صمام العادم وظبط التاكيهات

[نصرالدين حلمى]

السلام عليكم ورحمة الله وبركاته
عندى استفسار مهم جدا وعاوز رد من اهل الخبرة
السيارة بيجو 505
4 سلندر
ظبط تاكيهات البيجو اظن يختلف عن السيارات التانية والله اعلم
الاشعال 1-3-4-2 من اليمين للشمال
اول سلندر اللى جوة ومترقمين على وش السلندر
الاستفسار
هل ممكن فى ظبط التاكيهات السلندرات تتعكس يعنى 1 يكون 4 وهكذا؟
(وعلشان اظبط اى تاكيهات سلندر من الاربعة لازم يكون صمام العادم مفتوح على الاخر
ازاى اعرف ان صمام العادم مفتوح على الاخر؟)
ربنا يبارك فيكم
والسلام

[نصرالدين حلمى]

مفيش اى معلومة عن الموضوع
فى المنتدى العظيم

[zing0]

السلام عليكم
أنا مش خبير فى موضوع التاكيهات, بس شوفت الكتالوجات و سألت و فى الآخر جربت بنفسى و النتيجة إلى حد ما تعتبر ناجحه.
أولاً أنا معايا لادا مش بيجو, بس ترتيب الحريق لو حضرتك متأكد منه عندك يبقى زى اللادا تمام.
أولاً: دى صورة من الكتالوج علشان نشرح عليها

بسم الله نبدأ
- طبعاً معاك الفيللر و عارف مقاسك كام و المكنه بارده (عندنا فى اللادا عادم و حريق كله على 0.15) بس إحنا بنزود شويه علشان السخونه و الإستهلاك.
ترفع أى عجله قائده (غالباً عندك كبالن أمامى يبقى ترفع عجله من الأمام)
و تدى الرابع
تخلى ترس التقسيمة يكون أمام الزونبه بالضبط, و تضبط تاكيهات 1,3 من اليمين
تلف الترس 180 درجه يعنى العلامة تكون برضه قصاد الزنبه بس من تحت و تضبط التاكيه 4,7
تلف الترس 180 درجه تانى (يعنى بقوا لفه كامله 360 درجه), يعنى العلامه ترجع تانى فوق أمام الزونبه و تضبط تاكيه 5,2
تلف الترس تانى 180 درجه بحيث يرجع تحت تانى و برضه أمام الزونبه إللى على الوش و تضبط 6,8
تلف الترس تانى علشان يرجع مكانه فوق أمام الزونبه مباشرة و هات المور و نزل الكوريك و قفل الوش و حط سيليكون حرارى عالجوان و بالذات عند الزوايا و إخرام المسامير
لازم الوش ينزل مكانه بهدوء مش عافيه, تربط المسامير إللى فى النص و متحرقش و بعدين الإطراف و بعدين تدور عليهم كلهم, كل متربط جنب الناحيه التانيه هتبقى محتاجه ربط , الربط بيبه مقاس 10 و بإيدك من غير مفك (إربط و متحرقش)
ركّب كل حاجه تانى, و توكل على الله و دور.
======================
و فى طريقة شرح لاقيتها و برضه مفيدة:
----------------------------

السلام عليكم عملية ضبط التاكيهات ليست بالسهولة التي تبدو عليها وسأحاول ان اشرحها بقدر الامكان 1- ارفع احد العجلات القائدة (يعني الخلفية في الدفع الخلفي والامامية في الجر الامامي) 2- فك غطاء التاكيهات والبوجيه رقم واحد (يمكن الاستغناء عن حل البوجيه بعد اكتساب الخبرة) 3- ضع مفك في فتحة البوجيه وخلي حد يلف العجلة لحد ما المفك يوصل لاعلى نقطة ويبدأ بالنزول 4-اذا كانت التاكيهات للبستم رقم واحد محررة يعني بتتهز ابدأ الضبط وتأكد ان تاكيهات رقم 4 قافلة او محيرة ويمكن التأكد من العملية دي وانت بتلف العجل هتلاقي تاكيهات رقم 4 واحد طاع والتاني نازل وعلشان كده احنا ممكن نستغني عن المفك. 5- اذا وصلت للمرحلة دي اضبط التاكيهات التالية بنفس الطريقة اللي شرحها الزميل الشهاوي وبالترتيب الاتي رقم1 هواء وعادم رقم 2 هواء رقم 3 عادم 6- لف الموتور 360 درجة لحد ما المفك يوصل لنفس المكان مع ملاحظة ان تاكيهات رقم واحد هي اللي هتتحير(العادم طالع والهواء نازل) واضبط باقي التاكيهات (رقم 2 عادم ورقم تلاتة هواء ورقم 4 هواء وعادم) 7- يمكن معرفة الهوا من العادم عن طريف مواسير الشكمان و مانيفولد الهواء (التاكيهات امام مواسير الشكمان للعادم طبعا والعكس) 8-بالنسب لعربيتك اعتقد ان قيمة الخلوص (مقاس الفيلر) هي 0.2 مم هواء و 0.25 مم عادم 9- بعد التأكد من احكام رباط الصواميل اربط البوجية وادر المحرك وراقب التاكيهات لفترة حتى تتأكد ان الامور على ما يرام وبعدين قفل. ملحوظة : في طريقة تاني بيستعملوها الميكانيكية وهي ضبط بستم بستم ولكن الطريقة السابقة اسهل. ارجو ان ان اكون افدتك وشكرا -------------------------- اعراض التكيهات في كل الاحوال لو محمله او مفتوحه هتاكل بنزين بالزيادة ممكن ماتكونش ملحوظه التكهات لو محمله هتلاقي العربية سحبها ضعيف وبالتالي بتضر تدوس بنزين زياده هتاكل معاك بنزين ومش هتبقي مبسوط منها ده غير انك شغال تقرص يبقي المكنه هتسخن لو التكهات مفتوحه سحب العربية مالهوش حل ومش هتسخن لانك من اقل حاجه هتلاقي العربية بتطير وده بسبب ان الصباب مفتوح بالزيادة يعني بنزين زيادة داخل وطبعا ده افضل لانها بتعوض بشئ مميز وهو السحب بس طبعا الصباب مشوارو طويل فبيرزع جامد فتسمع صوت التكتكه دي اما لو مقفولة هتلاقيها ناعمه و صوتها هادى ومافيش صوت خبطه (تكتكه)

المهم تكون إيدك حساسة على صواميل التاكيهات علشان و لا تقفل و لا تفتح زيادة عن اللازم.

[ahmed_eng2001]

الله ينور عليك .... موضوع رائع
حروح اعملى كوباية كلبتشينو و اقرأ الموضوع تانى على رواقة

[romeoalmansour]

الله ينور يا باشمهندس zing0