اسئله المبتدئين ..عفوا ممنوع الفتى :)))

[CARDIO]

طيب و ايه علاقه ده ب ال rbm ?

[new.man]

الارب بي ام هو عدد لفات الموتور

طبعا الار بي ام بيتعبر ده المؤشر اللي بيقولك تنقلي امتي

ازاي

انا اولا معنديش المؤشر ده بس بشوف اصحابي بينقلم علي 4 او 5

يعني بدل متحسي بصوت الموتور مثلا ممكن تعرفي تنقلي امتي بالارب بي ام و هو عدد لفات الموتور

[sad-bird]

المشاركة الأصلية كتبت بواسطة new.man الاول اخره 20 كيلو التاني اخره 40 كيلو التالت 60 كيلو الرابع 80 كيلو الخامس مفتوح بس هي عموما بتتعمل حسب احساسك بصوت الموتور لما تلاقي صوت الموتور علي ساعتها تبتدي تنقلي للغيار اللي بعديه

تمام كده
او حسب الار بي ام لو فيه عداد وبيكون النقل في الثاني على 2500 RPM وكم 3000- 4000 الثالث والرابع والخامس طبعا كل عربية ليها عزم علشان تاخد افضل عزم لازم تعرف موديل العربية وماتورها بيطلع اقصي عزم عند كام لفة

توضيح انت قلت اخر رقم لكل غيار
يعني ممكن تاخد النقلة على رقم اقل من الارقام اللي كتبتها لأن فيه ناس ممكن تاخد االارقام دي ستاندرد وتمشي عليها تروح واخد الثاني على 20 والثالث على 40 والرابع على 60
في حين اننا لو دورنا على وظيفة نقل التروس هنلاقي
الاول ترس الجير بتاعك كبير علشان يدي عزم اكبر علشان يحرك العربية من السكون
الثاني ترسة اقل شوية من الاول وطبعا علشان يبدا حركة العربية من حركة صغيرة الى حركة اعلي وهكذا
يبقى انا كده ممكن اخر النقلة على الثاني من اول 5 كيلو مثلا مش لازم اوصل ل 20

[حسام البورسعيدى]

المشاركة الأصلية كتبت بواسطة CARDIO ؟؟؟؟؟؟؟؟ ما هو range السرعه المناسبه لكل غيار؟

السرعة المناسبة لكل غيار تختلف حسب نوع العربية وسعة موتورها وعدد الغيارات اللى فيها ...

وكمان بتفرق حسب اسلوب السواقة وحالة الشارع (زحمة ولا فاضى)

لكن .. حاولى تكون سرعتك على كل غيار فى الحدود دى ...

الاول : من 0 الى 25

التانى : من 25 الى 40

التالت : من 40 الى 60

الرابع : من 60 الى 80

الخامس : فوق سرعة 80


طبعا السرعات دى مناسبة جدا للسواقة الهادية وهتريح الموتور ...

ولو عند حضرتك عداد RPM فى التابلوة حاولى انك تنقلى ما بين 2 و 3 RPM .. و ده هيكون فى حدود السرعات اللى قلت لحضرتك عليها .. وبكده هتحصلى على افضل اداء للموتور مع اقل استهلاك للبنزين ...

[new.man]

المشاركة الأصلية كتبت بواسطة sad-bird تمام كده او حسب الار بي ام لو فيه عداد وبيكون النقل في الثاني على 2500 RPM وكم 3000- 4000 الثالث والرابع والخامس طبعا كل عربية ليها عزم علشان تاخد افضل عزم لازم تعرف موديل العربية وماتورها بيطلع اقصي عزم عند كام لفة توضيح انت قلت اخر رقم لكل غيار يعني ممكن تاخد النقلة على رقم اقل من الارقام اللي كتبتها لأن فيه ناس ممكن تاخد االارقام دي ستاندرد وتمشي عليها تروح واخد الثاني على 20 والثالث على 40 والرابع على 60 في حين اننا لو دورنا على وظيفة نقل التروس هنلاقي الاول ترس الجير بتاعك كبير علشان يدي عزم اكبر علشان يحرك العربية من السكون الثاني ترسة اقل شوية من الاول وطبعا علشان يبدا حركة العربية من حركة صغيرة الى حركة اعلي وهكذا يبقى انا كده ممكن اخر النقلة على الثاني من اول 5 كيلو مثلا مش لازم اوصل ل 20

تمام كلام حضرتك

علشان كده انا بفضل في نقلي للجيرات اني احسها بصوت الموتور لكن لو مش بسمعه مثلا زي لما امشي علي السريع بعتمد علي عداد السرعه

بس زي ما حضرتك قولت ده مش استاندرد بس دي اخر سرعه يفضل نقل الجير عنها