|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
 |
|
|
أدوات الموضوع |
|
|||||||
| نادى المبدعين كل ما يخص اعضاء المنتدى من ابداعات ادبيه او فنيه و كذلك عرض قراءات اﻷعضاء من الكتب المختلفة بشرط ان تكون الموضوعات خاصه باعضاء المنتدى لا منقوله |
|
|
|
أدوات الموضوع |
|
#41
12-02-2011, 08:05 PM
|
||||
|
||||
رد: مـقـــا لا ت
أيـن مـبارك ( 2 )
وبصفتى راجل حـشرى وغـتـت ورخـم ومش ناوى اطنش رغم الفرحة الكبيرة بهروب الطاغية لكن برضه مازلت مصر (من الأصرار ) على طلبى السخيف وبصفتى طـفـيـلى اكـتر من أشعب ( أرخم رجل فى الثقافة العربية والادب العربى وهو شخصية وهمية مثل جحا ) ورخم اكتر من رئيس مباحث كوم المطرود (بلد كده ) فمازلت اتسائـل وبعد مرور 25 ساعة على هروب الطاغية هو هرب راح فين ؟؟؟؟ فهو الطاغية الوحيد الذى هرب من شعبه ولم يتحد ث احد اين ذهب وهو سكوت مريب .....وغريب وصمت القبور هذا الذى اصاب كل الدول المدافعة عن الديموقراطية والثورية الشعبية والارانب بالملوخية يجعلنى اشك ان هناك طبخة معينة تم طبخ نصفها وباقى النصف الثانى واعتقد ان مبارك لازال يحكم من خلف الستار فمعروف ان طنطاوى وزير الدفاع هو من أذنابه ...... ونصف الحكومة من رجالته والجيش قال انه هيحافظ على كل ده لتصريف الأعمال وواضح ان حكومتنا مش عارفة تصرف .....فـقررت المحافظة على حكومة نصفها ( 15 وزير ) من اذناب النظام اللامبارك السابق ولذلك شامم ريحة مش عاجبانى ومناخيرى بتاكلنى ومش هسكت لحد م اعرف هو راح فين وبفكر اعمل مسابقة عن مبارك راح فين واعمل 3 اختيارات 1- اسرائيل 2- اسرائيل 3- اسرائيل واللى يعرف الاجابة يتصل برقم 09001122011 والجايزة عزومة على طبق كشرى من عند أبو سمرة او اقرب محل كشرى للفائز بس الكارثة انى خايف يطلع لى مبارك نفسة بالاجابة الصحيحة طمعا فى طبق الكشرى وساعتها هجـيـبـهـولـه وانا عينى فيه ويارب ياكله ويموت بس استريح واعرف هو راح فين
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 12-02-2011 الساعة 08:25 PM 
|
|
#42
12-02-2011, 10:33 PM
|
||||
|
||||
|
رد: مـقـــا لا ت
الجـيـش المصرى
معلومة سخيفة سمعتها كذا مرة على بعض الفضائيات وهى ان الجيش المصرى الذى تم انشاؤه عام 1820 ............. الجيش المصرى منذ انشاؤه عام 1820 عمل ............. جرى أيه يااخواننا اومال احمس حارب الهكسوس لوحده والا ايه ؟؟؟ والطاغية رمسيس التانى واجع قلبنا برسومات عن معركة قادش اللى انهزم فيها الحيـثـيـين كان بيحاربهم وحده والا ايه ؟؟؟ وهولاكو لما جه مصر .....كلم فعلا 140 دليل ؟؟؟؟ وصلاح الدين حرر القدس لوحده من فوق ضهر الحصان؟؟؟ على رأى فهد بلان ( مطرب سورى كان بيلعب حديد ) وقررت البحث فى هذا الموضوع وخصوصا ان معظم الشعب المصرى الفترة اللى فاتت كان بيتابع جميع القنوات ماعدا التلفزيون المصرى النصاب ( احم احم معذرة للسادة النصابـين لتشبـيهـهم بالتليفزيون المصرى ) وقلت ياواد دور وانفع حبايـبك هنا وقد كان وفوجئت ان الجيش المصرى أسسه مينا موحد القطرين سنة 3200 قبل الميلاد يعنى الجيش المصرى عمره 5211 سنة بالتمام والكمال وهو أقدم جيش فى العالم كله وبفـضل هذا الجيش بعد الله طبعا كان لمصر امبراطورية عظيمة من تركيا حتى الصومال ومن العراق حتى لـيـبـيا يا الهى كل الدول دى كانت دولة واحدة زمان اسمها مصر؟؟؟؟ أيه العظمة دى وفوجئت ان عندنا عبقريات عسكرية بالكـوم ومظاليم ياعينى لاننا مش غاويـين دعاية والوحيد اللى أخد حقه بالثلث لانه كان حاكم وكان طاغية هو رمسيس الثانى لكن مينا نارمر كان عبقرية عسكرية كبيرة وهو اللى انشأ الجيش المصرى ووضع حجر الأساس له واحمس طارد الهكسوس واول من ادخل العجلات الحربية على تسليح الجيش وهى تساوى الدبابات حاليا ورمسيس الثانى ورغم غضب الله وغضبناعليه بسبب مطاردته لسيدنا موسى وقتاله له وكـفـره برسالته لكن لابد ان نقول انه كان احد العبقريات العسكرية فى تاريخ مصر ثم يمضى التاريخ ويتعرض الجيش المصرى لمحن كثيرة اثرت على تفوقه ثم يأتى الفتح الاسلامى لمصر ليعطى المصريـيـن فرصتهم مرة أخرى ويتم تكوين جيش حديث لهم من ابناء مصر بعد ان كانو تحت ظلم وقهر الرومان ثم هزمو لويس التاسع المعروف بجبروته فى اوروبا كلها واكل علقة فى المنصورة ميكلهاش حرامى حلل ( جمع حلة / اللى بيطبخو فيها ) فى سوق الخميس وتاب واناب ورجع من عندنا متنازلا عن عرش فرنسا بعد م دفع دية كل واحد قتله وهو كان راجل مجرم ويستاهل اللى جرى له وخصوصا ان المسافـة من دمياط للمنصورة 65 كيلو متر كانت تسبح كلها فى نهر من الدم يصل الى ركب الخيول وهذا هو سبب مقولة الدم للركب وقيلت ايضا على هولاكو وهو جاى مصر لما عمل نفس الموضوع مع اخواننا فى القدس وطبعا كان يتم جلده مدة 24 ساعة فى اليوم ويتناوب عليه 4 جلادين لايتوقـفون عن جلده ابدا ولايتركونه ينام حتى دفع دية كل الشهداء وتنازل عن عرش فرنسا حتى لايفكر فى العودة لمصر مرة اخرى ثم يأتى القائد والمعلم صلاح الدين ليفتح القدس ويسترد المسجد الأقصى بالجيش المصرى فـقط وبدون اى جيوش تانية علشان بعض اخواننا بيغالطو ويقولو الجيش الأسلامى علشان يقولو ان كان فى تحالف والكلام د ه وهو فعلا كان جيش اسلامى ولكن كل جنوده مصريـين بقيادة القائد الكردى صلاح الدين الايوبى ثم يأتى بيبرس وقطز غيرهم ليقودو الجيش المصرى وليصبح اقوى جيش فى العالم فى هذه العهود ويأكل هلاكو علقة محترمة بعد ان اتصل ب 140 دليل واعطوه رقم تليفون قطز وفوجىء ان المصريـين لحمهم مر ثم يأتى محمد على ليقوم بتحديث الجيش المصرى وليس انشاؤه من جديد كم ادعى بعض الجهلة على بعض القنوات الفضائية كل هؤلاء العظماء والعباقـرة كوم وعباقرة العصر الحديث كوم تانى ومن اهم عباقرة العصر الحديث الفريق سعد الدين الشاذلى رحمة الله عليه وعبد الغنى الجمسى ومحمد عبد الحليم أبو غزالة ومعه الرئيس السادات طيب لماذا هؤلاء عباقرة ؟؟؟ لانهم من امكانيات تحت الصفر قاتلو اقوى دولة فى العالم وقتها وانتصرو عليها يعنى لم تكن القوى متكافئة بل اسرائيل اقوى بمراااااااااااااحل ويجب الا انسى الجندى الذى اطلق قذيفة من مدفعه الصغير فأغرق اكبر مدمرة فى العالم وقتها ....... انها المدمرة ايلات وهو الجندى احمد شاكر عبد الواحد القـارح وهو خريج مدرستنا الثانوية مدرسة القبـة الثانوية ولا اعرف مدى تعليمه بعدها وللاسف ليس دفعتى فحين عمل عملته البطولية كنت طفلا يبلغ من العمر 3 سنوات وطبعا يكفى ان بن جوريون حين شكى لانجلترا وفرنسا فى عام 1954 قال لهم بالحرف / انا لااستطيع قتال الجيش المصرى وحدى تصوروا هذه الجملة قالها مؤسس دولة اسرائيل وحاكمها فى هذا الوقت وكان الجيش المصرى بعبع لكل الدول ولكنه استخدم استخداما سيئا فى عهد عبد الناصر فذهب الى اليمن والكونغو والجزائر وكينيا وربما الجزائر كانت تقاتل من اجل تحريرها ويجب علينا ان نساعدها كعرب وكمسلمين لكن اليمن والكونغو وكينيا عندهم أيه.........؟؟؟؟؟؟؟ الجيش ذهب من اجل زعامة وهمية لعبد الناصر وهذا حديث أخر لكن ويا أسفااااااااااااه جيشنا العظيم والذى نعتز به كلنا وجدته اول امس الخميس متمركز بميدان المطرية بكمية كبيرة دبابات ومجنزرات وسيارات نقل جنود قديمة جدا كنت اراها فى السبعينيات من القرن الماضى مع الجيش المصرى وقتها ولما سألت الضابط المسئول رد ردود عبـيـطة اما انها تعنى مصيبة او استهزاء بيا انا شخصيا وبصراحة انا لم الاحظ هذا فى اسلوب كلامه بل كان مهذبا جدا الدبابات اللى فى الشوارع دى قديمة والمجنزرات والعربات كل ده عبارة عن قطع من الخردة وعليها مدفع يااللــــــــــــــــــــ ــــــــــــــه ............!!!!! اومال احنا بناخد معونة امريكية 2.5 مليار دولار كل سنة منها مليار ونص فى صورة أسلحة أو لشراء اسلحة حديـثـة على فكرة محدش قال المليار اللى فاضل بـيروح فين ؟؟؟ (مش بقول لكم انا حشرى ومناخيرى بتاكلنى ) وسألت الضابط عن الدبابة m1 والدبابة m11 والابرامز فـقال ياعم دول شوية قليلين فى الجيش ده الدبابة من دول غالية جدا عايزنا نجيب منها كتير ليه ؟؟؟؟ هو احنا لاقيـين ناكل ؟؟؟ثم خلاص مفيش حرب ...هنصرف ليه على التسليح ؟؟؟؟ أيه العـقـلية دى؟؟؟ اومال المعونة الأمريكية بتروح فين لما معداتنا قديمة كده (طبعا بعد ال 70 مليار عرفنا بتروح فين ) وسألت نفسى (ربما اكون متأخر او متخلف ومش فاهم الدنيا ماشية ازاى ؟؟؟) هيا اسرائيل اختفت من الوجود لما مش هنصرف على التسليح ؟؟ وسألت أخر ... ف ..رد بكلام يـفـرس / الحاجات دى بره مش فى مصر وثالث ولكنه عمل فيها عبـقـرى وقال / انت جاى تسأل عن التسليح ليه ؟؟؟ مين باعتك ؟؟؟ وسبته ومشيت بسلامته افتكرنى جاسوس لانى بسأل فى ظل ظروف البلد الحالية لكن ثـقتى فى الله كبيرة ان يوفـق هذا الجيش الى قيادة البلد اولا... الى بر الأمان وتسليمها الى حكومة محترمة ورئيس منتخب بجد مش كده وكده ثانيا .... الى حماية اراضينا وتحرير فلسطين وطرد اليهود منها لان مفيش حد هيمشيهم غير الجيش المصرى .... واللى يقول مفيش حرب او احنا مالنا يبقى مهزوم نفسيا وجبان (أسف فى اللفظ لكن مفيش غيره ) اللهم وفـق جيشنا يارب اللهم ولى من يعمل على تـقـويته وتحديثـه اللهم أمين
