|
#1
22-10-2011, 11:53 PM
|
||||
|
||||
مقابلة عشرة على عشرة من 5 لـ 10
تمت بحمد الله المقابلة اللى تم الدعوة ليها من أسبوع و كانت مقابلة هادية لكن ممتعة حضرها باقة من أجمل الأعضاء و الضيوف فى البداية وصلت أنا أول واحد الساعة 5 إلا ربع تقريبا و بعد ثوانى وصل سومو بسيتروينته الجديدة و معاه صديقة مهندس محمد فتحى و خلال دقايق وصل Crime (أيمن) و Mr Mido و كانوا مش متأكدين من مكان المقابلة فى الأول لولا لحقتهم و بعدهم وصل سيف Saif el Din و بعدينSantos 128 (حسام حسن) و بعدين وصل بطل الدريفتات نور بيجو للأسف بعد دقائق إضطر سومو و ضيفه إنهم يمشوا لإرتبطات خاصة بعالم السيارات و قبل ما يمشى سومو أصر على إنه يفرج نور على الـ c4 المحسودة بتاعته (مهم ثقافتهم فرنساوى زى بعض بقى) أخيرا وصل نجم المقابلة و كل مقابلة كورسير الهمام (أحمد ممدوح) بعد ما إحتار فى مكان المقابلة ما بين لوردز إن و البت بيتك و حضور كورسير إقترن بحضور Pionter (حسام) و مهندس المستقبل صديق المنتدى (أحمد محمد) شقيق الدكتورة هبة أخيرا أكمل ميدو سبايسى عقد الحضور بتشريفه المقابلة. اللقاء رغم قلة عدد الحاضرين لكن كان لقاء مفيد و ممتع و ظريف إتكلمنا فيه عن حاجات كتير من أول العين إللى صابت سومو و عربيته لمشاكل إدارات المرور لحالة سوق السيارات لغبور و سيساته التسعيرية لأخبار نور و السباقات الفادمة للسياسة لغيرها و غيرها من المواضيع و القصص المختلفة. و إنتهت المقابلة على خير حوالى الساعة 10 مساء و كان آخر المنصرفين كورسير و بوينتر و سيف و العبد لله أحب أشكر كل إللى لبى الدعوة و شرفنا و أشكر كمان كل إللى كان عايز يجى و منعته ظروفه فجأة زى أبو نورا و محمد فاضل و أبو شروق M Astra و غيرهم كتير ، و أشكر أهل إسكندرية كلهم إللى كان نفسهم يكونوا موجودين مهندس نبيل عبد الرحمن (فى طريقه للأراضى الحجازية) ، مهندس (أحمد على) لظروف العمل و أ. أحمد بدر إلى بعت لنا تحياته . إن شا ء الله يكون فيه صور ينزلها لنا نور قريب. التعديل الأخير تم بواسطة حازم شاهين ; 23-10-2011 الساعة 03:34 AM 
|
|
#2
23-10-2011, 12:04 AM
|
||||
|
||||
|
رد: مقابلة عشرة على عشرة من 5 لـ 10
كل مرة بيفوتنى مقابلة و ارجع اقرأ عنها بندم انى مروحتش
بس بعون الله المرة الجاية متفوتنيش و هو اخو الدكتورة هبة اسمه احمد و لا محمد ؟
__________________
سبحانك لا علم لنا الا ما علمتنا
|
|
#3
23-10-2011, 12:07 AM
|
|||
|
|||
|
رد: مقابلة عشرة على عشرة من 5 لـ 10
الحمد لله مقابلة كانت جميلة فعلا والحمد لله كان حديث جيد بين كل الاعضاء
وبجد الواحد مكانش عايز يقوم يمشى خالص وان شاء الله نتجمع دائما على خير واحب اقول بجد ناس كثيرة خسرت مقابلة زى دة لعدم حضورهم
|
|
#4
23-10-2011, 12:22 AM
|
|||
|
|||
|
رد: مقابلة عشرة على عشرة من 5 لـ 10
خسارة الف خسارة
انا زعلان جدا بس اعمل ايه ظرف عائلي طارئ معرفتش اتصرف معاه خالص الا اني زعلان جدا وربنا يعوضنى خير في المقابلات الجاية
|
|
#5
23-10-2011, 12:22 AM
|
||||
|
||||
رد: مقابلة عشرة على عشرة من 5 لـ 10
يعني الاسمين موجودين! وهو كان راجع مبسوط من المقابلة وسعيد بتعرفه علي الناس اللي راحت
__________________
 بسم الله الرحمن الرحيم
وما كان ربك نسيا صدق الله العظيم التعديل الأخير تم بواسطة د.هبه77 ; 23-10-2011 الساعة 12:28 AM
|
 |
|
|
