طرائف حقيقية شخصية عن السيارات

[Dr. Bolbolan]

كلام سليم يا أحمد باشا ولكن زى أنا ماقلت الراجل ماكانش معاه عده علشان أعلى السلانسيه والدنيا كانت ضلمه يعنى مش شايف حاجة وكمان السيارة غريبة عنى ومش عارف تعلى منين وأخيرآ زى مانت عارف أسوأ تركيبة وزنقة لموتور سيارة هى 304 وبكده تبقى القصة محبوكه - بس هى حقيقية بعون الله وفى غيرها كتييير
سؤال بقى على الماشى أنا لسه متعرف على الموقع ده أول أمس وبعرف أرد على موضوع ولكن كيف أرسل رسالة مستقله تكون هى رأس موضوع مثلآ ؟؟ptmnlo123per144

[AHMEDCAR]

تعالى فى القسم اللى انت عاوز تعمل فيه الموضوع و اضغظ على موضوع جديد

بس كده

[Dr. Bolbolan]

كنت أسير بال133 العظيمة بجوار كوبرى الهاكستب رايح مستشفى مدينة السلام حيث كنت أعمل ودا من ربع قرن تقريبا وفجآة الآبلاتين لدع وتوقفت السيارة وفى هذه الآيام لاكان فيه هناك مبانى ولا ورش ولا حمدى لادا وكمان السيارات قليلة وماحدش طبعا فى المحروسة بيقف يساعد المهم يا محترم ليس معى أبلاتين جديد ولا صنفرة - هرشت دماغى كالمعتاد وعملت بنصيحة أنظر حولك ( بعد الدعاء الى الله طبعآ ) ووجدت أجدع صنفرة ؟؟ ياقة بدلة عسكرى صوف مقطوعة ومرمية على الآرض ! استعملتها كصنفرة والآبلاتين رجع جديد ياحلاوة ودارت الآيام أقصد السيارة ( قصة حقيقية )

[Saif eldien]

بمناسبة ال السيات 133 كانت اول عربية عندى وكنت لسة مخلص ثانوية عامة وداخل الكلية ولسة شارى العربية وفرحان بيها وكانت عيزة شوية تظبيط ومكنتش متمرس سواقة ومبتداء جدا وماشى بلعربية بعد مخرجت من عند المكنيكى ال لسة مشترى من عندة العربية وصحاب العربية وخدين الفلوس ويدوب ماشى بلعربية الى اول الشارع وقفت بالعربية ولسة بامشى بيها مش عيزة تمشى والغيار الاول مش عايز يجى وكان معى اخى وصديق لى وادوس دبراج والغيار الاول مش عايز يجى واخى وصديقى يقول دوس جامد على الدبرياج اقولهم والله دايس المهم عمال اعافر فاخى بيقلى هات الغيار عليك قوى وجيب الاول فقولت لة طيب امسك العصاية دة هات انت الغيار الاول لان عصاية الفتيس طلعت فى ايدى وطبعا رجعت للمكانيكى وغيرناها

على فكرة العربية دة عربية المغامرات فى بداية حياتى

[elkady0]

اطول مشوار
اولا انا من المنيا وكان عندى فرح اخويا فى سميراميس المهم كان عندى 18 سنه فى وقتها ومعايا بيجو 504 وكان مسافر معايا الحج والحجة واختى وصاحب اخويا قلنا نطلع من البلد بدرى علشان الطريق وكدة الكلام دة كان الساعه 7 الصبح وبعدين بعد ما طلعنا من البيت بحوالى 300 متر سلك الاكسراتير اتقطع قلنا نروح نجيب ميكانيكى جبنا ميكانيكى اندامه قعد بالظبط 4 ساعات فى تغيير سلك الاكسراتير وفى الاخر ركبلنا سلك بتاع موتسيكل قلنا مش مشكله المهم نمشى من ام المكان دة واحنا ماشيين العربيه اخر سرعه فيها 40 كم بفضل الاكسراتير العظيم المهم وصلنا لمركز مغاغه بالمنيا وروحنا للميكانيكى بتاع العربيه والله ركبه فى بالظبط 5 دقايق قلنا الحمد لله والعربيه مشت 120 وبعد بالظبط 10 كيلو وقفنا عند فكهانى قلنا نجيب شويه فاكها وطبعا انا اللى كنت سايق واتنطط على نفسى وقلت لصاحب اخويا انا زهقت سوق انت وطبعا العربيه كانت مليانه شنط وحاجات لدرجة كنا حاطين الشنط على حجرنا جوة العربيه واول ما صاحب اخويا ركب العربيه وانا كنت لسه بركب العربيه وبعدل الشنط علشان اعرف اركب كانت لسه رجلى بره العربيه راح البيه اللى سايق طلع مرة وحدة وداس على رجلى واتكسرت قلنا خير الله اعلم كان ممكن يحصل ايه طبعا روحنا لدكتور وجبسها ومشينا يا دوب وصلنا للعياط والعربيه شطبت بنزين الكلام دة كان الساعه 9 باليل واحنا طالعين الساعه 7 الصبح من البيت والمشكله اننا مش عارفين انها مشكله بنزين لان صاحب اخويا اول مرة يركب العربيه ومش فى دماغه بنزين ولا نيله طبعا البيه حاول كتير انه يشغل العربيه والعربيه طبعا مشطبع فطبعا خلص كل البنزين اللى فى الخراطيم وبعد كدة جاب بنزين وحطه فى العربيه وانه يدور العريه مش راضيه تدور بعد كل المحاولات وجبنا ميكانيكى حاول انه يسحب بنزين ببقه واخر ما زهق راح قالنا انا رايح اجيب حاجة من الورشه وجاى راح يجيب الحاجة والحمد لله ما حدش شاف وشه تانى وسابنا قلنا نزق العربيه ونحاول يمكن تشتغل طبعا انا رجلى مكسورة وقاعد فى العربيه وحدش عاوز يعبرنا ولا يزق معانا لانه مفيش حد جنبنا لانه طريق سريع وفجاه لقيت اختى وامى نزلو من العربيه وبيزقو وانا فى العربيه طبعا اضايقت جدا فنزلت وانا رجلى مكسورة وركبت امى واختى العربيه وبقيت ازق العربيه انا وصاحبنا دة والحج بيحاول مع العربيه وفجاه اشتغلت بس بعد تقريبا زق حوالى 300 متر حاجة سهله مش مهم واخيرا وصلنا الساعه 2.30 وعلى فكرة المسافه كلها 180 كيلو بس اخدناها فى حوالى 19 ساعه تقريبا وبعد كدة الحمد لله العربيه بعد ما وصلتنا تانى يوم العربيه فصلت فتيس مش بتاخد غيار غير التالت بس والمرشليه والحمد لله شكرا على كدة جبنا الميكانيكى من مغاغه فى المنيا واخد العربيه وعدلها عندة بس بعد ايه!!!!!!!!!!!!!!!!!!!!!! !!
وشكراااااااااااا على كدة قوى انا عارف انه اطول مشوار فى حياتى
وبجد انا اسف جدااااااااااااااااااااااا ااااااااااااااااااااااااا لو موضوعى طول ولو ضايقت حد بيه
على فكرة بجد والله كل اللى قولته حصل والمشوار دة حصل حقيقى يوم 24/2/2004

واسف تانى لو كنت طولت عليكم