رابطة مالكي الكيا سيفيا فيد واستفد ( صداقة - نقل خبرات )

[midohema]

المشاركة الأصلية كتبت بواسطة medo_mony السلام عليكم ورحمة اللة وبركاتة دى اول مشاركة ليا فى هذة الرابطة العظيمة وهى رابطة السيفياوية عايز اخد رايكو فى حاجة كدا اولا انا نفسى اشترى عربية جديدة بدلا من 128 اللى قرفتنى اوى دى ثانيا انا معايا فلوس اجيب فيرنا او دايو بس المشكلة بقيت تكسة و مبهوءة اوى ثالثا انا جتلى فرصة جامدة اوى قولت اعرضها على اهل الخبرة وهى عربية جارتى وهى كيا سيفيا موديل 2002 وانا عارف استخدمها بسيييط جدا و حالت العربية كويسة جدا والعربية عاملة 58 الف كيلو فقط ثم عرضتها للبيع وقالت لى عايزة 45000 جنية اية رايكو ولا اجيب زيرو لانوس او فيرنا لية الاحسن افيدينى ارجوكو ارجو سرعة الرد وشكرا

صديقى العزيز ... انا شايف ان السعر مناسب جدا" خاصة ان العربية تعتبر لسه بحالتها(زيرو) و لو انت متأكد ان دواخلها سليمة 100% ... توكل على الله
و انتظر برده رأى خبراء المنتدى

[medo_mony]

الف شكر يا باشا ربنا يكرمك
وان مستنى باقى رد السفياوية اهل الخبرة
ارجوكم ارجوكم سرعة الرد حتى لا تفوتنى هذة الفرصة اذا كانت فعلا فرصة
حلوة كما يقال لى
ارجوكم مرة اخرى لانها عرضة العربية للبيع ممكن اى حد يشتريها قبل ما تضيع
عليا يا جماعة
مرة اخرى الزيرو سواء فيرنا او دايو ولا السيفيا اللى مع جارتى دة
وشكرا واسف على الايطالة

[كيا سيفيا]

العربيه ممتازة واروع من الفيرنا واللانوس واسعار قطع غيار معقوله واعطالها قليله جدا بس السعر عالى شويه يعنى ممكن 43 الف تبقى فى الجون
وبالتوفيق

[hany_roland]

المشاركة الأصلية كتبت بواسطة medo_mony الف شكر يا باشا ربنا يكرمك وان مستنى باقى رد السفياوية اهل الخبرة ارجوكم ارجوكم سرعة الرد حتى لا تفوتنى هذة الفرصة اذا كانت فعلا فرصة حلوة كما يقال لى ارجوكم مرة اخرى لانها عرضة العربية للبيع ممكن اى حد يشتريها قبل ما تضيع عليا يا جماعة مرة اخرى الزيرو سواء فيرنا او دايو ولا السيفيا اللى مع جارتى دة وشكرا واسف على الايطالة

توكل علي الله وخد السيفيا بدون تفكير مفيش مقارنة بينها وبين الفيرنا أو لانوس بس السعر محتاج ينزل الفين او الفين ونص

[retaliation]

السلام عليكم ورحمة الله و بركاته
يا رب يكون الجميع بخير فى حاجه غريبه أوى حصلت دلوقتى و هى أنى جاى أدور العربيه مش راضيه تدور مع أنها كانت شغاله من ساعتين بالظبط مش عارف أيه اللى حصل بس الحاجه الغريبه الى لاحظتها أنى لما ببدى العربيه سنة كونتاكت قبل ما دور و أسيبها شويه مش بسمع صوت طلمبة البنزين فشاكك أنه يكون منها !!!!؟؟؟؟