فيات 131 أم ريجاتا

[ابا رضوى]

الف شكر زيزو على النصيحه

[mstool]

انا حيران زى الراجل اللى كتب الموضوع بزبط بس لسة بردة فى دماغى ريجاتا العربية نشفة فى الصاج زيها زى ال 131 و التكييف لو اتزبط بيبقى تلاجة اشحنة بس فريون و يبقى كويس العربية الريجاتا سحب اقوى فية فرق بس اظاهر انك حبيت ال 131 اكتر لما كانت معاك و على فكرة الريجاتا انعم فى الدريكسيون مش ال131 ال 31 موديلات قديمة و صعب تلاقى حالة كويسة الريجاتا احتمالها اكبر بكتير انك تلاقى فيها حالة كويسة الكماليات مهمة و مش مقرفة كدة اعتقد ان حضرتك كان معاك ريجاتا حالة مش كويسة علشان كدة اخدت عنها الفكرة دية انا اعرف اتنين معاهم ريجاتا بيحبوها جدا و مش بيشتكوا و انا جربت تكيفها و سواقتها كويس و مقتنع بيها جدا
النقطة الوحيدة اللى شايفها فى ال131 انك لما تبيعها تانى ماعتقدش هيبقى قبل 5 سنين او 4 بعد شرائها سعرها مش هيقل جامد زى الريجاتا
الريجاتا حضرتك سنة 2008 كانت فى معدلات 35 الف 30 الف حاليا هيا فى معدل من 16500 لحد 25 الف لكن ال 31 موصلتش للسعر دة من سنتين مش عارف سعرها كان كام بزبط بس اللى اعرفة ان جدى باع واحدة من خمس سنين حالة فوق الممتازة ب 23500 يعنى مكنش اصلا ساعتها حد بيقارن الريجاتا بال31
بس الريجاتا فعلا عربية محترمة و زى ما قالك دور على حالة و حضرتك ليك مخ و تعرف تفرق دة كان راى شخصى مش اكتر علشان لو كلامى معجبكش ارمية فى المياة ولا كأنك سمعتة علشان موضوع العربيات دة لازم تبقى مرتحالة و مطمن و حاطط اعصابك فى تلاجة و انتا رايح تشترى و ربنا يوفقك يا باشا انا بدور على ريجاتا بردة ههههههههههه

[الغزاوى]

طبعا فيات 131 تكسب

[salah74]

السلام عليكم ورحمة الله و بركاته
انا ركبت 131 لمدة سنة و لم اتحملها" فيها عفشة كويسة موتور جيد ما عدا ذلك لا مميزات الصاج مش ميزة خاصة في القديم بارومة و صدا وفي الاول والاخر ربنا اللي بيستر في حال الحوادث لا قدر الله ,عامة ال 131 الات جر سيئة للغاية (فتيس و كورونا) صالون ضيق الي حد ما و خاصة في موديلات الثمانينات مش عارف ليه استهلاك عالي في البنزين . انا معايا ريجاتا موديل 1989 بقالها معاي اكثر من 8 سنين و ما شاء الله زي الفل عفشة ممتازة موتور والات جر ناعمة جدا مقارنة بال 131 الكماليات رائعة بالنسبة للموديل التكييف ممتاز لا اتحمله علي الدرجة الثانية التسارع افضل بكثير من ال 131عربيتي عاملة حوالي 270 الف كم المهم الحالة العامة ايه الاهتمام بالصيانه الدورية للاسف الواحد يركب العربية بلا مبالاة و يتوقع اداء يفوق الوصف والا تبقي سيارة سيئة السمعة ملحوظة اخيرة الريجاتا افضل في الثبات علي السرعات العالية . بعض قطع الغيار الرجاتا النوفا اغلي قليلا من 131 .
واخيرا لا تنسي صلاة الاستخارة.وبالتوفيق ان شاء الله.

[taklaloveu]

دى اول مشاركه لي وبجد يسعدنى انها تكون هنا
اولا : لأنى بجد استفدت جدا جدا من المعلومات القيمه اللى من الناس المحترمه بجد وحابه تقدم مساعده حقيقيه وبإسلوب راقى ومحترم
ثانيا : بص حضرتك انا حايا بدور على عربيه كويسه تكون ف رينج 16 او 17 و قدامى اختيارات مابين 131 أو 132 أو الريجاتا..
بالنسبه للريجاتا فهى مع خالى بقالها حوالى 7 سنين مو86 ايطالى وبتفق تماما مع الأستاذ Salah 74 لأن بجد رأيه محترم وكلامه انا لامسه فى العربيه بجييب بيها 140 على الطريق وهى محمله وزى الفل بس عيبها الوحيد موضوع الكبالن دا لعنه لكن غير كدا تمام نعومه وسلاسه وسحب
اما بقى ال 131 فماقدرش انكر انها عربيه محترمه حمالة اسيه وأظن اهم ميزه فيها الدفع الخلفى هى كانت مع خالى قبل الريجاتا وكانت ايه .. مكيفه وسنتر وزجاج كهربا والخطير بقى ان الفتيس كان اوتوماتك مش مانيوال لكنه عمل بيها حادثه وركبلها قطمة شاسيه وبعديين باعها
انا اسف جدا على التطويل لكنى استقريت على رأى وحبيت انقله لحضرتك وهو : انى اشترى العربيه اللى ارتحالها
انا شايف مميزات وعيوب كل نوع يبقى الفيصل
اولا : الحاله العامه للعربيه
ثانيا : الراحه النفسيه
وربنا معاك ويوفقك للخير والعربيه المناسبه
د.تـكــلا