العربية زيرو معملتش 50 كيلو واتخبطت الله يخربيت الستات

[ابو فاروق]

المشاركة الأصلية كتبت بواسطة mohamedsalahelden انا عندى مقوله وبعمل بيها من اتلف شئ فعليه اصلاحه وانا لما كنت بخبط حد ودا انا عملته مره واحده ريحت على واحد فشرختله الاكصدام بتاعه اخدته ومشينا ورا بعض واشترتله واحد جديد وسبته ومشيت

عندك حق

المشاركة الأصلية كتبت بواسطة ayman goda فعلا دى عين الزيرو والمواضيع دى فيها كلام كتير مبرووووووووووووووك على الزيرو ويارب نكون اخر خبطه وتتمتع بخيرها

الله يبارك فيك ولو اني والله اتسد نفسي اني اركبها . العربية اول يوم ليها وراحت ترش اكصدام دية حاجة تحزن والله

المشاركة الأصلية كتبت بواسطة عامر سعد الدين بيقول من اتلف شئ فعلية اصلاحة وكمان لو انا لسة مافرحتش بالعربية بسببها فاتدفع ولو اية اللي حصل عشان تتعلم ماتسرقش عربية جوزها وكمان مش بتعرف تسوق افرض ضربت واحد باعربية معاة عيال حاتقعد تبكيلة وتقوللة اسفة ماخدتش باللي معاقبة المخطئ هيا اساس بناء المجتمع ولا اية عامر سوهاج

هوة دة ألي خلاني فعلا اكبر الموضوع .. انها طالعة من غير ما جوزها يعرف

المشاركة الأصلية كتبت بواسطة ابو الشوق كاديلك انا لو منك مش هعمل حاجة وهستعوض ربنا وامري لله ، انا معاك انها غلطانة وان حقك انها تصلح عربيتك علي حسابها، بس المسامح كريم وعايز اعرف انت عملت ايه؟؟؟؟؟؟؟؟؟؟؟ ومعلش الحمد لله انها جات علي قد كده

الحمد لله قدر الله وماشاء فعل , انا ليا 15 سنة بسوق اتخبط كتير ولا مرة خدت تعويض من حد بس اول مرة اتخبط في زيرو بتتقهر من جواك والله . عربية اجيبها انهردة تاني يوم ارش اكصدام . دية حاجة تقهر

[ابو فاروق]

المشاركة الأصلية كتبت بواسطة zmzm0000 والله انت اعصابك حديد لو انا كان زمانها بوستر عالاكصدام عندي والباقي علي الله ولو فيها اعدام معلش ربنا يعوض عليك

مهي ست فالاول والاخر يعني لا في خناق ولا ديولو . ومسكتلي دموعها وقعدت تعيط . هعملها اية بس

المشاركة الأصلية كتبت بواسطة mazen mazen انا ليا التصليح ولو هتتطلق من جوزها واولا واخيرا قدر الله وماشاء فعل

صدقت قدر الله وما شاء فعل .

المشاركة الأصلية كتبت بواسطة dr_maged لو كانت بترجع لورا زى ما انت بتقول وما بصتش وكان فى طفل صغير داست عليه كانت هترجعه ازاى لاهلة انت كنت خليها تدفع علشان الفلوس بتحرق وكانت عمرها ما هتعمل كدة وتاخد درس فى حياتها مش هتنساه احنا للاسف عندنا مبدأ ما نقبلش العوض والكلام دا مع ان مفيش حاجة فى الدين اسمها كدة بصراحة انت غلطان انك سبتها

عندك حق وكان ممكن فعلا . المشكلة اني لحد دلوقتي مش عارف هيا رجعت ورا لية !!
لو حد يعرف البنزينة دية يعرف انها مش محتاجة نهااائي ترجع ورا عشان تخرج . لا وكمان مفيش مرايات من كتر الدباديب مش شايفة حاجة ومش بترجع دبرياج بس دية بترجع بنزين وبعزم ما فيها .

المشاركة الأصلية كتبت بواسطة tamer.koko ارحموا من في الارض يرحمكم من في السماء

صدق الله العظيم
بس فرحة الزيرو راحت

المشاركة الأصلية كتبت بواسطة احمد على 1999 لازم محضر و لو العربية متأمن عليها يبقى حتمشى فى اجراءات التامين لو مش متامن يبقى تحاول توصل لحل وسط طبعا 200 قليل جدا و شكلها كده محترمة و حسنة النية و قليلة الخبرة فبقدر الامكان تعلى معاها حتى لو حتقسط و لو انا قادر ماديا حعفوا و اخد فى حدود 500 مثلا على سبيل العظة و شكلك لما هديت خالص خدت منها ال 200 بس يا مخدتش حاجة و فيه رجالة كتير داسو اطفال و عائلات و تسببوا فى مأسى و فلتوا و فيه رجالة كتير خبطوا غيرهم و اتصرفوا كانهم هما المجنى عليهم و فيه اللى تيجى تاخد حقك منه يبقى مستعد يقتلك مش مجرد يتخانق

المسئلة مش مسئلة فلوس يا استاذ احمد
الفكرة كلها انها لا تفقة شىء بالسواقة وركبة عربية جوزها من وراة وبتأذي في خلق الله . ومن نحية تانية انا كنت فرحان جدا بالعربية . ليا 15 يوم منتظرها وبعد استلامها بساعة ونص تتخبط .. (بتنقهر من جواك جدا ) . وقلت قدر الله وماشاء فعل نازلة هيا بقا تعمل فيها فليسوفة والبت ألي بتخلص . وبتطلعلي الفلوس .

[ابو فاروق]

هكملكم باقي ألي حصل ,

انا بصراحة كنت مقهور جدا وكل ما ابص فوش العربية اتقهر بزيادة فنوس مكسور واكصدام مدلدل فالارض حاجة تحزن والله .

فرحت للظابط قلتلو اعملي محضر .
خدت هيا الموبيل وقعدت ترغي فية . شوية وقفلت
الظابط طلب الرخص اديتو الرخصة وهيا اديتو الرخص . تاريخ اصدار رخصتها الخاصة من حوالي 18 يوم .
قالت هيا 10 دقائق والفلوس هتيجي .

فات حوالي نص ساعة لحد ما جة جوزها الراجل بصراحة في غاية الادب . وزعل جدا علي عربيتي . ( واضح انو مقهور منها )
واتأسف كتير جدا وزعقلها كتير جدا ..
وجة قالي انا معيش فلوس بصراحة اصلحها . لو تحب تكتب وصل امانة عليا بسعر تصلحها واديهمك فيما بعد ماشي . ولو عايز تمشي فالمحضر اوكيي براحتك
.
بصراحة اديقت اني حطيتو في موقف زي دة . وقلتلو اتفضل اتوكل علي الله وفكيت اكصدامي رميتو ورايا وخدت العربية ورحت جبتلها اكصدام وفنوس وشوية اكسسوارات ( مهي خربت بقا ) وانهردة ان شاء الله هيترش الاكصدام الجديد .

[احمد على 1999]

الحمد لله ربنا يعوضك خير
لو مش عايز تتخبط تانى بص على الموضوع ده
http://www.masrmotors.com/vb/showthread.php?t=23240

[samirayad]

متابع

علشان فيه كلام كتير

هقوله أما أرجع من مشوارى