|
#16
15-10-2009, 08:16 AM
|
||||
|
||||
رد: نيسان تيدا... ام تيوتا كرولا؟؟
شكرا يا استاذ حازم علي اهتمامك
وراي حضرتك وصل ان الكرولا افضل ومقارنتي بين الاتنين كانت من باب العلم بالشئ مش اكتر ليس لاني اشترتهه او اني لسة محتار اشتري مين فيهم والفرق في السعر مش كبير لدرجه انة يخليهه مسئلة امكانيات كبيرة زي الي بيقارن بين الباسات والتيدا واتفق معاك ان الكرولا في الوقت الحالي متفوقة من ناحية الانتشار واقبال الجماهيري نظرا لقدم الموديل مقارنة بالتيدا والفرق في السعر بينهم اعتقد انة اتي بسبب الطلب الاكبر علي السيارة وكما اشرت لقدم الموديل وليس لشئ اخر بس بقية الحاجات كتجهيزات واسم الشركة التي تغيرت كثيرا مع تحسن اداء ادارة النيسان اختلف معاك وبالتاكيد اختلافي معك لايفسد للود بيننا شيئا ان شاء الله تقبل تحياتي اخوك مهندس محمد 
|
|
#17
15-10-2009, 01:03 PM
|
||||
|
||||
|
رد: نيسان تيدا... ام تيوتا كرولا؟؟
ايه المقارنة الجامدة ديه
 تسلم ايديكو يا باش مهندزييييين ptmnlo123per154حازم حبيبى مضطر اختلف معاك جامد جددددددداً اولا العربيتين يتقارنو ببعض جداً موووووووت خالص وده لان العربيتين نفس المواصفات الميكانيكة ونفس الابعاد والاوبشن الاساسى قريب من بعض فمع احترامى واقتناعى بالتصنيفات العامة انا لما اجى اشترى عربية ميهمنيش غير الاتنين دول مواصفات ميكانيكة وابعاد نيجى اولا للمواصفات الميكانيكة الكرولا موتورها سعته 1.6 لتر بيخرج قوة وعزم 107 - 145 على التوالى النيسان موتورها سعتة 1.6 لتر بيخرج قوة وعزم 110 - 153 على التوالى والمفروض ان القدرة القصوى للنيسان بتوصل ل 118 حصان على 6000 دورة فى الدقيقة والمفروض ان وكيل التويوتا بيقول ان اقصى قوه لموتورها ال 1.6 بيوصل ل 142 حصان لكن موقع تويوتا العالمى الرسمى بيقول ان الموتور ال 1.8 لتر بيطلع 132 حصان فمش منطقى طبعاً حكاية ال 142 حصان ديه فخلينا نقول ان الاتنين متساويين فى قوه المحرك وفقاً للبيانات الرسمية وده الصحيح الوزن تقريباً واحد علشان كده نسب القوة والعزم للوزن تقريباً واحدة وعلشان كده التسارع واحد وبيتراوح بين 11 - 12.5 ثانية من الصفر لل 100 كم لكن اعلى عزم للتيدا بيتحقق على عدد لفات اقل من الكرولا 4400 - 5200 على التوالى وده بيخلى اداء التيدا المانيوال اكثر مرونة ان لم يكن الاوتوماتيك كمان خاصة مع تقنية ال MMT فى الكرولا الغير محببة للكثيرين استهلاك الوقود فى الاتنين متساوى والاتنين مطابقين لاشد المعايير الاوربية صرامة فى مجال الانبعاثات وتوفير الطاقة كلاهما مزود باكياس هوائية ونظم دعم الفرامل ABS - EBD كلاهما حاصل على خمس نجوم فى اختبارات الامان والسلامة الاوربية والامريكية واليابانية تقارير المستهلك تميل نحو التيدا اكثر من الكرولا نيجى للابعاد قاعدة العجلات فى العربيتين ((متساوية)) 2600 مليمتر الكرولا عامة اعرض واطول بفارق من 5 الى 8 سم سعة الشنطة الخلفية اوسع فى الكورولا ب 3 لتر (467-470) الفرق بين العربيتين فى السعر حوالى 3 - 4 دولار ده بين ال 1.6 التيدا وال 1.8 الكرولا ده بالاضافة الى كمية اوبشن موجودة فى الكورلا اكتر مع الفارق البسيط فى الابعاد فهى فئة اعلى باعتبار الاوبشن والكماليات مش الاداء ابداً علشان كده انا بحب التيدا والنيسان عامة وبعتبرها الباب الخلفى (الاكثر اقتصادية وعملية) للسيارات اليابانية والتيدا تحديداً صفقة رابحة بما تمثلة من قيمة مقابل سعر فى سيارة تجمع بين الاعتمادية والجودة والمعياريه الدولية مع طابع اوروبى عملى مميز
