العربية زيرو معملتش 50 كيلو واتخبطت الله يخربيت الستات

[reda310]

معلش هيا دى عين الزيرو اللى كله لازم ياخدها فى الاول هنا
بس كان المفروض تسيبها شوية تمنع العين ومتستعجلش فى تصليحها وربنا يستر وتبقى
اخر مرة انا بردوا اتروقت بس
الحمد لله

[pharm45]

احمد ربنا انها جت على قد كدة..فعلا دى عين الزيرو وكان لازم تقرا دعاء السفر والمعوذتين وانت خارج المعرض
انا حصلى موقف من 3 سنين بالظبط وانا جايب عربيتى جديدة لسة برده...لسة يومها كنت ماشى فى امان الله وفى اشارة كنت واقف ومنتظر انها تفتح لقيت مرة واحدة العربية اتنطرت 2 متر لقدام فى العربية اللى قدامى
طبعا ده كان بسبب ان ميكروباص جاى على اخررره وفوجئ ان الاشارة قافلة فلبس فيا من ورا لبسة محترمة خلالى الشنطة عجينة والزجاج الخلفى اتفرتك مليون حتى على الارض ...العربية لسة جايبها ومعليهاش نمر !!!!!!!!!!!!!!!!!!!!!!!!
نزلت كنت مش عارف اعمل ايه اكله بسنانى ولا اقتله وادخل فيه السجن !!!!!
والله دخلة على سرعة 40 كم فى قلب عربيتى الجديدة يومها لسة
خدهالى لسمكرى وصلحناها وجبنا زجاج جديد وسيبت الفانوس بحالته لحد ما عدى فترة وجبت واحد جديد !!!!
انت ابتلائك اخف من ابتلائات ناس كتير..احمد ربنا على اللى حصل ده
ده الواحد بيشوف بلاوى والله بسس الزيرو ده...

[عامر سعد]

المشاركة الأصلية كتبت بواسطة mohamedsalahelden انا عندى مقوله وبعمل بيها من اتلف شئ فعليه اصلاحه وانا لما كنت بخبط حد ودا انا عملته مره واحده ريحت على واحد فشرختله الاكصدام بتاعه اخدته ومشينا ورا بعض واشترتله واحد جديد وسبته ومشيت

الاسكندرانية كده ظول عمرهم بهوات ويفهموا في الدين والاصول عامرسوهاج

[ابو فاروق]

المشاركة الأصلية كتبت بواسطة samirayad والله أنا علقت تعليقى الأخير ده من غير ما أبص على مافعلته فى النهايه لكن علقت فقط على مشاركتك الأولى بأول الموضوع والحمد لله أن توقعاتى بك جات تمام فبارك الله فيك وشملك فى رحمته ومغفرته وأثابك كل الخير

امين يارب .
ربنا يكرمك يارب ,

[ابو فاروق]

المشاركة الأصلية كتبت بواسطة ابو الشوق كاديلك انت اتصرفت تصرف كويس جدا جدا يا استاذ فاروق وموقفك يحترم (مع ان حقك تاخد تعويض علي شان انت ملكش اي ذنب في اللي حصل )، وان شاء الله ربنا يعوضك خير ويباركلك في العربية ، انا عارف ان الموضوع يزعل بالذات ان العربية زيرو بس الحمد لله انها جات علي قد كده وربنا يا رب يحفظلك العربية ويملهالك بركة

الحمد لله الف مرة وتسلملي يا بو الشوق

المشاركة الأصلية كتبت بواسطة ziohausam احمد ربنا وابتسم..حاجة بسيطة خدت الشر معاها ان شاء الله. ان شاء الله ربنا يعوضك ويحفظك.

الحمد لله .علي كل شىء

المشاركة الأصلية كتبت بواسطة Elsebily بصراحه الموقف اللي هو كان فيه ده صعب قوي بصراحه قاعد ولا بيه وعليه ومراته جابتله الكلام اولا بغض النظر عن اسلوبها وحركة المتين جنيه اللي عملتها بس بعد موقف الراجل ده انا شخصيا كنت هسيبه يمشي وهدعيله ربنا يكون في عونه لاني بصراحه في موقف واحد منها تجيب الضغط والسكر ايش حال بقي اللي عايش معاها ده هيعمل ايه عامة يارب تكون اخر الخبطات ومبروك عليك العربيه وربنا يكفيك شرها وشر الناس اللي بترجع لورا

كلامك صح هو احرجني بتصرفة . وبادبة وربنا ما يكتب علينا ديق الرزق