|
جسم و هيكل السيارة الموضوعات الخاصة بصيانة جسم و هيكل و زجاج و حليات السيارة |
|
أدوات الموضوع |
#11
|
|||
|
|||
رد: تجربة ناجحة جداً مع المنتدى - نيسان صني 2004
السلام عليكم fبعد ما رحت توكيل النيسان عشان أعمل صيانة ال 100،000 لعربيتي الصني موديل 2004، فقالوا لي أنها ستتكلف 29 ألف ريال؟!!!!!!! لكن الحاجات الأساسية اللي طلبوا مني أغيرها على وجه السرعة و اللي أنا مش فاهمها لأن أنا مابهمش حاجة في الميكانيكا هي كالتالي: الرادياتير: قالوا إنه مصدي كله و لازم يتغير بالكامل ( مع إن العربية مابتسخانش مني! مش فاهم ليه لازم أغيره؟ مافيش طريقة تانية؟) علبة دريكسيون، مع كل الليات: لي الضغط العالي و الواطي و لي الدريكسيون الداخل و الخارج، طلبوا مني أغير ده بالكامل لأنهم لقوا رشح زيت دريكسيون من تحت. طب لازم أغير كل ده؟ مافيش طريقة للإصلاح؟؟ مساعدات أمامية و خلفية بالإضافة للمقصات الأمامية. برده مش فاهم: هل لازم أغير كله و لا في حل بديل؟ علماً بإنه فعلاً أحد الشكاوى الرئيسية في العربية هو صوت التزييق و الصرير مع الملفات و عند المطبات. أرجو الإفادة من الإخوة الأكارم أصحاب الخبرة و جزاكم الله خيراً
|
#12
|
||||
|
||||
رد: تجربة ناجحة جداً مع المنتدى - نيسان صني 2004
اولا بالنسبة للريداتير خليهم بس يغسلوه بمنظف دورة التبريد طالما المية مش بتنقص ولا درجة الحرارة بتزيد يبقى انت مش محتاج تعمل حاجة فى دورة التبريد ككل بما فيها الريداتير
بالنسبة لعلبة الدريكسيون طبعا ينفع تتصلح بس المهم توفر الورشة والمتخصصين لاصلاحه ومدى تلف مكوناتة وتوفر قطع غيار بديلة ليها لكن انصحك بتغييرها كلها اذا كان فيها مشاكل فعلا وعرف الورشة انك هتاخد كل المكونات التالفة المساعدين والمقصات غالبا محتاجين يتغيرو فعلا لان فترة 100 كم اكيد هتخلى اغلبهم متوسطى الكفائه او تالفين وبرضو حضرتك تاخد المكونات القديمة معاك يمكن يكون بعضها شغال وتستفيد بيه بعد كده اما مبلغ 29 الف ريال فده اعتقد كتيييييييييييييير اوى |
#13
|
||||
|
||||
رد: تجربة ناجحة جداً مع المنتدى - نيسان صني 2004
طبعاً بعد ملاحظات ابونورا,والتى يجب ان تذاكرها جيداً لأفادتك فيما بعد حتى لاتقع فى حيرة او غبن من احد الميكانيكيين,حابب اسأل حضرتك سؤال بخصوص صوت الموتور,هل الصوت فيه حكه ولاصوت الموتوركله عالى ,وهل هاك تسريب للزيت بمعنى هل يوجد اثر للزيت على الموتور من اعلى ,وبلنسبة لقربة المياه هل تغير لونها يعنى اصبحت ذات لون غامق عن اونها الأصلى وهل بتضع فيها مياه خضراء ولا مياه عادية ,وان كنت اعتقد ان المياه المستعمله هتكون مياه خضراء بلطبع ولكن هو مجرد سؤال للأسترشاد مش اكثر ,وكمان هل المياه داخل القربة لايوجد بها اثر لزيت يعنى مش معكره ولونها متغير,هل غيرت طلمبة مياه ..واخيراً نصيحة ارجوا ان تغير كل ماجاء برد ابونورا لأن كل هذه الأجزاء هى رقم واحد فى الأحتكاك المستمر والفعل ورد الفعل زى المقصات والمساعدين وشداد سير الكتينه والبلية الخاصة بها وكمانن ممكن تكون طلمبة المياة ايضاً بها مشكلة وهى بدور على سير وبلتالى ممكن عند تلفها تحدث صوت,كما ان لوالزيت بينقص من السيارة يحدث مشاكل فى يجعل صوت الموتور يرتفع وكذلك تلف قواعد الموتوروالفتيس يحدث ارتجاج ورعشة للسيارة,باالأضافة لتلف علبة الدريكسيون والعفشة,المهم ,ربنا يوفقك وتحل جميع المشاكل,وان كنت احب ان تبدأ بلعفشة يعنى تغيير المقصات والمساعدين ومعهم قواعد الموتور والفتيس وبكده سوف تجد ان العربية هدأت وبعدين تنظيف بوابة الأنجيكشن وتغيير فلتر الهواء والبوجيهات واذا تأكدت ان الريداتير ليس به اى تسريب للمياه يبقى حضرتك تنظفه بلمياه +المنظف الخاص به,ولاتغيره لأنه فى اعتقادى مازال جديد,والله الموفق وانشاء الله تطمئنا عليك وعلى سيارتك حفظك الله من كل شر
__________________
|
#14
|
|||
|
|||
سلام عليكم، شكراً لاهتمامك
