متموتوش عيالكم

المشاركة الأصلية كتبت بواسطة احمد على 1999 لاحظت اهمال الاباء لسلامة اطفالهم اثناء وجودهم بالسيارة: 1- وضع الاطفال على حجر السائق اثناء القيادة قد يقتله فى حال حدوث تصادم لان الاب سيندفع للامام و يفعص ابنه فى الدركسيون ( حتى لو ماشى على الاول ممكن فجاه تيجى عربية معاكس و تخبطه لان العبرة فى التصادم السرعة النسبية بين العربيتين (يعنى عربية تخبط فى وش عربيتك و انت واقف و هى جاية على سرعة 50 ذى وش فى وش انت 25 و هو 25) 2- حمل الاطفال على حجر الام فى كرسى الراكب الامامى و يحدث تصادم لو الام مش رابطة الحزام يبقى كارثة لانها حتندفع للامام و تصتطدم بالتابلوه و البراربريز و ممكن تخرج من البرابريز كل ده و ابنها فحضنها بيستخدم كحمايه لها تخيلو حيحصلو ايه اما لو رابطة الحزام فمستحيل بقوتها العضلية (حتى لو كان الى راكب راجل قوى جدا) انه تقدر تحافظ على مسك الطفل لحظة التصادم و ده حد قبل كده اكلم عنه ( القصور الذاتى ) بالبلدى طفل وزنه 5 كجم (رضيع) يصل وزنه فى الاتجاه الامامى الى 110 كجم لحظة التصادم على سرعة 40 كم/س فقط يعنى حيفلت فجاه و يصتطدم بالتابله بسرعة 40 كم/س تخيل شخص بالغ بدون حزام فى عربية تصطدم على سرعة 100 كم /س حيتحول لقوة للامام ممكن تعدى اطنان (لسة محسبتهاش) 3- عدم ربط الاطفال عامة اما فى كرسى الطفل او على الاقل بحزام السيارة فى حالة التصادم او انقلاب السيارة يكون اى شىء غير مثبت بالاحزمة عامل ذى البلى جوه علبة يعن حيخبط فى كل حاجة اثناء انقلاب السيارة و ممكن يتنطر خارج السيارة و يقع فى الطريق و يتعرض للدهس من السيارات الاخرى غير ان اثناء الانقلاب كله بيخبط فى كله داخل السيارة 4- ترك اشياء صلبة داخل الصالون ( خوذة صفراء ، كتاب ثقيل ، شنطة صلبة .....الخ) تتحول هذه الاجسام الى قذائف سريعة (سرعة السيارة قبل الاصتدام ) و تتجه للامام او فى اى اتجاه مائل حسب زاوية انحراف السيارة و بالتالى ممكن ان تصتدم برئوس الركاب مسببة الوفاة 5- الاير باج يتسبب الفتح الفجائى للاير باج الى كسر رقبة الكبار فما بالك بالاطفال لان الاير باج بيفتح بسرعة 100 ميل/س (160 كم فى الساعة) فطبعا لو حد كبير و مش رابط الحزام حيندفع فى اتجاه الاير باج بسرعة السيارة قبل الاصتدام و الاير باج حيندفع نحوه بسرعة 160 كم/س يعنى خبطة على خمسين يبقى سرعة التلاقى مع الاير باج = 160+50= 210 كم /س كفيلة بكسر رقبة البنى ادم الكبير يعنى حتفرتك الصغير ابعدوا عيالكو من امام الاير باج حتى لو العربية راكنة لان ممكن تخبطها عربية من قدام (و ممكن خبطة متكنش قوية اوى) او حدوث عطل فى الاير باج و تتسبب فى فتح الاير باج و يتصادف وجود الطفل امامها 6- اخراج راس الاطفال او اذرعهم من الشباك اثناء تحرك او توقف السيارة ممكن يتسبب السائق نفسه او سيارة اخرى فى الاصتدام برأس الطفل او زراعه 7- استخدام النوافذ الكهربائية يجب التاكد من بعد رقبة الاطفال عن حافة الزجاج لان قوة ماتور الزجاج قادر على كسر رقبتهم 8- التحرك بالسيارة بعد نزول الاطفال التاكد من بعدهم عن السيارة حتى لا تدوسهم او تفعصهم بسيارة اخرى متوقفة و الله خير حافظا و لا تلقوا بايديكم الى التهلكة و لناخذ بالاسباب و نتوكل على الله السيارة اداة قاتلة احيانا و اخيرا و ليس اخرا للموضوع بقية

السيارة اداة قاتلة احيانا

[احمد على 1999]

المشاركة الأصلية كتبت بواسطة cars admire السيارة اداة قاتلة احيانا

cars admire

احمد على 1999

[محمد عبد الفتاح الكومى]

طبعا مشكور والله بجد بس انا معنديش أحزمة امان خلفيه ( ينفع احط الولد فى الشنطه ) ؟؟؟:c razyW14:

شكرا على التنبيهات المهمة وجزاك الله كل خير