ايه اللي بيحدد سعر اعادة البيع ؟؟

[ahmed_zamalek7]

فعلا زى مقال استاذ استرا البيحدد سوق المستعمل قطع الغيار وكمان الميكانيكا بتاعت العربيات يعنى مثلا الفرنساوى مش اى حد بيفهم فيه تلاقى نفسك دايخ فى التصليح لكن الكورى اى ميكانيكى هيشتغل فيها وهيبقى كله تمام

[MR speed]

كمان بتفرق بتبعها لمين يعنى لو لتاجر اعرف ان انت خسران ان التاجر اكيد عايز يكسب وياخدها يبعها بتمن اعلى من اللى اشترها منك بيه وكمان حالة العربية و هل مستعجل على بيعها ولا حتستنى السعر اللى انت عايزه و هل هى من العربيات اللى المصريين بيحبوها ولا لأ فى مليون حاجة بتحدد ...

[mahmoud shiha]

وياريت لو تخلى فيها حاجه من ريحة الفابريكة زى الكراسى مثلا لو انت عملهم جلد وجت تبيع العربية وشيلت الجلد ده هيكون القماش فى ريحة الفابريكة كمان هيزود سعرها شويه ..وكمان حافظ عليها اكبر قدر ممكن من الحك والخبط (على الصاج)

[sherifabden]

اشكر جميع الاعضاء على المشاركة والرد

[محمدصلاح القاضى]

اولا
سؤال جميل جدااااااااااا
ثانيا
اللى بيحدد سعر اعاده البيع حاجات كتيييييير اوووى
مثلا
الحاله العامه للسياره طبعا بتشمل [ الموتور والصالون والعفشه والصاج والبويا ]
سنة الصنع
عداد الكيلو مترات
وكما تفضل مستر استرا بشرح النقطتين
توافر قطع الغيار
ميكانيكا العربيه
وكمان فى حاجه
معروف مثلا ان العربيه الفلانه مثلا سعرها فى السوق من 40 لحد 55 طبعا فى فرق 15 الف
بيتغيروا من عربيه لعربيه فى نفس النوع
طبقا لعدد الكيلو مترات المقطوعه وسنة الصنع وحاله السياره وتلغى فيهم نقطه توافر قطع الغيار وميكانيكا العربيه لان ببساطه النوع واحد
وتحت امرك فى اى استفسار