طريق سيوة و حقول الالغام

[amrmohamed1975]

ظروف شغلي صعبة شوية بحتاج اسافر باستمرار لمحافظات حدودية و اماكن بعيدة و اخر سفرية كانت لسيوة طريق صعب و رخم و فى الاخر قبل سيوة بـ 30 كيلو لقيت بعض اليفط مكتوب عليها احذر حقل الغام اكيد طبعا من ايام الحرب العالمية الثانية الي لسه بقايا مخلفت هذه الحرب تملي صحراء مصر الغربية و الله كتر خيرهم على اليافطة بس مكانش فى حاجة افضل لان وارد عربية كاوتش يضرب و يلقي نفسه فى الرمل خاصا ان الطريق فردة و احدة زهاب و عودة مش كفاية عليه ان الطريق مفيش عليه اي خدمات كمان الغام يا نهار ملوش ملامح بس حد يقولي ارفع الصور ازي

[mercedes174]

انا كنت يا زعيم في الجيش في سيوة وفعلا فية الغام كتير هناك حتي انة في احدي المرات عسكري حب يتفسح في الصحراء وانفجر فية لغم وحدث لة بتر في ساقة وللعلم الجيش يستطيع ازالة حقول منها ولكنة لا يفعل زلك الا قليل لسببين اولهم حتي تظل جريمةا لحرب موجودة كما وبالتالى فربما تستفيد مصر بالتعويض المادي بعد زلك وثانيا وهزا راي شخصى وجود حقول الالغام يمنع اي حد من التعدي علي تلك الاراضى نظرا لصعوبة مراقبتها مع العلم في كل الاحوال تكلفة ازالة الالغام عالية

[Injection]

أحنا فى حقل ألغام, بووووووووووووووووووووم.

لا بجد, حضرتك ممكن ترفع الصور أما على

www.photobucket.com
www.ozzo.com

بعد الرفع هتاخد لينك هتعمله كوبى وتدخل تكتب تعليق, هتلاقى زرار فى صندوق التعليق مرسوم عليه صورة (جنب الكرة الأرضية) هيطلع لحضرتك صندوق, هتحط فيه اللينك وخلاص.

بس بجد ربنا يحمينا, ويحمى كل حد بيضطر يعدى من هناك, بس أنا كنت فاكر أنهم شالوها كلها أو حتى معظمها, ولا سايبنها للعبرة.

ربنا يسترها وحسبي الله ونعم الوكيل في كل مؤذي

[احمد بدر1978]

ربنا يسترها معانا كلنا