تركيب تكيف سبليت

[tham1010]

المشاركة الأصلية كتبت بواسطة أشرف بيبو السلام عليكم ألف مبروك ، مكيف السبلت جميل جداً خصوصاً لما يكون صناعة قوية زي LG كنت حسألك بعد اذنك ممكن رقم الموديل LG بتيجي عائلات و موديلات كتير زي ( سمارت و فرش و تايتان و و و ) اعتقد هما 7 عائلات و الموديلات حدث و لا حرج على فكره البلازما بيجي في الموديلات الفل اوبشنز على حسب قرائتي ل LG طبعاً انا زيك اشتريت المكيف بس لسى ما خلصتش شغل و حركبه قريب جداً الحاجة الل مش عجباني قبل التركيب هيا النحاس بيقولو استبدل النحاس تمديدات النحاس اللي بتيجي مع المكيف ب مواسير نحاس امريكية بتاعت شركة muller و بمقاسات معينه

الموديل بتاعى هو نبيو بلازما ورقم الموديل هو : GS - C126E0U1 وهو تقفيل سعودى ومكونات كورية. وعلى فكرة أنا مش غيرت النحاس وسبت كل حاجة زى ما هى. اعتقد الشركة عرفة اكثر مننا

[tham1010]

http://www.lg.com/eg_en/air-conditio...S-C126E0U1.jsp

هذه هى صورة الموديل من النت

[farselkon]

المشاركة الأصلية كتبت بواسطة tham1010 أيوة متأكد أنه بارد بس وعارف انه ممكن يكون أتنصب على لان لما رحت سألت أول مرة قال لى ان 3300 للبارد والساخن و 3100 للبارد بس. ولكن لما رحت له تانى بعد أسبوع قالى لى دى اسعارد جديد وان الساخن البارد ب 3500 طبعا قلت له خلاص بلاش LG وخلينا فى الشارب راح قايل لى السعر زاد برضوا على الشارب والشارب بقه 3400 للبارد بس و 3700 للبارد الساخن. هو الموزع الوحيد لتكيف LG فرضخت للامر الواقع وبالاخص انى لما اتصلت بالشركة قال لى ان سياسة التسعير تبع للموزع وان الشركة مش بتدخل فى الامر. انا حاسس انه غلى على السعر شوية علشان دخول الصيف, ولهذا انا مش اديت بقشيش كثير للعمال انى كنت متغاظ بس ركبتة وخلاص, ممكت تقول لى ايه رأيك فى الجهاز بعد عمل سنة, ,ما هى احلى خاصية بتحبها فى الاوبشن....

أولا التاجر ده نصاب ومتنصحش أى شخص فى التعامل معاه
حضرتك كان ممكن تشترى الجهاز ده فى الشتاء ب2800 نعم زى مبقول كده
أنا مش تاجر بس أنا متأكد من المعلومة ومع دخول الصيف بيكون سعرة 3300 بارد ساخن ، 3100 بارد فقط
بس أنا برده مكنتش جاهز أشترى فى الشتاء وصممت على تركيبة قبل رمضان إللى فات بكام يوم
وبصراحه كان أول رمضان أتحمل فية وأصومه كله والجهاز تحفة وأفضل من شارب أنا عندى شارب برده بس المشكلة الوحيدة فى كل المكيفات هى عمل الريحه بعد أول سنة ودى ممكن تتلاشاها فى بداية التركيب لكن للأسف كل إللى بيركبوا التكييفات ؟مير لسبب أنا عارفة
أنصحك بنظافة الفلاتر كل 2-3 أسابيع
ولو لقيت الزعانف الداخلية متسخة تجيب المكنسة بتاع السجاد وتركب الفرشة العريضة وتنضف

[tham1010]

المشاركة الأصلية كتبت بواسطة farselkon أولا التاجر ده نصاب ومتنصحش أى شخص فى التعامل معاه حضرتك كان ممكن تشترى الجهاز ده فى الشتاء ب2800 نعم زى مبقول كده أنا مش تاجر بس أنا متأكد من المعلومة ومع دخول الصيف بيكون سعرة 3300 بارد ساخن ، 3100 بارد فقط بس أنا برده مكنتش جاهز أشترى فى الشتاء وصممت على تركيبة قبل رمضان إللى فات بكام يوم وبصراحه كان أول رمضان أتحمل فية وأصومه كله والجهاز تحفة وأفضل من شارب أنا عندى شارب برده بس المشكلة الوحيدة فى كل المكيفات هى عمل الريحه بعد أول سنة ودى ممكن تتلاشاها فى بداية التركيب لكن للأسف كل إللى بيركبوا التكييفات ؟مير لسبب أنا عارفة أنصحك بنظافة الفلاتر كل 2-3 أسابيع ولو لقيت الزعانف الداخلية متسخة تجيب المكنسة بتاع السجاد وتركب الفرشة العريضة وتنضف

أنا أتفق معاك ان الموزع دة طلع نصاب شوية. أولا لانه لما رحت أستفسر على الأسعار أول مرة قال لى أن LG ارخص من شارب بمائة جنية وكان سعر الشارب البارد بس بحوالى 3150 والبارد الساخن كان 3400. فقال لى ان ال جى هيكون البارد الساخن ب 3300. ولما جاءات اتفق قال لى لا أنا قلت 3300 للبارد لان الساخن والبارد 3500. يعنى زود 200 جنية على كل موديل ولما قلت له انك قلت الشارب اغلى 100 جنية فأنا اخد شارب افضل به. قال لى الشارب البارد الساخن 3700 والبارد بس 3400. طبعا لقيته مغير فى الأسعار وقال لى هذه اسعار الشركة لسة نازلة لنا واحنا مكسبنا محدد من قبل الشركة وأحنا عبد المأمور ونفسنا الحاجة تبقى ارخص علشان نبيع.

