ايهما افضل الخابور ام اللزقة والتسخين

[samirayad]

افهم من كلام حضرتك ان الاجناب ما فيهاش سلك ده 1 2- اللي مخوفني ان الخابور وهو داخل في منطقة السلك انه يقطعة ومع كبر الابرة اللي بيدخلوها بالخابور ممكن تقطع كام فردة سلك ف بتخلي المنطقة دي ضعيفة 3- وده الاستفهام في الموضوع هل السخونية بتاعة المكوة مع الضغط ليهم تأثير علي السلك ( اعتقد ده الفيصل في الموضوع

يا أبو حميد

بيقولوا فى المثل

مش كل من مسك زماره زمار

يعنى فيه فرق بين واحد بيجرى شغلانه معينه وواحد تانى

وبيقولوا أيضا

أدى العيش لخبازه

الصنايعى الشاطر بيقدر يحدد هو بيحط الأبره فين علشان يركب خابور بلاستيك

من خلال حسه الفنى

هو مش الأبره لو ماشيه فى الكاوتش وقابلت السلك مثلا

حيحصل أيه

حيزيد الحمل على الأبره

لأن قوة أختراق الأبره للسلك غير الكاوتش

دى صنعه يا أخوانا

زى شغل الجراح الماهر

ممكن تلاقى جراح نص كم

يجى يعمل عمليه لواحد فى الكلى ....يروح محود بالمشرط على الكبد

أما الجراح الماهر

بيبقى عارف

هو رايح فين بالضبط

[samirayad]

فيه سؤال عاوز أسألهولك

يا أستاذ : أحمد

أخى وزميلى صاحب هذا التوبيك

ليه الخابور بتاع الكاوتش معمول ............؟

وبيتباع فى كارتة خوابير ( فيها 5 تقريبا )

علشان نسلك بيه أسنانا مثلا

ماهو علشان أعمال لحام الكاوتش

يبقى العيب مش فى الخابور

العيب فى إللى مش عارف يستعمل الخابور

مش كده ولا أيه

[drmagola]

بجد يا جماعة انتم ناس افاضل
ربنا يبارك لكم فى عافيتكم و عربياتكم

[harpoonattack]

المشاركة الأصلية كتبت بواسطة samirayad فيه سؤال عاوز أسألهولك يا أستاذ : أحمد أخى وزميلى صاحب هذا التوبيك ليه الخابور بتاع الكاوتش معمول ............؟ وبيتباع فى كارتة خوابير ( فيها 5 تقريبا ) علشان نسلك بيه أسنانا مثلا ماهو علشان أعمال لحام الكاوتش يبقى العيب مش فى الخابور العيب فى إللى مش عارف يستعمل الخابور مش كده ولا أيه

بالرغم من انى كنت من معارضى استخدام الخوابير بس كلام معاليك عين المنطق ... كل تقديرى ليك يا هندسه
بس كان ليه سؤال صغنطوط يعنى ايه توبيك ؟؟؟

[samirayad]

بس كان ليه سؤال صغنطوط يعنى ايه توبيك ؟؟؟

توبيك ....مجرد تعريب للكلمه الأنجليزيه topic

أى موضوع