فتيس البرايد

[AbOnOrA]

المشاركة الأصلية كتبت بواسطة tenen10 ربنا يخليك ويباركلك يا رب دا انا كنت فقت الامل ان حد يرد عليا طاب ممكن العنوان بالمرة ومعلش لو فيها رخامة طاب هيا ولا اكسيل اتوماتيك اصلي شايف اسعار الاكسيل اقل اليومين دول رغم انها 1500 سي سي واتوماتك برضه وازاز كهرباء وبور وكل حاجة وشكل احدث شوية بصراحة انا بدور علي اي حاجة اتوماتك لان الشوارع بقت واقفة علي طول بشكل يخنق

بالنسبة للعنوان هو فى جسر السويس وممكن يوصفولك العنوان بالظبط لما تكلمهم

بالنسبة للاكسيل عربيه حلوة مش وحشة واكبر واوسع واشيك داخليا من البرايد بس دائما بقول فى المستعمل الشرط الاساسى والاهم هو الحالة
يعنى لو قدامك عربيتين واحدة برايد وواحدة اكسيل خد اللى حالتها انظف

[tenen10]

طاب تفسر بايه حضرتك ارتفاع ثمن البرايد عن الاكسيل رغم ان الاكسيل اقوي من حيث الماتور 1500 وتكيفها بالتالي اقوي واوسع وشكل افضل دا غير انتشرها الكبير جدا عن البرايد في ناس لحد دلوقتي متعرفهاش وخاصة السيدان منها

[AbOnOrA]

المشاركة الأصلية كتبت بواسطة tenen10 طاب تفسر بايه حضرتك ارتفاع ثمن البرايد عن الاكسيل رغم ان الاكسيل اقوي من حيث الماتور 1500 وتكيفها بالتالي اقوي واوسع وشكل افضل دا غير انتشرها الكبير جدا عن البرايد في ناس لحد دلوقتي متعرفهاش وخاصة السيدان منها

بص هو عامة السوق المصرى ليه اوضاع كتير ملهاش اى تفسير علمى معروف عند علماءالكرة الارضية كلها !!!
وحضرتك ممكن كمان تقارن بين اسعار السكودا الفليشيا 96 - 98 والابيزا نفس الموديلات وبرضو هتلاقى ان البرايد ماسكة سعر بشكل افضل واكتر كتير من حاجات اوروبية ويابانى زى الديهاتسو شاريد والمازدا 121 وزى ما حضرتك ذكرت بنت عمتها الهيونداى اكسيل

بس هو الموضوع باختصار ان السوق فى المستعمل دايما اميل للعربيات العملية اكتر من حيث توفر قطع الغيار ورخصها والمستعمل منها (المتقطع) والاستيراد وسهولة الاصلاح سواء موتور او عفشه
وده كله فى صالح البرايد اكتر

بس خد بالك برضو ان فيه اكسيل 1300 و 1500 وال 1500 سعرها اعلى من البرايد

وان كانت البرايد ال 1100 الهاتش باك بتدى اداء زى ال 1300الاكسيل وال 1300 البرايد السيدان بتدى اداء زى وال 1500 الاكسيل
لان الموضوع مش كبر حجم الموتور وبس كمان التصميم ووزن العربيه مهمين وحتى الاحمال اللى على الموتور

الاكسيل حجمها اكبر ووزنها اتقل وغالبا بتنزل ببور وده كله حمل على ماتور ده غير ان مواتيرها سواء ال 1300 او ال 1500 اتنين كامة وده كله بيخليها بطة شوية مقارنة بالبرايد اللى وزنها اقل وغالبا بتنزل من غير باور وموتورها المازدا b3 احادى الكامة بيخلى عزمها وسحبهاافضل منالاكسيل بشكل ملحوظ ده غير استهلاك بنزين اقل لصالح البرايد بردو
بس يعنى برضو زى ماقولت فى الاول السوق ليه عجائيبه مش شرط تكون منطقية تماما