|
|
#18
15-10-2009, 02:17 PM
|
||||
|
||||
|
رد: نيسان تيدا... ام تيوتا كرولا؟؟
فرق السعر كبير بين النيسان تيدا سيدان أتوماتيك UPPER حوالى 127 ألف والكورولا MMT 147
|
|
#19
15-10-2009, 06:32 PM
|
||||
|
||||
|
رد: نيسان تيدا... ام تيوتا كرولا؟؟
معاك يا ابو نورا في كلامك
بس النيسان صني لسه بتنزل علي الاقل بره مصر و بشكل جديد و حتبقي صعبه اوي ان شركه كبيره زي نيسان تنزل موديلين في نفس الفئه فالتصنيف يضعها في فئه الياريس و ما الي ذلك و للعم الكورولا اطول من الياريس ب 10 سم و اعرض ب 1 سم فقط!! لذلك من المنطقي جدا ان تكون التيدا من نفس فئه الياريس لتكون الصاني في فئه الكورولا و انت عارف ان الشركات اليابانيه كلها عامله زي القط و الفار لازم ينزلوا عربيات منافسه لبعضهم و عموما اختلاف الرأي لا يفسد للود قضيه
__________________
حـازم خـضـر
|
|
#20
16-10-2009, 10:34 PM
|
||||
|
||||
|
رد: نيسان تيدا... ام تيوتا كرولا؟؟
في البداية بشكر ابو نورا جدا
علي كلامة الجميل الي هوة قالوا وبشكرة علي المعلومات الي هوة قالها والي كان موجودة جوة تساؤلاتي بالنسبة لموتور الكرولا والي تكرم ووضحهه لينا كلنا والي اعتقد انهه بتحسم الامر وبتوضحهه تماما والي بتفق معاة فية تماما وطبعا هوة شخص فاهم اكتر مني في العربيات ولية خبرة كبيرة طبعا ودة واضح من خلال المنتدي وتواجدوة ومشاركتة فيهه وطبعا بشكر الاستاذ حازم علي اهتمامة بالمشاركة نعم بالتاكيد ان الفرق في السعر بين الكرولا والتيدا بيرجع لكماليات العربية وشئ تاني هوة ان الناس بتجري ورا الكرولا وهية مغمضة لو معاهم تمن السيارة الكرولا فطبيعي ان سعرها يغلي لزيادة الطلب عليهه بس مش لدرجة السعر المبالغ فية دوة من الرائع ان الكرولا عليها اقبال دة بيخلي سعر اعادة بيع اكتر بس في المستقبل اعتقد ان السعر دة من الكرولا هيضر بحركة بيعهه وبنسمع كلام عن التقفيل الجنوب افريقي علي مااعتقد في بعض الفئات وكلنا عارفين ان الايد الغير يابانية في العربية مش مستحبة لان الواحد لو جاب عربية اكتر حاجة بتفرحو كلمة ياباني تقفيل بلادهه زي التيدا في الحالة دي الصني بالشكل الموجودة فيه في مصر طبعا هية عربية كويسة بس اذا كانت علوم السيارات بتقول زي كلام الاستاز حازم انة دي فئة تقارن بالكرولا فان العقل او نسميهه(تصنيف المستهلك) زي ما اشار ابو نورا وهوة دة الاهم رايي الي هيشتري من ناحية المساحة والاداء ان التيدا تقارن بالكرولا وليست الصني هي من تقارن بالكرولا حتة اخيرة ومعذرة للاطالة التساؤل الي بيطرحة الاستاذ حازم هوة ان العربيات الياباني بتتسابق مابينهه ومابين بعض في انتاج الفئات فان مش المعقول ان النيسان بتنتج نوعيين من نفس الفئة ودة علي حسب كلامة فانا بقلة ان الصني بشكلها الموجود في مصر والي هوة تقفيل مصري يعني مش تقفيل اليابانيين يعني مش بتمثل عبئ في الانتاج لنوعيين من قئة واحدة في مصانعهم هي مجرد سيارة وجدت لها ارض خصبة في مصر ومازال الاقبال متواصل عليها لو هية في اي فئة كبري صغري ايا كان وكان في النيسان موديل في نفس فئتها فاستحالة انها توقف اي واحد فيهم خاصة ان الصني تمتلك سعر تنافسي يعني مش بطال علي شكل من رايي قديم شوية ومش عصري بالدرجة الاولي فالموضوع اقتصادي بالنسبالهم وياريت نعرف ابعاد النيسان الصني كام كمان من الطول والعرض وقاعدة العجلات؟؟؟؟ التعديل الأخير تم بواسطة dreamer lover ; 16-10-2009 الساعة 11:07 PM
|
 |
| الكلمات الدليلية |
| نيسان تيدا, تويوتا كورولا |
|
|
