موضوع جديد للاسبرانزاوية ملاك a113

[nour.youns]

ربنا يوفقك وييسرلك انا بصراحة بفكر فى العربيه دى اليومين دول اوى والله المستعان

[akmal8000]

العربية معى بقالها 3 سنوات بس لاسف العيب فيها فى التقفيل المصرى والخامات مثل العفشة وكمان الدبرياج زى الزفت بيعض فى المارشدير وفى نقل الغيارات بالاضافة ان التوكيل زبالة وعاوز ياخذ فلوس وخلاص من الواحد وقطع الغيار متوفرة فى الخارج ارخص من التوكيل بكتير الكاسيت بتاع السيارة باظ فى تعلية الصوت الزر بتاعها ولاسف مالهوش صيانة ولا حتى عارف اغيره واجيب حاجة انضف لان مكانه فى التابلوة هيسيب فارغ لو اشترت واحد جديد كمان تم تغير العداد اكتر من مرة فى التوكيل لكنها هى عملية جدا ومساعدة معى بصراحة فى المشاوير بتعتى وده كان راى واسف على الاطالة

[Mostafa Mohasseb]

العربية معايا من 2008 و طلعت عيني وعين اللي خلفوني وزي ماقال maro2008 توكيل زبالة وحرامية ولاد ستين في سبعين والطنابير دي غيرتها مرتين تقريبا والازاز تقريبا بمعدل كل شهرين تلاتة السلك بيفوت من المكنة ولما ده حصل معايا اول ماشتريتها ورحت التوكيل قاللي لا هي الاسبرانزا فيها مشكلة في مكن الازاز وحيفصل منك كتير !!!!! والاكر اتكسرت مرتين وده طبعا غير الفرامل غير ضفيرة الكهرباء اللي وديتهالم علشان يصلحوها في التوكيل راح عامل الصيانة وشوية حاجات عبيطة ب 3000 جنيه وبرضو ماصلحش الضفيرة وعملتها برة عند كهربائي صايع فك الضفيرة وعملها سلك سلك واخد 300 جنيه
ودي كانت رحلتي مع الاسبرانزا

[mohamed_kassrm13]

طيب انا تقريبا كده هشتريها رغم كل الاراء ... و فعلا الموضوع واضح انه بطيخه ... مع ناس كويسه جدااا و مع ناس .. كرهت العربيات بسببها ... ربنا يستر لأنى كنت راكب كريستاله خليجى و اتوماتك و فتحه و شغل عالى كده :D .. و نظرا لوفاة والدى لازم كنت ابيعها و اجيب حاجه اقل عشان الصيانه عاليه ..

[ehabpopo]

فعلا الصينى زى البطيخة .... جميع الماركات الصينى ناس بتشكر فيها قوى ... وناس بتشتم فيها قوى