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 12-02-2011 الساعة 10:44 PM
|
|
#43
13-02-2011, 01:16 AM
|
||||
|
||||
|
رد: مـقـــا لا ت
الله يرحمه يارب
شكرا لهذه المقاله ا خالد
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#44
13-02-2011, 03:02 AM
|
||||
|
||||
|
رد: مـقـــا لا ت
د- أحمد زويـل
عالم مصرى عظيم من مواليد محافـظة البحيرة وخريج كلية العلوم وطفش من مصر فى اوائل السبعينيات بسبب تدنى المستوى العلمى بها ووقتها كنا لاحديث لنا الا عن الحرب واستعادة سيناء وعاش فى امريكا ونبغ بها جدا حتى حصل على جائزة نوبل وحتى لحظة اعلان حصوله على نوبل لم يكن احد يعرفه كغيره من كثير من العلماء المصريـين الذين يعيشون فى مختلف دول العالم ويستفيد العالم كله من نبوغهم ماعدا مصر... أمهم التى انجبتهم وتعلمو فيها ولعلمكم الخاص يعيش اكثر من 4000 عالم مصرى فى مختلف فروع العلم فى مختلف دول العالم ولكن احمد زويل مختلف عن معظم هؤلاء .....فهو مصرى حتى النخاع ......وكلهم مصريين طبعا لكن هو مختلف هو نفسه يخدم البلد دى منى عينه انه يطبق كل اللى شافه ودرسه على مصر وفعلا بدأ بعد نوبل مباشرة يـيجى مصر كتير ويحاول ان يقيم مشروعات تخدم أهل هذا البلد وبدأت اتابع الموضوع ووجدت انه تقدم بطلب لانشاء جامعة كبرى على مستوى علمى عالمى على شاكلة (مثل ) جامعات امريكا ولن تتحمل مصر اى تكاليف لانشائها وفوجىء بأن الموضوع لايتعدى عن الاحتفالات والولائم والموائد والتصـفــيـق............و شكرا ومفيش حد بـيـكلمه عن اى مشروعات داخل مصرأو عن أفكاره لخدمة مصر وأنا شخصيا سمعت تصريحا لعاطف عبـيد وكان وقـتها رئيسا لوزراء مصر لما سألوه عن مشروعات أحمد زويل فى مصر فـقال تصريح غاظنى وفرسنى بجد بسلامته قال لا.فض فوه ومات حاسدوه / خلاص خلوه يـجيـنى مكتبى ويقول أفكاره وانا ادرسها واعرضها على لجنة لدراستها ونشوف لا اله الا الله فعلا .....كما قال الشاعر العلم يبنى قصورا لاعماد لها ....... والجهل يهدم بيوت العز والشرف فعلا رجل جاهل لايعلم ان العلم يؤتى اليه ولايأتى الى أحد بقى عالم فى حجم أحمد زويل بدل م تطلبه وتقول له / انا سمعت ان عندك مشروع عايز تخدم بـيه البلد ياريت نتقابل واشوف افكارك أيه وطلباتك ايه ؟؟؟؟ بدل كده تقول للمذيعة / (خليه) يجـيـنـى ؟؟؟ وهعرض أفكاره على لجنة ؟؟؟؟ المذيعة هيا اللى هتخليه يـجيـلك ؟؟؟ حسبى الله ونعم الوكيل المهم زهق الدكتور أحمد زويل ومشى ........