|
#1
06-01-2013, 01:43 PM
|
|||
|
|||
لسة بسوق جديد و كنت عايز اجرب سفر ولأ
مساء الخير على احلى شباب فى المنتدى الجميل دة
انا لسة كانت من فترة عامل موضوع علشان استفاد من خبرات حضراتكم فى موضوع السواقة و انا بتعلم فى مدرسة سواقة كنت بتعلم فى مكتب تعليم قيادة على عربية 128 و طلعت الرخصة الحمد للة -- الكلام دة كان فى اول شهر 9 اللى فات و اخر الشهر اشتريت سيارة BYD F3 و عايز اقولك كانت حاجة تانى غير اللى سوقتة من حيث الابعاد و الاحجم و حسيت انى عمرى ما ركبت عربية المهم اتنين جيران كل يوم قعدو يعلمونى عليها لمدة اسبوع كل يوم واحد و الحمد للة بقيت بمشى فى اى حتة صبح وليل بس اول يوم الاكصدام الخلفى شمال اتحك فى ميكروباص علشان كان مقرب منى جدا و انا كنت مشغل اشارة يمين و هلف بس الحمد للة جت بسيطة جدا طلعت حكة خفيفة انا روحت بيها لنا اقاربنا فى العاشر من رمضان كان يوم جمعة الساعة 11 الصبح ووصلت لسرعة 110 و 120 و خفت ادوس عن كدة انا اصلا معرفش الطريق بس مشيت من جسر السويس من اولة و كنت فاكر انى هوصل لموقف العاشر و اسأل هناك لكن لقيت يفت مكتوب عليها العاشر اسماعلية و بورسعيد و مشيت عليها مع متابعا على التيلفون مع الناس اللى رايحلهم بس مش انا اللى بكلمهم كان والدى بس المشكلة انى بحس انى مش متحكم فى الدركسيون بحس ان العربية بترقص على خفيف مع انى بسمع من اللى معاة العربية انها تقيلة على الارض و لحد 140 فى قمة الثبات انا متعود جوة مصر بسوق بأيدى الشمال بس لكن لما بكون طريق مفتوح بمسك بأيدى الاتنين علشان لما بوصل الى 80 جوة القاهرة بأيد واحدة بحس انى مش متمكن قوى منها و مطلوب منى اسافر بيها المنصورة فى خلال الاسبوعين اللى جايين فأية نصياحكم ليا علشان اتمكن من الدركسيون شكرا جدا 
|
|
#2
06-01-2013, 01:54 PM
|
||||
|
||||
|
رد: لسة بسوق جديد و كنت عايز اجرب سفر ولأ
نصيحه انسي حوار انك تسوق بايد واحده دي نهاائي
عالاقل اول سنتين سواقه كده ويفضل لو دايما لان الايدين بيوزونوا بعض وممكن ايدك تسرح لوحدها غير ان السواقه بايد واحده دي كانت حتعملي مصايب كتير قبل كده موقف مفاجئ قدامك الدركسيون يفلت منك اي حاجه ممكن ايد واحده متسعفكش شوف انا بسوق بايد واحده اهو بس بقولك بجد بلاش بس انا عشان اتعودت عالسواقه كده فعلا لكن نصيحه متعودش نفسك علي كده لانها مش من قواعد القياده الامنه وبالنسبه للسفر يبقي حد معاك بيعرف يسوق يبقي جمبك لتنبيهك ومش لازم سرعات عاليه دلوقتي لان العربيه بتغري وطالما انت متعرفش الطريق عامل ازاي يبقي توقع اي مفاجئات وكل مسرعتك كانت اقل كل محتعرف تسيطر عليها في اي مفاجأه ومبروك عليك يباشا 
__________________
أيـــها المُشــــتكي ومــابــك داءُ .... كــُـــن جميـــلاً ترى الوجـــودَ جميـــلا  محمد الرويعي 
|
|
#3
06-01-2013, 08:25 PM
|
|||
|
|||
رد: لسة بسوق جديد و كنت عايز اجرب سفر ولأ
انا عموما لما هسافر هيبقى الصبح كدة بعد الساعة 10 علشان ابقى بعيد عن الشبورة و يبقى فى الصبح فى النور لكن اللى زعلنى لما رحت العاشر بحس ان العربية ان من اقل لمسة للدركسيون العربية بحس ان العربية خفيفة و بتتمرجح مش عارف دا منى ولا من العربية تنصحنى بأية علشان ابقى متمكن فى العربية فى السفر و هاخد بكلام حضرتك و هحاول اتعود امسك بأيدى الاتنين شكرا جدا
|
|
#4
06-01-2013, 08:59 PM
|
||||
|
||||
|
رد: لسة بسوق جديد و كنت عايز اجرب سفر ولأ
نصيحة اخوية بلاش تسوق علي طيق سفر قبل 8 شهور سواقة يومية في البلد
سواقة طريق السفر اسهل بس الغلطة علي طريق السفر بتكون وحشة حاجة كمان طريقة المنصورة زي الزفت مطبات وتكاتك عكس اتجاه وفي كل حتة وناس بتعدي الطريق الزراعي سيء ومينفعش مع حد لسه جديد من المنصورة للقاهرة ارحم شوية انا كنت بروح من بورسعيد للمنصورة الطريق الزراعي اسوأ وبلاش تسوق بايد واحد انا كنت بامشي 150و 160كم بايد واحد بس فعلا مكنتش بعرف اسوق بايدايا الاتنين تعود بقه بس فوق ال160 بحضن الطارة ههههههه التعود وحش ربنا يسترها عليك وعلينا ولو ينفع متسافرش بالعربية يكون افضل او علي الاقل يكون جانبك حد بيسوق من زمان 
__________________
|
|
#5
06-01-2013, 09:03 PM
|
||||
|
||||
|
رد: لسة بسوق جديد و كنت عايز اجرب سفر ولأ
السلام عليكم
بخصوص ان العربيه بتلعب يمين وشمال ياريت تشيك على ضغط الهواء داخل الأطارات وتراجع على زوايا العجل وتوكل علي الله وخلى في ثقه بالنفس وتشجع بس بيداك الأثنين في الأول وبلاش السرعه تغريك  والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
 |
|
|
