عقدة دهان الفبريكة

[MmFFoR]

انا عربيتي 1991 فابريقة خوارج ما عدا الاكصدامات و الكبوت فقط لسة راششهم من كام شهر علشان الانبعاجات اللى على الكبوت نتيجة قعاد الناس عليها

نفسي و منى عيني ارشها بس ميتاليك لان طبعا اللون بتاعها مطفي و السوك البوية رايحة من عليها (20 سنة )بس خايف من موضوع راشة برة دي
على الاقل دلوقتي بقول العربية فابريكة برة

[aymangalal]

اعتقد ان كتر النصب وقلة الوعى والضمير هم سبب توطن الفكرة دى فى دماغ الناس
وبرضه فى الغالب العربيات اللى بترش دواخل بيبقى اثر حادثة او خبطة جامدة وكمان رش الخوارج بيبقى لسبب فى الغالب اكت من النظافة والخدوش
العربية المستعملة فى بلدنا وبالنسبة للطبقة اللى كانت متوسطة تعتبر غالية نسبيا واللى بيشترى مش عايز يرمى فلوسه ع الارض واللى بيبع مش عايز يرش وينضف عشان مايخسرش طبعا فكر مشترك بين البايع والمشترى
لكن بره مافيش الكلام ده لان العربيات بصفة عامة رخيصة وخصوصا لو مستعملة وحتى لو مستعملة فا بتبقى مش مستهلكة نظرا لخلو الشوارع من منغصات القيادة فاللى بيبيع مش محتاج ينصب ع اللى بيشترى واللى بيشترى مش حارقة الفلوس اللى بيدفعها يعنى مافيش مبرر للنصب
غير ان الناس دول عندهم وعى وعلم ويمكن كتير منهم عنده ورش خاصة فى البيت كمان
مش كده ولا ايييييييه

[هاني السويدي]

انا راى فى الموضوع ده انا مع ان العربيه ماترشش فى الداخل لان فى ناس عديمه الضمير ممكن تخبى عنك حاجات مهمه عن السياره وهى بتبيعا ولما تكون مش رشه من الداخل ده بيطمن اللى بيشترى وانا اولهم اما بالنسبه ان الواحد مايرشش العربيه من الخارج ويفضل عايش بيها كده سنيين طويله والعربيه مجربه او مجرحه علشان يحافظ على دهان الفابريقه اللى هو قرب يختفى علشان لما يبيعها يبقى دليل ان العربيه معملتش حادثه يعنى انت ماشى بالعربيه بشكلها الوحش ده ومابتتمتعش بيها علشان تحافظ عليها علشان اللى هيشتريها يبقى مبسوط ومطمن ان العربيه فابريقه طيب اتمتع انت الاول بعربيتك وشكلها ونظافتها وبصراحه انا احب اشترى العربيه دهانها جيد من الخارج لانى كده كده مش هرضى ان العربيه تبقى بايظه من بره يبقى لازم ارشها وده هيكلفنى وقت وفلوس يبقى اجيبها رشه من بره افضل

[medo1919]

شكراً لك أخي الكريم

بارك الله فيك وجزاك كل خير