تعالو نشوف العاب زمان واجهزة زمان حاجه روعه انتاج التمانينات

المشاركة الأصلية كتبت بواسطة كومندا كورسير يا كورسير هات ربع جنيه اروح العب اتارى ههههههههههههههههههههههههه ههههههههههههههههههههههههه ههههههههههههههههههههههه كـــــــــــــــــــــــ انته ـــــــــــــارثه

ربع جنيه بحاله ده ايه البزخ اللي انتا فيه ده يا كومندا ده احنا كنا بندفع 10 قروش وبنلعب 2 جيم بحالهم

وكنا بنشتري اوستيك كيمو كونو ب 25 قرش وكل ما اشتري واحد اكسب واحد تاني علي العصيا بتاعت الايس كريم في مره كسبت 15 واحده ب 25 قرش بس لحد ما الراجل زهق مني وقالي مفيش تبديل تاني

المشاركة الأصلية كتبت بواسطة سيف الدين سعيد يااااااااه يا كورسير . انت رجعتنى لأيام الأسكوتر الخشب والحصان الهزاز الخشب برضو . وكان عندنا تليفزيون نصر قدييييييييييم ابيض واسود بس كان عزاب .والتليفون الأسود أبو قرص وكان ساعات بيتوصل له حصاله من خلفه عشان مايشتغلش الا بالعمله . وانت نسيت بمب العيد والطراطير والماسكات الورق وكمان كانت كراسات المدارس جلدتها مصنوعه من ورق اللحمه وكانوا بيطبعوا عليها نصائح وتعليمات للطلبه . وسلاح التلميذ والأضواء . وميكى جيب ومجموعات قصص المكتبه الخضراء . عموما يا كورسير انا بجد مش لاقى كلام اشكرك بيه . ربنا يكرمك ويسعد ايامك . الموضوع دا يبين معدنك الأصيل والنظيف .

تسلملي يا استاذ سيف وربنا يديم المحبة ما بينا وبعدين انا مجيش جنب حضرتك صفر علي الشمال

المشاركة الأصلية كتبت بواسطة ابو حسين تسلم ايدك يا باشا على الموضوع الجامد ده : 14369D~149:

تسلملي يا ابو حسين ونورت الموضوع يا غالي

المشاركة الأصلية كتبت بواسطة مهند سالم نسيت القلم الباركر الحبر، وتقعد تملاه من الحبارة وينقط على الورق ويبهدل إيدك. يالله دنيا، هناخد زمانه يعني وزمن غيرنا، أهي أيام وبنقضيها وماشية. تصدق أنا لغاية دلوقت ما باركتلكش على الخطوبة. تعيش وتخطب وأهلا بيك على باب نادي المتجوزين، نحن نشترط لإعطاءك العضوية أن تنسى كل ما مضى من حياتك، واستعد للا جي. إمضاء: إدارة نادي المتجوزين

خطوبة ايه يا عم مهند انتا بتدبسني ولا ايه محدش يا جماعه يصدق مهند مفيش حاجه من الكلام ده حصل

[MmFFoR]

موضوع اكثر من رائع

انا والدي - اللهم ارحمه - كان في المانيا من 35 سنة و رجع من المانيا باتاري!!!!! كان فيه 4 لعب معاه بس تنس و حاجات تانية
ممكن اول اتاري ييجي مصر كلها - كان كل خيلاني و اعمامي بييجوا يلعبوا معاه !!! كانوا شباب ساعتها
انا لما وعيت كان بيطلع في الروح الاتاري ده و بعديه جبنا الاتاري اللي في الصور دي من الامارات - كان صناعة امريكي!!! الحاجات زمان كان كلها اوريجينال و الجهاز يعيش معاه بالعشر سنين - دلوقتي البلاي ستيشن لو حسست عليها برضه تبوظ بعد سنة

[kashtoot]

ياااااااااااااااااااااااا ااه
انت لسه فاكر الحاجات دى يا شيخ ده انت رجعتنا لزمااااااااااااااان قوى
بس انت نسيت البندقية الفلة كان لازم نجيبها فى العيد

[مهند سالم]

المشاركة الأصلية كتبت بواسطة corsair خطوبة ايه يا عم مهند انتا بتدبسني ولا ايه محدش يا جماعه يصدق مهند مفيش حاجه من الكلام ده حصل

والله يا عم الحاج أهي إشاعات دايرة في المنتدى، وإحنا قلنا نبارك يعني. عموما طالما عايز تخبي خلاص يعني دي مسألة شخصية.