدت مبلغ 200 جيلدر ملقية على الارض.... لم ابالى وتركتهم كما هم وعند الثانية عشر وجدت احد الاشخاص يقوم بفتح باب المطعم الامامى وعندما وجدنى قال لي بالعربية انت الشغيل الجديد؟ قال لي طيب سيب اللى فى ايدك وتعالى نشرب اتنين قهوة مع بعض.. عرفت فيما بعد ان اسمة مجدى وهو احد ثلاث اخوة المسيحين الذين يعملون مع جابى كانت مقابلتة مشجعة جدا وكان لطيف لابعد حد بعدها بنحو ساعتين جاء جاكى اخو جابى تعرف على ايضا بطريقة لطيفة جدا وسألنى اذا كنت قريب أبيي واجبتة بالايجاب ضحك وقال لي.. امال شكلك مش فلاح زية لية؟ قلت لة وانت تعرف شكل الفلاحين ازاى؟ قاللى بيبان عليهم.... انتهى اول يوم بعد 8 ساعات عمل وتعرفت على باقى زملائى فى العمل المصريين ميلاد وسمير المسيحيين وكان معنا ايضا اثنان اتراك و4 هولنديين فى اليوم التالى وجدت مبلغ 100 جيلدر موضوع على احدى ترابيزات المطعم وكذلك فعلت وكأنى لم اراها!! ولكنى رويت لمجدى ماحدث معى بالأمس واليوم وكان ردة ان هذا هو نظام اليهود يقوموا بعمل اختبارات بأشكال مختلفة لكل من يعمل لديهم فى البداية ونصحنى ان لا اهتم وكانت نصيحتة من ضمن مجموعة نصائح كثيرة وهامة كان يلاحقنى بها مجدى.... وفى هذا اليوم جاء جابى قبل جاكى اخية وعندما شاهد ال100 جيلدر قال لى انت لم تقم بعملك كما يرام وسألتة لماذا؟ قال لي لانك لم تقوم بتنظيف هذة الترابيزة... نظرت للترابيزة وقلت له انا انضف من ان اقوم بتنظيف هذة الترابيزة واطمئن انا مش ح أخد حاجة مش بتاعتى فى نهاية الاسبوع وجدت جابى ينادى على ويعطينى مبلغ من المال وسألتة ماهذا؟ قال لي هذا راتبك سوف امنحك اياة كل يوم احد من كل اسبوع((وكما يقولك رسولكم -اعطي الاجير اجرة قبل ان يجف عرقة-)) وانت لسة عرقان ضحك بعدها وانصرفت من العمل ودعانى فضولى ان انظر للفلوس بعد مغادرتى مباشرا...!! وفوجئت انه اعطانى مبلغ 550 جيلدر .. ماكنتش مصدق نفسى معقولة دة يكون راتبى؟ دة انا ماحصلتش علية من شغلى مع المصري خلال 3 اسابيع دة غير ال18 ساعة شغل... يتبع (اذا اردتم)
|
 |
|
|
حبيبت قلبى سبيدر
