جدول خدمات الصيانة للكيا برايد سيدان

[muhamedaly]

سير الكاتينة-يبدل كل 100 الف كم\فلتر البنزين يبدل كل 20الف كم\فلتر الزيت يبدل كل 10 الاف كم\فلتر الهواء ينظف كل 3الاف كم ،ويستبدل كل 15 الف كم\السيور يتم فحصها كل20الف كم.

[david5]

shokraaaan ya kebirrr

[mostafa fawzy]

الكيا برايد نعمة والى يكرهها يعمى ارخص صيانة سيارة فى مصر حاجتها بملاليم

[AbOnOrA]

سير الكاتينة-يبدل كل 100 الف كم
كتير اوى كل خمسين الف كفايه ويتبص عليه فى كل صيانة كبيره (كل 20 الف لو العربيه جديدة وكل 10 لو العربيه قديمة )

\فلتر البنزين يبدل كل 20الف كم
مظبوط لو بتستخدم بنزين 92 ومن بنزينات نظيفة والامن تغييره كل 10 الاف وبالمرة قبل ما تغير الفلتر تحط منظف دورة البنزين سواء للانجكشن او الكربراتير على التفويلة وبعد ما تحرق التفويلة كلها تغير الفلتر

\فلتر الزيت يبدل كل 10 الاف كم
تمام لو زيت تخليقى يبقى مع كل تغييره هتغير زيت وفلتر وده كل 8 - 10 الاف حسب طبيعة الاستخدام ولو زيت مش تخليقى زى شيل الاصفر او توتال كوارتز او فيسكو يبقى مرة زيت ومرة زيت وفلتر وكل مره 4 - 5 الاف


\فلتر الهواء ينظف كل 3الاف كم
ده بالذات فى الجو بتاعنا عايز نظافه دائمة لانه بوابه صيانة الموتور الاولى فانا بفضل مع كل زيارة للبنزينه لغسيل العربيه يتنظف ومع كل زيارة للميكانيكى تغيير زيت فلاتر بوجيهات اى حاجة بخليه يفتح وينفض فلتر الهواء ويتغير كل 10 الاف مش 15
،ويستبدل كل 15 الف كم\

السيور يتم فحصها كل20الف كم.
افضل كل 10 - 15 الاف

عامة الفترات ديه كلها تقديريه وكل واحد حسب طبيعة استخدامة ومستوى محافظته على العربيه لكن المهم توفر مبداء الصيانة الدورية خاصة مع عربيه عمليه واقتصاديه زى كده هتريح دماغك جداً