نفسى حد يطلعلى او يقوللى ايه عيوب البريليانس frv؟؟؟

[sergeant]

السلام عليكم الاعضاء الكرام

بالنسبه لل frv هي مع واح صحبي

عيوب العربيه من وجهت نظري
البور بتعها تقيل شويه مش في سلا سه العربيات الكوري واليباني
العفشه نشفه بجد في المطبات
صوت المتور عالى
اما غير كده
فا المتور حلوه بيسحب الفراميل جميله وفعاله فعلا
التقفيل حلو برضو الفرش كويس اوي والكراسي مريحه
والعربيه ثبته على السرعات العاليه مبتعومش ولا تخاف منها
ودا من واقع التجربه للعربيه بما يرضي الله

[ADEL AL SHAAIRY]

السيارتان احلى من بعض

[Ahmed Mobasher]

معايا بقالها 3 سنين اول دفعه frv 2009 1600 طحنها مشاوير ومستحملانى هى الاول كان قطع غيرها غالية شوية على شان التوكيل بس دلوقتى تنزل دمشق تنزل الحرفيين تنزل اى حتة تلاقى لها قطع غيار وباسعار عادية وفية ليها بديل من قطع غيار المستوبيشى او الجولف لو حابب يعنى تركب قطع غيار ألمانى او يابانى العربية الحمد لله ثابتة فى السرعات العالية سافرت بيها شرم الشيخ كذا مرة ومأسرتش معايا فى حاجة متورها فية نعرة جميلة ودى مقصودة على شان عصرية شبابية وممكن تركبلها فلتر رياضى بقى وتسمح الوحش وهو بيتنفس فرملها جميلة ABS&ABD امكانيتها محترمة تقفيلها ممتاز المساحة كويسة جدا من جوة ومش مأثرة على الشنطة خالص بردة واسعه وفية منها ال fsv عائلية بس نفس الامكانيات بالظبط الموضوع بسيط تعالى الفيس بوك هتلاقينا عاملين جروب اسمة FRV & FSV fans اسئل على اى حاجة عن العربية والناس هتجوبك واى استفسارات فى العربية انا تحت امرك لانها عشرة عمر وان شاء الله تدوم العشرة
تقبل تحياتى
م|أحمد مباشر

[Ahmed Mobasher]

وعلى فكرة اخويا معاه 2011 بردة كويسة ومشتكاش منها لحد دلوقتى بقالها معاه حوالى 8 شهور دلوقتى وكان شريها مستعملة

[amr rady]

انا كنت ناوي اجيب العربيه دي بس خلاص الحمد لله صرفت نظر
وناوي ان شاء الله اجيب افيو 2012 وهاقولك علي اكبر عيب في السيارة دي
واي سيارة صيني العيب ما بعد البيع بيقلع للنص السعر ده لو عرفت تبيعها اصلا
وقطع الغيار الغالية جدااااا جدااا والوكيل الي مش سأل في العربيه كان بينزلها ليه
طيب