مشكلتى مع الفليشيا

[essamoviec]

السلام عليكم ورحمة الله وبركاتة

اخوانى اعصاء منتدى سكودا .... اللى لما بتبهدل بيقفوا جمبى ... جيلكم النهاردة عشان توصفولى المشكلة اللى عندى و ياترى اقدر اعمل فيها ايه ...
كنت ماشى على الدائرى امبارح بليل بعربيتى الفليشيا 97 و كانت سرعتى تقريبا 100 : 110 كم / ساعة وكنت على الغيار الرابع وفجأة العربية بطلت منى من غير ما اعمل اى حاجة ... وادور تدور وبعديها تبطل
وادور تدور وبعديها تبطل .... قولت اخف السرعة شوية اتظبطت بس شميت ريحة بنزين ... فقولت ازود السرعة تانى وصلت ل 110 بعد 3 دقائق راحة مبطلة ... ادور مش عايزة تدور ... كل ده فى الحارة فى النص
والعربيات ورايا طائرات ... والدنيا ليل ... لحد العربية لما وقفت منى فى الحارة فى النص ... وادور شرقااااااانة ... ادور تانى شرقاااااانة ... قلبى بقى فى رجلى زمايلى نزلو يزقونى بسرعة عشان اقف على جنب .. والعربيات اصلا جية طيارات لحد ما ربنا سهلنا الامور ووصلت لحد الحارة اليمين و وانا حاولت ادور راحت دايرة ... بس مش عايز اقولكم انا فقدت الثقة اصلا فى نفسى ساعتها وقبلى كان فى رجليا وحسيت انى راكب عربية معاقة ... حد يقدر من خبراء الفليشيا يقولى المشلكة دى سببها ؟؟؟؟ .... و ان شاء الله ديما املى فيكى كبير ...

[abasabnfernas]

أولا لو دورت العربية و شلت رجلك من على دواسة البنزين و العربية بطلت يبقى العيب من بيك السلانسيه (مسدود و محتاج تنضيف) أو بيك السلانسيه الكهربائى محتاج نظافة أو تغيير
ثانيا أحتمال يكون من مشط الكهرباء خاصة عندما تحس أن العربية بيروح نفسها و أنت سايق.

[elandlos]

سيدى الفاضل لاداعى لليأس بسيطه باذن الله بدلا من تقول معاقه تذكر كم من مرة ومرة حملتك فى امان الله وقضيت بها مصالحك ....اشكر الله
احتمال كبير يكون فيه عيب فى خط سحب البنزين الواصل لطلمبة البنزين او انسداد فى التنك
وبعدين ايه حكاية الرابع و110 معندكش غيار خامس
انا شايف تبحث خط البنزين لغايةالطلمبه
ربنا يقيك شرها والحمد لله على انك معاف فى بدنك