|
برليانس Brilliance بريليانس Brilliance من الشركات الصينية الجديدة التى حققت نجاحاً كبيراً فى فترة صغيره نتجية تعاونها مع الشركة البافارية وتقديمها لموديلات بجودة متميزة وتصميمات حديثة اوروبية الطابع BS6 -BS4 - BC3 - FRV - سبليندور |
|
أدوات الموضوع |
#1
|
|||
|
|||
برجاء المشاركة لكل من لديه السيارة FRV
يا جماعة انا عضو جديد هنا بالمنتدى و اتمنى ان احنا نفيد بعض بالمعلومات للى راكب العربية دى. انا لسه شارى عربية FRV موديل 2009 (1600CC) من 5 ايام عاملة 40000 كم , فبريكة دواخل و راشة حاجات بسيطة من برة , الحالة العامة للسيارة جيدة جدا.سؤالى الاول: انا اشتريت العربية دى ب53500 جنيه , هل ده سعر كويس ؟ سؤالى الثانى : مع استخدامى للعربية لاحظت شوية حاجات , اولا الفرامل بتاخد وقت عقبال ما العربية تقف ( بالبلدى الدواسة فيها بوش) , ثانيا بسمع ساعات صوت تزييق تحت علبة الدركسيون و مع السرعات العالية ( فوق 100كم) بيبقى فيه رجرجة فى الدركسيون , و الدبرياج بتاعها عالى شوية. هل يا ترى اى حد من الناس اللى عندها العربية دى قابلته نفس المشاكل دى فى عربيته , و عمل ايه فيها؟ - غير الحاجات اللى انا قولتها دى بصراحة العربية حلوة جدا موتورها بسم الله ماشاء الله سحبه ممتاز و العربية انا جربتها لغاية سرعة 140 كم و كانت ثابتة جدا و ده شئ بهرنى و عفشتها حلوة جدا غير انها اوسع عربية هاتش باك ركبتها فى حياتى , بصراحة احسن من عربيات كتير ركبتها قبل كده زى اللانوس و الفيرنا و الافيو , هو بس يعيبها ان تقفيلها مش حلو اوى و الخامات اللى مستخدمينها مش قد كده بس لو تقفيلها اتحسن هاتبقى احسن من النيو اكسنت كمان. بصراحة يا جماعة انا شايف ان العربية دى مظلومة جدا مش زى ما الناس بتقول انها علشان صينى هاتبقى عربية اى كلام بامانة العربية بالنسبة لتمنها و امكانياتها تعتبر ممتازة , على اقل تقدير احسن من اللانوس و العشة اللى اسمها فيرنا اللى ماتسواش ربع تمنها. و على فكرة انا لسه جايبلها طقم سيرفيس كامل : سير كاتينة + سير دينامو + سير باور + فلتر زيت + فلتر بنزين + فلتر هواء + طقم بوجيهات يابانى كل ده ب 500 جنيه بسسسسسسسسسسسسسسسسسسسسسسسس سسسسسسسسسسس من محل اسمه قاصد كريم فى اول فيصل , و على فكرة المحل ده عنده كل قطع غيار البريليانس. و بصراحة انا شايف ان قطع غيارها تعتبر ببلاش مش زى الناس اللى كانت بتقول انها نار و على فكرة قطع غيارها منتشرة جدا فى التوفيقية و فى فيصل و شارع دمشق و الحرفيين. احب بس اضيف فى الاخر ان انا مهندس ميكانيكا , يعنى كل حاجة فى العربية بحللها فنيا و هندسيا و مقارنتا بين العربيات اللى فى نفس رينج سعرها زى اللانوس و الفيرنا و الافيو , الFRV تكسبهم كلهم من حيث كل حاجة (الثبات – الفخامة – الشكل المتميز – الاداء – سعر قطع الغيار ) هى بس عيبها الوحيد اللى انا شايفه زى ما قولت قبل كده تقفيلها غير كده مش شايف فيها اى عيوب تانية. اتمنى ان ماكونش طولت عليكو , و يا ريت كل اللى عندوا معلومات عن العربية دى ياريت يشاركنا بيها. شكرا..................... ......................... ......................... ................ |
#2
|
||||
|
||||
رد: برجاء المشاركة لكل من لديه السيارة FRV
انا بصراحة بحب العربية دى جدا وانشاء الله كام شهر وتكون معايا هيا او الكروووس حسب التساهيل بس مقدرش افيدك لانى مجربتهاش او سوقتها
تحياااااااااااتى |
#3
|
||||
|
||||
رد: برجاء المشاركة لكل من لديه السيارة FRV
انا كمان باعشق العربية دى و كنت هاجيبها بس فضلت الماتريكس عشان موضوع قطع الغيار ده
بس عندى سؤال اخبار العفشة ايه ..و هل هى عربية عائلية زى الماتريكس ولا لأ؟؟ |
#4
|
|||
|
|||
رد: برجاء المشاركة لكل من لديه السيارة FRV
عفشتها حلوة جدا , و هى عربية عائلية جدا و على فكرة انا ركبت الماتريكس و احب اقولك ان الFRV اوسع من الماتريكس و حجم شنطتها معقول جدا بالنسبة لعربية هاتش باك.
|
#5
|
|||
|
|||
رد: برجاء المشاركة لكل من لديه السيارة FRV
وبالنسبة للموتور بتاع لانسر بومة 2008 وبالنسبة للاكسسوارات متوفرة فى شارع دمشق |
|
|