ولكنه لم يقطع علاقته بمصر واصبح يأتى اليها كثيرا واستيقظت فى أحد الأيام التى اعتبرها من الأيام السيئة فى حياتى لأقرأ فى الجرائد ان مشروع الجامعة التى كان مفروض أقامتها فى مصر تم التعاقد على أقامتها فى السعودية أيه ده ......هو السعودية احسن مننا لدرجة انهم خلصو مع الراجل فى وقت قياسى وكمان بدأو التنفيذ والله عيب ولكن الرجل لم يـيأس وظل يحاول وكنت اشاهده كثير فى الامارات والكويت وغيرها وكنت مغتاظا فكل الدول تريد الاستفادة بعلمه الا نحن وحين بدأت الثورة يوم 25 يناير كان أخر واحد اتوقع مجيئه من الخارج هو الدكتور أحمد زويل وكان رأيى انه راجل بتاع كيمياء وملوش فى السياسة لكن حبه لمصر كان اكبر والحقـيـقة كنت دائما احب ان استمع اليه و أستمتع به وهو يتحدث ....فهو راجل منظم جدا وكلامه مرتب جدا ومركز جدا.....ويجعل بطاريات مخك فى حالة شحن مستمر ولاتـستطيع ان توقـفـها ولكن لم يدر بخلدى ان يكون مشاركا سياسيا أو له أفكار سياسية ...فالسياسة لها أهلهاو ناسها ثم فوجئت به يشكل لجنة للحكماء فى ميدان التحريرويحاور ويفاوض ويناقش والجميع يستمع اليه فهو له كاريزما وقابلية لدى الكثيرين من شعب مصر ثم سمعته يتحدث فى البرنامج عن كيفية قيادة مصر وكيفية خدمة مصر و...و.....و..... وكان هذا فى برنامج مصر النهاردة مع محمود سعد وأنا أصلا لا أشاهد التليفزيون المصرى لكن اثناء تحولى من قناة العربية الى قناة الجزيرة وجدت صورة احمد زويل فرجعت ووجدت انها الفضائية المصرية واجبرنى زويل على مشاهدتها وسحرنى بكلامه .....وجرجرنى الى سماعه .......وأجبرنى الا اتحرك من أمام التيلفزيون حتى انتهى البرنامج منذ ساعة تقريـبـا ووجدت احمد زويل يضع برنامجا لـقيادة مصر وشميت ريحة كده انها دعاية انـتـخابـيـة مبكرة لرئاسة مصر انا شخصيا أأمل ان ينتخب الشعب هذا الرجل رئيسا لمصر.....ان رشح نفسه للأنتخابات حتى ولو كان هناك حسابات سياسية لاعلاقة لها بالعلم ....فهو رجل له علاقاته الدولية الكثيرة واحترامه الدولى الكبير وهو ذو رأى وفكر وعلم وأهم من كل هذا انه هو نفسه يخدم مصر وشعبها وان لم يكن رئيسا فاتمنى ان يكون وزيرا للتعليم أو وزيرا للتعليم العالى ثم نترك عقله لكى يعمل ولا نفرض عليه القوانين الجامدة والمتحجرة لكى يسير تحت عبائـتها من قلبى اتمنى ان يكون له منصب قيادى فى هذا البلد .....ليس مهما طبـيعة المنصب المهم انه بـيـحب مصر ونفسه يخدم اهلها اللى هما أصلا أهله
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 13-02-2011 الساعة 03:17 AM
|
|
#45
13-02-2011, 03:39 AM
|
||||
|
||||
رد: مـقـــا لا ت
وربما حد منهم يقل عقله ويتصل بهذا الرقم ونقول للعلم ان هذا الرقم تفصيله كالأتى 0900 وهى مدخل اى رقم لبرامج المسابقات التليفزيونية ثم 11 2 2011 تاريخ هروب مبارك هذا للعلم واخلاء المسئولية فـقـط
__________________
انتقل الى رحمة الله .. ونسأل الله له الرحمة والغفران
|
|
| أدوات الموضوع | |
|
|
