هو لية دلوقتى كل العربيات الموجودة جنط 16

[bassem4ever]

نصيحة هات 16 انا معايا 16 ومرتح فية العفشة ناشفة حاجة بسيطة لكن ال 17 عايز معاملة خاصة ولو اخدت بيه مطب جامد هتحس بان العفشة ناشفة جدا وبجد العربية دى اتظلمت بالجنوط الكبيرة وانا شايف ان اكبر جنط يناسبها 16 فى مصر لان الحفر عندنا والطرق لا تسر عدو ولا حبيب

[msn_1987]

ممكن يكونوا خايفين من الاشاعات التي ظهرت على الجنط 17 وانه بيقلب لان المقصات مش بتستحمله هذا والله اعلم................

[reduxe]

عن نفسي أنا أستريت جنط 16 لأني سمعت كلام كتيير علي عفشة 17 مش حلوا وعلشان كدة حببيت أكون في المضمون
وربنا سبحانه وتعالي يبارك وفي ال 16 و 17

[اشرف محمود]

احب ادلي برايي كمدير لاحد معارض السيارات وعندي خبرة كبيرة جدا عن السيارات واشتغلت في دبي في المجال ده فترة طويلة

اولا الجنط 17 وكمان 16 متوفر وفي معرضنا للي يحب وباسعار منافسة

ثانيا موضوع الجنط ال 17 وانه بيتعب العفشة طبعا ده كلام مش مزبوط ابدا لان الجنط ده نازل مع العربية والمصنع بيعمل تجارب كتير جدا قبل مايعتمده هو والكاوتش ومنها طبعا وزنه علي العفشة لكن المشكلة ممكن تكون لو انت غيرت الجنط الاساسي 15 مثلا وغيرته الي 17 وكمان لو كان جنط حديد وطاسات وانت غيرته لجنط المونيوم بدون حساب وزنه وعرضه وعوامل كتيره بتاثر في اداء السيارة

اذن مافيش مشكلة في الجنط طالما نازل من المصنع لكن طبعا لازم نكون فاهمين ان الكاوتش لما بيكون جوانبه منخفضة بيكون سهل انه ياخد بالونة هوا عن الكاوتش العادي المرتفع لذلك لازم نراعي الموضوع ده ونتعامل مع المطبات معاملة خاصة شوية علشان نحافظ علي الكاوتش لكن طبعا اداء السيارة افضل بمراحل مع الجنط ال 17 خصوصا في المنعطفات واحب كمان الفت النظر الي نقطة مهمة وهي ان تجار الكاوتش في مصر مش فاهمين اي حاجة عن مقاييس الكاوتش لما تروح تغير الكاوتش عندهم وممكن يعملوا لك مشاكل في العربية فظيعة لو الفرق بين الجنط القديم والجديد ملليميترات لان المصنع بيصنع الموتور والجير بوكس بمواصفات وبمقاييس تتناسب نع نصف قطر الدايرة اللي موجود فيها الجنط والعجل واسمها بالانجليزي - rolling radius - ولو نقصت او زادت يبقي انت حكمت علي عربيتك بالدمار والدنيا كلها حتتلخبط عندك وممكن تستهلك زياده في البنزين وتاثر علي اداء الفرامل وعلي سحب العربية كمان

عموما لو اي من الاعضاء احتاج استفسار عن موضوع مقاييس الكاوتش يقوللي وانا اقدر اساعده لان عندي برنامج كمبيوتر بيجيب المقاسات المزبوطة واللي بيوصي بيها كل مصانع السيارات في العالم

وتحياتي للجميع


أشرف علام