[QUOTE=AboNoRa;534602]اولا بالنسبة للريداتير خليهم بس يغسلوه بمنظف دورة التبريد طالما المية مش بتنقص ولا درجة الحرارة بتزيد يبقى انت مش محتاج تعمل حاجة فى دورة التبريد ككل بما فيها الريداتير بعد التشييك عللى الراديتير لقيت إن المية بتنقص لأن العلبة اللي بحط فيها المية يبدو إنها مخرومة، أما بالنسبة للحرارة: فبالرغم من إن مؤشر الحرارة مابيعلاش عن الطبيعي إلا إن العربية سخنة جداً. أنا كنت عند العفشجي النهاردة و قالي إن العربية سخنة جداً! QUOTE=AboNoRa;534602]بالنسبة لعلبة الدريكسيون طبعا ينفع تتصلح بس المهم توفر الورشة والمتخصصين لاصلاحه ومدى تلف مكوناتة وتوفر قطع غيار بديلة ليها لكن انصحك بتغييرها كلها اذا كان فيها مشاكل فعلا وعرف الورشة انك هتاخد كل المكونات التالفة الحمد لله أنا رحت النهاردة لورشة فيها صنايعي تركي متخصص في توضيب علب الدريكسيون، اشتريت مجموعة الصوف زي ما قالي و فك و ركب و قفش مني 400 ريال "الأسعار هنا غالية نار"، بعدين رحت غسلت العربية من تحت عشان أشيل آثار الزيت المتسرب و بعد يومين بإذن الله أكشف تاني و أشوف إذا كان في تسريب و لا لأ. QUOTE=AboNoRa;534602]المساعدين والمقصات غالبا محتاجين يتغيرو فعلا لان فترة 100 كم اكيد هتخلى اغلبهم متوسطى الكفائه او تالفين وبرضو حضرتك تاخد المكونات القديمة معاك يمكن يكون بعضها شغال وتستفيد بيه بعد كده هعمل بنصيحتك إن شاء الله [QUOTE=AboNoRa;534602]اما مبلغ 29 الف ريال فده اعتقد كتيييييييييييييير اوى أما بالنسبة للتوكيل فأنا اكتشفت إنهم في البلالة و مابيفهموش حاجة بالمرة، مابيعرفوش يعملوا أي حاجة غير إنهم يشيلوا و يركبوا جديد. على سبيل المثال: المكيف بتاع العربية كان شغال مية مية و بالتدريج بدأ التبريد يقل شوية بشوية على مدار كام أسبوع كدة لحد ما بطل يبرد خالص. الأساتذة المحترمين في التوكيل قالوا لي: لازم كومبرسور جديد و تلاجة جديدة و ليات جديدة، ثمن القطع فقط غير المصنعية 8000 ريال!!!!!!!! رحت عند واحد باكستاني برة: أول ما فتح الكبوت قالي شوف، ال"لي" بيسرب و كل الفريون طااااار، فك القديم و كبس "لي" جديد و عبى فريون أمريكي و خد مني كله على بعضه 200 ريال! إيه رأيك في الكلا الفارغ ده،،، التوكيل ده طلع وهم كبيييييييييير. في النهاية يا ريت لو في ليك تعليق أو نصيحة لحد دلوقتي تقولي عليها. و أنا آسف على الإزعاج و جزاك الله خير يا باشا. التعديل الأخير تم بواسطة hendyms ; 18-10-2011 الساعة 11:28 PM |
#15
|
|||
|
|||
رد: تجربة ناجحة جداً مع المنتدى - نيسان صني 2004
شكراً لاهتمامك يا أخ أيمن
[QUOTE=aymanlaw;534638]طبعاً بعد ملاحظات ابونورا,والتى يجب ان تذاكرها جيداً لأفادتك فيما بعد حتى لاتقع فى حيرة او غبن من احد الميكانيكيين,حابب اسأل حضرتك سؤال بخصوص صوت الموتور,هل الصوت فيه حكه ولاصوت الموتوركله عالى صوت الموتور كله، مافيش حاجة معينة و مافيش صوت مميز. [QUOTE=aymanlaw;534638]وهل هاك تسريب للزيت بمعنى هل يوجد اثر للزيت على الموتور من اعلى لأ الحمد لله مافيش أثر لأاي زيوت، باستثناء الزيت اللي كان متهرب من علبة الدريكسيون،، و يا رب الموضوع يتحسن بعد ما ركبت صوف جديدة. ,وبلنسبة لقربة المياه هل تغير لونها يعنى اصبحت ذات لون غامق عن اونها الأصلى وهل بتضع فيها مياه خضراء ولا مياه عادية مابحطش إلا مية خضرا باستمرار [QUOTE=aymanlaw;534638],وان كنت اعتقد ان المياه المستعمله هتكون مياه خضراء بلطبع ولكن هو مجرد سؤال للأسترشاد مش اكثر ,وكمان هل المياه داخل القربة لايوجد بها اثر لزيت يعنى مش معكره ولونها متغير,هل غيرت طلمبة مياه لا الحمد لله لونها مش متعكر،، لكن هي حالياً بتسرب مية ..واخيراً نصيحة ارجوا ان تغير كل ماجاء برد ابونورا لأن كل هذه الأجزاء هى رقم واحد فى الأحتكاك المستمر والفعل ورد الفعل زى المقصات والمساعدين وشداد سير الكتينه والبلية الخاصة بها بالنسبة للصني، سير الكاتينة جنزير مابيتغيرش، العفشجي قال كدة، و برده في أحد المداخلات و احد من الإخوة الأفاضل قال كدة. [QUOTE=aymanlaw;534638]وكمانن ممكن تكون طلمبة المياة ايضاً بها مشكلة وهى بدور على سير وبلتالى ممكن عند تلفها تحدث صوت معلش،، إيه هي طلبة المية، و إيه هو السير اللي قصدك عليه؟
التعديل الأخير تم بواسطة hendyms ; 19-10-2011 الساعة 12:02 AM |
|
|