ظبط رجلاش الثلاثة دواسات + فرملة اليد ( بالصور )

[عصام غنايم]

"أبوفارس" أنت تستحق كل تقدير و كل أحترام لموضوعاتك الهادفة و أسلوبك المميز دا بخلاف أخلاقك العاليه ندعوا الله ان يشفيك انت و زوجتك و أولادك و أن يسترك فوق الأرض وتحتها وأن يرزقك ويوسع في رزقك

اللهم تقبل منك

ولك منى كل التحيه والتقدير على دعائك الجميل لى

[luckyman]

المشاركة الأصلية كتبت بواسطة عصام غنايم الأفضل منه من ناحية الثبات مقاس 205\50\15 وعلى فكره الانوس مع شوية تعديلات بسيطه اوى بتبقى من العربيات المميزه فى الثبات ( بالنسبه لمصر )

ياريت اعرف زى ايه التعديلات بالذات من ناحية الثبات انا شفت تعديلك للفرامل لكن الثبات فى اية تانى غير الجنوط
انا كنت بفكر اغير المساعدين والسوست بالتاكيد لهم علاقة فى تأرجح السياره وتنطيطها لابسط تعرجات على الطريق ياريت لو فى عندك اقتراح متجرب بالنسبة للمساعدين والسوست ابقى اعرضة وشكرا لك مقدما

[MR mido]

مشكور لمجهودك

[عصام غنايم]

ياريت اعرف زى ايه التعديلات بالذات من ناحية الثبات انا شفت تعديلك للفرامل لكن الثبات فى اية تانى غير الجنوط انا كنت بفكر اغير المساعدين والسوست بالتاكيد لهم علاقة فى تأرجح السياره وتنطيطها لابسط تعرجات على الطريق ياريت لو فى عندك اقتراح متجرب بالنسبة للمساعدين والسوست ابقى اعرضة وشكرا لك مقدما

شكلك عايز تصرف وتظبط

ماشى الحال

اولاٌ

هتركب طقم جنط 15 اندونيسى ماركه محترمه عرض 7 بوصه رقم ال ET بتاعه 40

هتركب طقم كاوتش 205\50\15 ماركه محترمه معاملات آدائه ( السرعه V الحموله 85 التماسك AA الحراره A )


ثانياٌ

هتركب ماستر فرامل عمومى نوبيرا بستم 22

هتركب جشمتين فرامل امامى لانوس 1600

هتركب طمبورتين امامى ليمفوردر المانى بتوع اوبل فكترا

هتركب طقم تيل فرامل امامى EPC الأخضر بتاع اوبترا


ثالثاٌ

هتغير المساعدين الأمامى بمونورو ال PART NUMPER بتاعهم 73405

هتغير اليايات اللى قدام بييات بتاعة الانوس ال 1600 ( استيراد )

هتركب صدادات المانى قدام جوه المساعد ( بتوع البورا )

هتغير البطاحات والكوبايات اللى قدام بجداد اصلى GM


رابعاٌ

هتغير كاوتش ومسامير الميزان اللى قدام بجداد GM اصلى


خامساٌ

هتغير بيض المقصات اللى قدام بجداد GM اصلى

هتغير بيض التيش اللى قدام بجداد GM اصلى


سادساٌ

هتركب شداد شاسيه امامى علوى STURT BAR

هتركب شداد شاسيه امامى سفلى


سابعاٌ

هتغيرجلبتين الدنجل الخلفى بأتنين جداد GM


ثامناٌ

هتغير المساعدين الخلفى بأتنين مونورو ال PART NUMPER بتاعهم 5776

هتركب صدادتين مساعد خلفى بتوع البورا المانى

تاسعاٌ

هتركب جنبين كاملين سكاكين خلفى بتوع الأسترا 2003 المكنه ال 1600 CC


عاشراٌ

هتركب شداد شاسيه علوى خلفى بين الفخدتين اللى ورا ( جوه الشنطه )


بعد ما تعمل كل ماسبق

ابقى تعالى احكيلى اخبار ثبات الانوس ايه

ومتنساش تدعيلى

[luckyman]

اشكرك جزيل الشكر
مش فاهم النقطة دى دول عباره عن ايه لهم اسم تانى ؟
تاسعاٌ

هتركب جنبين كاملين سكاكين خلفى بتوع الأسترا 2003 المكنه ال 1600 CC

من فين الشدادات بتجبهم ؟
اشكرك على مجهودك الرائع وجزاك الله خيرا وتقبل خالص التحيه