تجنب أسباب النوم اثناء القياده..

[tifa_1979]

مش عارف بصراحة موضوع الواحد ينام هو سايق
هل ممكن واحد بيتكلم معاك بينام هو واقف والسواقة عايزه تركيز ودايما الذهن حاضر وباصص شمال ويمين كل شوية
اذى الواحد ينام بقة مش عارف ربنا يستر على جميع

[koashraf]

المشاركة الأصلية كتبت بواسطة tifa_1979 مش عارف بصراحة موضوع الواحد ينام هو سايق هل ممكن واحد بيتكلم معاك بينام هو واقف والسواقة عايزه تركيز ودايما الذهن حاضر وباصص شمال ويمين كل شوية اذى الواحد ينام بقة مش عارف ربنا يستر على جميع

أغلب حالات النوم اثناء القياده نتيجة القياده لساعات طويله وربما لأيام بدون نوم أوراحه وغالباً بيكون سائقى النقل التقيل أوالرحلات بين الدول زى رحلات الحج والعمره فالسائق يظل طول اليوم من الصباح الباكرحتى المساء على عجلة القياده لايبرحها..وربما لعدة ايام وقد شاهدت بعينى حينما كنت أعمل فى الميناء لتصدير شحنة ما للخارج السائقين يعملون لعدة ايام لايحظون بقسط من الراحه الاعند تفريغ أوشحن الحموله ..وبالتالى يقل تركيزهم فى الايام الاخيره..وربما يستعينون ببعض المكيفات ليحافظوا على تركيزهم..

ونتيجة لذلك نرى حوادث غير منطقيه ..نتيجة سوء تقدير المسافات الفعليه..بسبب الارهاق وعدم النوم لساعات أوأيام..على الرغم من ان قوانين العمل تنص على ان المهن الخطره ومن ضمنها القياده لابد ان يحظى العامل بقسط من الراحه بعد 8 ساعات من العمل ..ولابد من وجود سائق بديل فى حالة الرحلات الطويله غالباً لايكون موجوداً لتوفير النفقات.......

يضاف الى ذلك سائقى الملاكى التى تضطرهم بعض الظروف الى القياده لمسافات طويله أوالقيادة بدون راحه كافيه اوبعد سهر طويل...

اضرب مثال على ذلك عندما كنت ضابط احتياط ورافقت سائق مجند منذ المساء وحتى قرب الصباح التالى حيث لاحظت انه بدأ بفقد تركيزه ..ويظهر ذلك من ردود افعاله الفجائيه والغير مناسبه للموقف..وعلمت من ذلك انه خالف التعليمات الصادره اليه بالنوم خلال الصباح لانه سيقوم بقياده ليليه..فأمرت فى الحال بتغييره وان يعود الى الكابينه لينال قسطاً من الراحه.

[koashraf]

المشاركة الأصلية كتبت بواسطة ironheart شكل المنتدى كل نايم

للأسف يظهر حصل اثر عكسى.........والكل نام .....المهم يصحوا قبل الحادثه.

[mar mar]

انا واخواتي مره كنا ريحين بنها بليل في حته بقي علي الطريق الزراعي اوف ظلامه ظلامه جامد اوي
ومش شايفين قدامنا احنا بنسوق فين
وكنا مشغلين قران بقي والقران بيهدي الاعصاب فكنا بنام وفعلا اختي اللي كانت سايقه كان فاضل تغمض عنيها
بس الحمد لله ربنا سترها وفرفشنا الجو وقعدنا نهزر ونضحك علشان محدش ينام

[احمد على 1999]

موضوع خطير
انا ياما ركنت و انام لما اكتشف اني بغفل حتي لو مجاليش نوم مجرد اني اركن و ريح 5 د بستعيد نشاطي ل نص ساعة علي الاقل و ارجع اركن تاني و لو جالي نوم لمدة ربع ساعة مثلا ممكن ارجع اسوق 3 ساعات

في موقف ظريف حصلي كنت تعبان جدا و راجع من القاهرة و الدائري ماشي تاتا تاتا من غير قصدي روحت نايم طبعا لما كان الطريق واقف و انا لما انام بعمق لما باصحي معرفش انا فين و ليه و امتي و ازاي
طبعا لما الطريق ابتدي يتحرك الي ورايا ادرك ان الي في العربية الي قدامه الي هو انا مات !