الى كبير الابيزاوية

[رياح التغيير]

بالتوفيق إن شاء الله

[fezo]

محمد ابيزا رجع!!!
اريد ردك على الموضوع!!!

[mohamed ibiza]

المشاركة الأصلية كتبت بواسطة fezo انا نفسي انضم الى الابيزاويين...يعنى عاوز اجيب ابيزا و اعرف عن الابيزاوية فى مصرموتورز انهم كرماء جدا في اعطاء المعلومات لسة معلقة معايا الصبح انى اشترى عربية ابيزا بس انا معرفش عن الابيزا غير بسيط و عاوز اعرف عنها انا معايا في حدود 30-35 ألف و انا لسة متخرج و كدة ومحتاج واحدة اروح بيها الشغل و بعض المشاوير البسيطة حاجة شبابية يعنى بس بسافر كل اسبوع او اسبوعين ومحتاج واحدة فيها زجاج كهرباء و تكييف ففكرت في الابيزا من 94-99 عاوز اعرف اكتر عن العربية: امكانيات,موتور,عيوب,اسعار ها في حدود كام وايه ترشحولى من انواع فى نفس الفئة و شكرا....ومعزرة للاطالة

بداية كده بعد هبوط الاسعار 30-35 ممكن يجيبلوك ابيزا موديل 99 1400 كمان مش 1000 بس 1400 قليل شوية و تكون حالتها فوق الممتاز

الابيزا 99 نفس شكل 94 مع اختلافات (الاكصدامات و الشبكه و اكر الابواب الداخلية و اختلاف شكل العدادت و طريقة حساب الكيلوات (99 بتحسبها ديجيتال)(94 بكر)

الموتور ال 1000 موتور اقتصادي لازم تكشف عليه كويس و تقيس كبسه قبل ما تشتريه لانه محرك صغير الحجم و بيتبهدل بسرعة لكن ممتاز في استهلاك البنزين 350 كيلو في الصفيحة و فيه عربيات سجلت استهلاك احسن من كده وصل ل 380 كيلو في الصفيحة
موتور بيتحمل الشغل العادي لكن متفرمش فيه جامد شد و حرق و كده يعني لو حالته كويسه هيستحملك و يعد معاك شوية

لا انصح بتركيب تكييف عليه بالمره الموتور هيموت

اما ال 1400 استهلاك البنزين 250 كيلو في الصفيحة محرك قوي تجميع سريع يتحمل التكييف و اعتمادية عاليه و فيه ناس كتير بتشتري الابيزا 99 1000 و موتورها بيبقي نص نص و يسقطو ال 1400 بيسقط علي نفس الضفيرة و الفتيس و العفشه و القواعد و القنطره بتوع ال 1000

ال 99 صيانتها سهله جدا و موتورها مفهوش اي تعقيد عايز واحد بيفهم بس يشتغل فيه و دول موجودين كتير

الابيزا 94 1300 كربراتير استهلاك بنزين اكتر من 99 و العربية معايا و حافظها و سجلت معايا 200 كيلو في الصفيحة و الموتور في اسوأ حالاته(كربراتير محتاج تنضيف-بوجيهات و فلاتر محتاجة تغيير) موتور قوي جدا اقوي من ال 99 بكتير (بلوك حديد بعكس ال 99 بلوك المونيوم) بيستحمل البهدله و الشغل فيه ناس ركبت عليه تكييف و كان ماشي حلو جدا انا عن نفسي جربت الموتور ده و هو عليه تكييف التكييف كان ممتاز و سحب العربية كان حلو ! بس فيه عربيات تانيه التكييف موت موتورها و ده يرجع لحاجتين يا اما الموتور حالته كانت وحشه اساسا يا اما التكييف اللي ركب مش بتاعها بالتالي بهدل الموتور

قطع الغيار متوفره للعربيتين سواء جديد او استيراد التوفيقية مليانة تجار قطع غيار فولكس و سيات مصر الجديدة فيها شارع مليان تجار قطع فولكس و سيات شارع فيصل فيه الجيزه فيها عين شمس فيها حاجتها موجوده في كل حته

العيوب:في نظري انا عيب في الابيزا هو الصاج ! العربية صاجها عادي رغم انها شقيقة الجولف 2 لكن الجولف تتفوق عليها في قوة الصاج بنسبة كبيرة هي صاجها مش ورق لكن في نفس الوقت مش شديد يعني متوسط

-في ناس بتقول ان العربية تبقي واطيه ده عيب انا مش شايفه عيب لانه مدعم ثبات العربية جدا جدا جدا و اذا كان علي المطبات تتاخد بالراحة و خلاص و العيب الحقيقي في الشوارع مش في العربية

مش عارف اجيبلك عيوب تانيه لان فعلا اكتر من كده مشفتش من العربية 16 سنة شغل 414 الف كيلو و العربية عمرها ما قلت بينا الحمد لله

اي سؤال عن اسعار قطع الغيار اسأل بس قولي حاجات محدده عايز تعرف اسعارها و هقولك علي طول ان شاء الله

[fezo]

أنا بس عاوز أعرف أكتر عنها لأنى بقارن بينها هي و جولف2 و اوبل كورسا
بس انا ميال اكتر للابيزا بس عاوز اعرف اكتر عشان لما اشترى اجيب اللى يناسبنى
مع العلم انى بسافر كل اسبوع او اتنين
و ياترى بقى فى منها اوتوماتيك؟(او من الأنواع التانيه)
انا من الأسكندرية
ومش عارف هلاقيها في اسواق فين هنا

[رياح التغيير]

الله عليك با محمد نورت المنتدي ايه الكلام الجامد ده ايه يا بني ده المنتدي من غيرك كان فيه اهتزازات شديدة جدا الحمد لله علي سلامتك... ربنا يخليك لينا يارب ويوفقك في امورك كلها آمين