المهم رضخت للأمر الواقع لانه الموزع الوحيد LG فى المحافظة وكمان قالى لى ممكن تجيبة أرخص من مصر بس النقل والتركيب هيكون عليك ويمكن تلاقى نفسك دافع اكثر من المبلغ اللى قلته لحضرتك. قعد يقنع فى والمهم قبلت ودفعت العربون وقلت لنفسى مش هتفرق المهم يركب وهو كله بياكل من كلة. ويمكن الراجل صادق محدش يعرف كل يوم الحاجة بسعر

الحقيقة التكيف اكثر من رائع أنا بحبة لن وجهة البيت قبلية فمفيش هواء داخل للأوض فالتكيف بيعمل تيار هو كويس مش كنت بحس بيه قبل كدة. ودرجة التبريد بتاعته ممتازة. أنا مش بيتحمله لو اقل من 25 درجة.

الحاجة الوحيدة اللى مش ظريفة ومش عارف إذا كانت طبيعية فى كل التكيفات ولا لا هى أن الهواء البارد بيكون مركز فى منطقة واحدة وهى أمام التكيف. انا حاطط التكيف فى غرفة على جنب فالجانب الاخر لا يصل إليه الهواء البارد بنفس قوة وبرودة المنطقة امام التكيف. بتحكم شوية فى الريش الداخلية عن طريق الرموت لان هناك أربع إتجاهات لخروج الهواء يتم التحكم فيها عن طريق الريموت ( لاعلى ولاسفل/ ولليمين والشمال) ولكن النتيجة مش ملحوظة بشدة. المهم بعد تشغيل التكيف لمدة ربع إلى نص ساعة الغرفة كلها بتكون باردة ولكن تبقى المنطقة البعيدة اقل فى الشعور بهواء التكيف. فهل كل التكيفات كدة.

الحقيقة أنا مش عندى ريحة وحشة خالص. على العكس أنا بحب ريحة الهواء الداخل من التكيف وخاصة مع تشغيل فلتر البلازما. اللى مركبينه كانوا فهمين شغلهم وحسيت أنهم بيعملوا عمل واخدين عليه بإستمرار، وبدون خطأ. كانوا زى الحافظين وكل واحد بيشتغل فى حاجة. هو قصد حضرتك الريحة بتظهر بعد السنة الأولى؟ وهل هذا سببه عدم النظافة؟ أنا شغلت خاصية الوتو كلين اليوم Auto clean . لانه مكتوب فى الكتالوج إنها تتعمل كل 3 أسابيع لتجفيف المكيف من الداخل.

ممكن أعرف قصد حضرتك أيه بالزعانف؟هى دى موجودة فى الوحدة الخارجية ام الداخلية؟ وهل هى بتكون مرئية لما أشيل الفلتر الأسود اللى بيكون قدام لما تفتح غطاء التكيف فى الوحدة الداخليلة؟ أرجو التوضيح....

وعلى الرغم من هذا أنا راضى عن هذا المنتج وارشحة لكل من يريد شراء تكيف جديد. هل حضرتك تقدر تقول لى التكيف بياخد كام فى الشهر كهرباء عن طريق مقارنة فاتور الصيف بالشتاء. هذا الامر ما يشغل بالى وانا أنتظر فاتور الكهرباء لهذا الشهر لاعرف الإستهلاك

[tham1010]

بعد شهر من تشغيل التكيف مش أقدر أقول غير أنه رائع رائع. الحقيقة أنا أشعر انى زى ما يكون قاعد فى ثلاجة. مش بستحمل برودة الهواء على الرغم من انى واضع درجة الحرارة على 25 وضابط المروحة الداخلية على اقل سرعة ولكن لا أستطيع الجلوس أمامة أكثر من دقائق وابحث عن ركن فى الغرفة بعيد عن تيار الهواء المباشر.

التكيف بيعمل بنفس مبدأ الثلاجة بمعنى انه مع بداية التشغيل يشتغل الكمبروسير بإستمرار لمدة حوالى 15 دقيقة. وبعد هذا تفصل الكمبروسير وتبقى المروحة فى العمل لترسل تيار هواء بارد على الرغم من ان الكمبوسير بيكون مطفى. وبعد هذا يبدأ التكيف فى تشغيل الكمبروسير لدقيقتين ويفصل لدقيقتين وتتحدد طول مدة التشغيل للكمبروسير او مدة راحة الكمبروسير بدرجة الحرارة التى تضبط عليها التكيف. مثلا إذا ضبطة على 18 درجة فإن مدة التشغيل تكون اكثر من مدة التريح والعكس لو كنت ضابطة على 27 درجة مثلا.

أسؤ شئ فى التكيف أنك تشعر بالبرودة بشكل مبالغ فيه إذا كنت تجلس فى مواجه الجهاز ولكن على الأطراف الغرفة لا تشعر بتيار الهواء البارد ولكن فى نفس الوقت لا تشعر بالحرارة حتى ولو كان الجو فىالخارج يقترب من 40 درجة.