مشكله فى الجين 2

[subm_etal]

يا جماعه انا اشتريت جين 2007 مستعمله بس فى شويه ملاحظات لاقيتها فيها عاوز استشيركوا فيها:

1- لما بتدور بسمع صوت صفاره خفيف اوى
2- لما الدركسيون بيلف على الاخر بسمع صوت
3-بحس برعشه فدواسه الدبرياج

حد يقدر يوضحلى الحاجات دى ممكن يكون سببها ايه

[momadine]

الصفارة فى الغالب سير عايز يتغير فوح غير السيور كلها و اخلص سير الكاتينة و الدينامو و التكييف

أما تلف الدركسيون ديه كبالن قربت تبوظ أما الصوت يعلى أوى غيرها أو لو معاك فلوس غيرهم الاتنين و اخلص و هتلاقى ثبات العربية بقة أحسن

رعشة الدبرياج ممكن تكون قواعد الموتور و الله أعلم

[subm_etal]

المشاركة الأصلية كتبت بواسطة momadine الصفارة فى الغالب سير عايز يتغير فوح غير السيور كلها و اخلص سير الكاتينة و الدينامو و التكييف أما تلف الدركسيون ديه كبالن قربت تبوظ أما الصوت يعلى أوى غيرها أو لو معاك فلوس غيرهم الاتنين و اخلص و هتلاقى ثبات العربية بقة أحسن رعشة الدبرياج ممكن تكون قواعد الموتور و الله أعلم

شكرا ليك ياباشا
بس فى حاجه صوت الدركسيون مش طقطقه صوت زنه بس عالى شويه بيتهيألى طلمبه الباور وبصراحه خايف تكون علبه الدركسيون والله اعلم

[samirayad]

غير سير طلمبة الباور

وغير زيت الباور بالمره

وخد الهواء من دايرة الباور

هتلاقى كله بأه تمام

[amr elsisi 1]

من وجة نظري لان دة كان معاية وغيرت زيت البور 40 جنية وما جبش نتيجة
فغيرت طرمبة البور والحمد لله الصوت راح بس الكلام دة لو العربية واقفة ولفيت الدركسيون
يمين وشمال والصوت يعلي معاك اكثر لو زوت بنزين كدة تكون طرمبة ويكون صوتها عبارة عن ونة
بس برضو خذ راي الميكانيكي هوا حيعرف يسمع الصوت كويس لان صوت الطرمبة مميز جداااا
اما عن علبة الدركسيون ان شاء الله مفيش خوف منها

اما عن الصفارة فهيا عبارة عن سير عايز يتشد او يتغير بس الافضل غير مجموعة السيور كاملة
اما عن دواسة الدبرياج فلو الاهتزاز في كل الغيرات فدة من فرش الدبرياج
والله اعلي واعلم