إستشارة سريعة لو تكرمتم

[quietness]

أولا كل عام وأنتم بخير ...

ثانيا أنا في حاجه لنصيحة شامله فأنا أريد شراء سيارة ومعروض علي سيارة سكودا فابيا 2002 طبعا هيا عند جاري عشان كدا انا بفكر فيها
لكن العربيه فاضيه تماما لا تكييف ولا باور ولا زجاج كهربي والموتور 1000 سي سي
بس الكبينه نظيفه ومش متبهدله والعربيه عموما رايقه
انا معنديش فيها غير مشكلتين التكييف وغلو قطع الغيار
ممكن نعدي موضوع التكييف بس الواحد خايف من مشكلة غلو قطع الغيار والكماليات
مش معنى كدا ان العربيه عاوزه حاجه لأ أبدا دي حتى فيها جنوط ممتازه 14 5 مسمار
الراجل طالب 40.000 بس انا بقوله 35.000 عشان هما الي معايه وانا شايف ان هيا توبها كده
انا محتاج تقييم للعربيه من جهة السعر والكفاءة والقطع والنصيحة
ولو فيه حاجه في سعرها تنصحوني بيها مع خالص شكري واعتزازي

[AbOnOrA]

كان فيه حد قبل حضرتك بايام بيسال على نفس العربية فاضية بردو وبيسأل اذا كان ممكن يركبلها باور وتكييف وانا نصحتة انه يشوف تكلفة الحاجات ديه فى توكيل او مركز خدمة معتمد

وبالتالى بانصح حضرتك انك تتصل بمركز الاقصى وده مركز معتمد من سكودا واسعارهم ارخص من التوكيل وتسالهم على تكاليف الحاجات ديه وتضيفها على سعرها اللى هو 35
وتشوف سعرها الاجمالى هيبقى كام
اكيد هيعدى ال 40 الف مثلاً
وتقارن بنفسك العربية وحالتها مع عربيات تانية فى نفي السعر

لكن انا عن نفسى صعب اركب عربية ب 35 او 40 بدون تكييف او كماليات تعتبر اساسيات دلوقتى وكمان ادفع ضعف التكاليف فى الصيانة وقطع الغيار

[quietness]

تسلم يا أبو نورا على النصيحه والي فادني جدا كلمتك الأخيره
إن ممكن بالمبلغ دا أركب عربيه بتكييف وباور
بس انا بقول ان الفابيا فيها ميزات المتانه وقوة التحمل عن عربيات في الرنج دا فيها الكماليات دي
عموما كلامك صح والله ان التكييف والباور مهمين دلوقتي
انا شاكر جدا نصيحتك