لسه خابط خبطه النهارده بالعربيه ، قولولى مين الغلطان ؟ وتكلف الخبطه كام ؟ يوجد صوره

[osa92003]

المشاركة الأصلية كتبت بواسطة teto king السلام عليكم ورحمه الله وبركاته يا جماعه انا لسه عامل حادثه فى الشارع من شويه ، انا هحكيلكم الموقف ويا ريت تقولولى مين الغلطان فينا وهوريكم صوره من الخبطه ويا ريت تقولولى هي جامده ولا لا ولو اتصلحت هتتصلح بكام فى التوكيل ؟ انا كنت ماشى فى شارع رئيسى وياخد بتاع 3 حارات مثلا جمب بعض وانا ماشى على الشمال وفيه تحويده U Turn علشان اللى عايز يلف وياخد الشارع اتجاه عكسى فانا كنت ماشى على الشمال ومش ناوى احود فى اللفه دى وكنت ناوى اكمل فى الشارع طوالى فعملتش اشارت يعنى علشان اللى ورايا يفهمو( انا بحب امشى فى الشارع على الشمال حتى لو مش ناوى الف علشان اسهلى فى السواقه وانا لسه جديد ) فانا استنيت العربيات اللى قدامى لفت وماشى بقى طوالى فجاه كدا لقيت قصادى عربيه نقل كبيييره بتلف قدامى وقطعت عليا الطريق قمت فرملت فجاه بس ربنا قدر وخبطت فيها من جمبها فى نصها الورانى هى تقريبا بقى كانت فى الحاره اللى جمبيا وانا مش واخد بالها منى فطلعتلى فجاه وحودت هى وانا خبطت فيها والراجل طبعا ولا حس بيا نهائى علشان عربيه نقل كبيره ولا بصلى ولقيت واحد فى عربيه جمبى قالى دى صغيره وانا كنت معطل الدنيا قمت مشيت ولما وصلت البيت بصيت عليها وبصراحه انا شايفها مش صغيره ولا حاجه بس انا هحطلك الصوره وقلولى هتكلف كام وجامده ولا عاديه وتقولولى مين اللى غلطان فى الموقف دا بس للتوضيح ان السواق هو اللى لافف من قدامى وقطع عليا الطريق وانا مش ضارب اشاره فكان مفروص يستنى انا اعدى وبعدين يلف مع العربيات اللى ورايا اللى كانت هتلف فى الحوده دى بس عموما انا حكيتلك الموضوع بالتفصيل وانتو قولولى رايكو صوره الخبطه اهى Uploaded with ImageShack.us والفانوس فيه زى شرخ بسيط كده من اول ناحيه الخبطه لحد نصه مثلا بس هو خط بسيط كدا والفانوس الحمد لله متكسرش بس انا متهيالى مش مهم يتصلح ولو ركزتو فى الصوره كويس ممكن تاخدو بالكو من الشرخ البسيط فى الفانوس والعربيه Hyundai Elantra 2011 فالتوكيل هيكلف كام ؟؟ وشكرا

ياعم توكيل مين تعالى هنا بس فى فيصل فى واد سمكرى روعه هيعدلها ليك على البارد ولا كانها حصلت ...التزكيل هيعمل فلم وللاسف هتكون زى الزفت

[pharm45]

انت ميت فل...عندك حق...دانتا لو بشكوش ودقتهل هتتعدل...ياعم هى دى خبطة..دى متاخدش فى ايد سمكرى 10 دقائق..الحمد لله على كل شئ طبعا لكن انت لسة مجربتش وربنا يبعد عنك الخبطات التقيلة يارب

[waelbaha]

المشاركة الأصلية كتبت بواسطة pharm45 حضرتك مين اللى قالك ان الرد على البارد لا ممكن يرجعها للاصل...حضرتك انا خدت مرة خبطة فى الرقرف الشمال كلللللله دخل لجوة ..وادتها لسمكرى عندنا اعرفه ايديه تتلف فى حرير والله رجعا زى الاصل بالظبط بالظبط لو عاوزنى اصورك الخبطة بعد لما اتعملت على البارد مش هتعرف هى فين...حضرتك دى عاوزة سمكرى محترررف...وسيبك من التةكيل روح اعملها عند سمكرى شاطى مش هياخد غير 50 جنيع ومش هتحتاج ترش اى حاجة زى ما قال...انصحك تعملها على البارد ووالله ما هتحتاج رش خاااااالص...اسمع نصيحتى عشان انا مجرب خبطة انأح من دى والعربية رجعت زى الاصل والله...شوفلك واحد نضيف يعملهاك فى نص ساعة ولما تبيع اللى هتبيعلوا مش هيعرف انها اتخبطت ان شاء الله او لو عرف هيعرف انها مردودة على البارد مش على السخن ومرشوشة كماان..اوووووووعى اوعى

انا قلت كده لان حصلتلي حاجه قريبه لدي وكان في الكبوت يعني مش في حته رخمه ولا حاجه ورحت للتوكيل عملوهالي على البارد لكن للاسف زي ما قلت انها مارجعتش زي الاول ولسه باين مكان الخبطه مموج ومقشر شويه
فاجابتي كانت عن تجربه مش مجرد اني اتكلم وخلاص

[pharm45]

المشاركة الأصلية كتبت بواسطة waelbaha انا قلت كده لان حصلتلي حاجه قريبه لدي وكان في الكبوت يعني مش في حته رخمه ولا حاجه ورحت للتوكيل عملوهالي على البارد لكن للاسف زي ما قلت انها مارجعتش زي الاول ولسه باين مكان الخبطه مموج ومقشر شويه فاجابتي كانت عن تجربه مش مجرد اني اتكلم وخلاص

لآ والله انا مقصدش...طبعا انت غلطان انك ودتها التوكيل عشان يعملهالك على البارد لانهم هناك مبيفهمشوش حاااااجة والصنايعية اللى برة برقابيهم...والله لو كنت ودتها لواحد محترم كان ردهالك مية مية ومكنتش هتقشر كمان...هى قشرت من كتر الدق عليها واظاهر انهم لا يفقهوا شئ...والله حضرتك انا معايا الافانزا كانت فيها الخبطة فى الرفرف الشمال كان معجون لجوة وسمكرى معرفتى ايديه تتلف فى حريروالله والله رجعها فابريكة ومن غير تقشير ولا اى حاجة...وخد منى 70 جنيه"أكرمته"عشان رجعهالى فلة

[TheSantos128]

الف سلامه عليك وفداك العربيه .وحضرتك اللى غلطان طبعا