تغيير موتور جيلى 2004

[khalid2004]

المشاركة الأصلية كتبت بواسطة mr_astra اشكرك صديقى العزيز استاذ هشام على ثقتك الغالية لكن احب اوضح بس حاجة صغيرة مواتير التيرسيل او الكورولا بتركب على عربيات الجيلى بس مش الفروتة ... بتركب على العربيات الـ CK عربية الاخ اللى بيسال راكب عليها موتور ديهاتسو شاريد 3 سلندر و بيركب عليها موتور السويفت بدون اى تعديل سوى فى اكس كوبلن بيتقصر شوية

**********

اشكرك اخى mr_astra على رد سيادتك
لكن احب اعرف حضرتك انا عربيتى جيلى هاتشباك 2004 - 1000 سى سى و دا المكتوب فى الرخصة و للامانة برضو مش مكتوب فروتة و لا ck
لكن ممكن حضرتك تفيدنى بسعر ماكينة الديهاتسو شاريد او السوزوكى سيوبفت كاملة بالفتيس بكل مشتملاتهم
و اشتريها من فين حضرتك ؟ او اى ماكينة تصلح لعربيتى كما وصفتها لحضراتكم و سعرها كاملة ؟
معلهش يا جماعة انى اطلت على حضراتكم لأنى من اسيوط و معرفش محلات قطع غيار يا ريت الاسعار و الاماكن ان امكن و لحضراتكم جزيل الشكر

[mr_astra]

مش هى دى عربيتك


اصل طالما قلت انها 1000 سي سي تبقى هى فروتة
انما السيدان بتكون 1400 سي سي واسمها جيلى سبارك
والـ CK بتكون 1500 او 1600 سي سي

بالنسبة لسعر موتور الشاريد استسمحك تسيبنى شوية هاعرفلك بكام وفين عشان ما اشترتهوش قبل كدة

[khalid2004]

المشاركة الأصلية كتبت بواسطة mr_astra مش هى دى عربيتك اصل طالما قلت انها 1000 سي سي تبقى هى فروتة انما السيدان بتكون 1400 سي سي واسمها جيلى سبارك والـ CK بتكون 1500 او 1600 سي سي بالنسبة لسعر موتور الشاريد استسمحك تسيبنى شوية هاعرفلك بكام وفين عشان ما اشترتهوش قبل كدة

*********
*********
ايوه بالضبط هى دى اخى العزيز
اوك يبقى كدا حضرتك استقرينا على دايهاتسو شاريد حسب كلام حضرتك لكن لى سؤال تانى - انا عايز ارفع قوة الموتور بدل 1000 سى سى انا عايز 1300 سى سى - هل دايهاتسو شاريد 1300 يركب عندى ولا لأ ؟ اتمنى انه ينفع - و من فضل حضرتك سعر الديهاتسو شاريد 1300 كامل بالفتيس كام ؟ طبعا معاك الوقت كافى للسؤال عن السعر و الرد عليا
و شكرا لحضرتك جدا جدا لسرعة تواصلك و اهتمامك بالرد
جعله الله فى ميزان حسناتك يا رب

[mr_astra]

تحت امرك
بالنسبة للشاريد 1300 معرفش يركب عند حضرتك او لا
انما لو عاوز حاجة 1300 يابانى برضو يبقى السوزوكى سويفت بيركب عادى جدا
بالنسبة للسعر اتصلت بواحد فى الحرفيين وقالى هعرف واتصل عليك ومن ساعتها مردش على

[khalid2004]

المشاركة الأصلية كتبت بواسطة mr_astra تحت امرك بالنسبة للشاريد 1300 معرفش يركب عند حضرتك او لا انما لو عاوز حاجة 1300 يابانى برضو يبقى السوزوكى سويفت بيركب عادى جدا بالنسبة للسعر اتصلت بواحد فى الحرفيين وقالى هعرف واتصل عليك ومن ساعتها مردش على

**
اوك انا معنديش مشكلة سواء دايهاتسو او سوزوكى المهم انه يكون 1300 و يابانى زى ما حضرتك قولت - معلهش سامحنى لأنى اثقل على حضرتك بكثرة الاسئلة : السوزوكى سويفت 1300 يركب عندى ؟ و يا ريت لو تقول لى سعره كام كامل بالفيتيس و اشتريه من فين ؟ سامحنى لأنى من اسيوط و معرفش اماكن قطع الغيار فى القاهره و عايز لما انزل اشترى مباشرة بدون لف
اكرر شكرى لحضرتك و فى انتظار ردك