حل لاى مشكلة خاصة بالسيتروين والبيجو والرينو واجابه لاى استفسارات مجانا

[aymangalal]

السللام عليكم استاذ فريد
منور المنتدى وسيعدنى انى اكون اول مشارك فى موضوعك وجزاك الله خير على عطائك لاعضاء المنتدى
على فكرة فى ناس شكرت فيك كتير وبصراحة فى ناس قالت شغلك 100 100 بس مغلوانى شوية
ع العموم دى كلها اراء وان شاء الله اجيلك فى مرة واتعرف عليك من قرب وابقى اقول رأيى برضه
الموضوع انى عندى ستروين axموديل 95 لسه شاريها من شهرين جبتلها طقم الصيانة الميكانيكة سير دينامو وكاتينة وفلاتر زيت وهواء وبنزين وطقم كهرباء وركبتهم على سبيل الاحتياط لانى ماعرفش اللى فيها كان راكب من امتى وروحت لواحد فى الحرفيين ربنا ينتقم منه ومن ابسط حاجه عرفت انه بيعك وكمان غالى مع انه متخصص ستروين فقط واللى اكتشفته ان السير اللى كنت شارية كان كبير على الدينامو لانه مش راكب وقالى هنحتاج واحد اصغر وتقريبا كان عنده (بيبيعهم طبعا) وحسبهولى بـ 30 جنية وبعد اسبوعين تقريبا لقيت السير كالع على حرف الدينامو الخارجى وشبة منسل كده روحت لكهربائى قالى السير مش بتاعها ولما بصيت فيه فعلا لقيت ان السير فيه 3 سن بدوران السير(مش عارف فى الصنعة اسمهم ايه) والدينامو فيه 4 او خمسة مجرى عشان تبات فيع السنون دى ولا السير مش بالع الدينامو طبعا السير حرف ناحية بره وبقى بيصفر لما ازود بنزين الكهربائى عدلهولى وقالى تمشى على كده مافيهاش مشكلة؟؟؟ هل الكلام صحيح ولا لازم اغير السير ده نمرة واحد (معلش استحملنى انا ماصدقت الاقى حد يساعد ومتخصص)
ثانيا الرادياتير كان كان مخروم من ناحية العلبة والصنايعى(بتاع الرادياتير)لحمة بطريقة ممتازة لغاية دلوقتى ما بياخدش كوباية ميه كل اسبوع وتمام التمام المشكلة بقى فى الترموستات الاول كان بيشتغل عند 80 ويفصل عند 70 وكان كده كويس كده والمروحة مابتشتغلش كتير ولما الرادياتير اتخرم الحرارة بقت تعدى 90 والمروحة تشتغل مرت كتير وتطول فى الوقت قالى غير الترموستات احسن وبالفعل غيرتع وجبت حاجه واطية كدة تقريبا (حاجة وستين حاجة وسبعين ) مش فاكر بالظبط اى نعم شغال بس الغريب انه بيشتغل على حاجة وثمانين قري التسعين كده ويفصل عند حاجة وسبعين وانا مش مرتاح لكده لانة الاول قبل ما الترموستات يخرف كن افضل بكتير لان الاحسن المروحة تشتغل بدرى وتبرد بدرى ولما سألت على الترموستات بتاع الستروين كن اسعارة من 40 لـ 60 جنية هلى ده متوسط سعرة فعلا؟؟؟ وايه الحل عشان التبريد يكون منتظم وجيد فى نفس الوقت ؟؟؟؟ ولا اغير الرادياتير كله ؟؟؟ لانى مش عارف اللى فيه بتاع ستروين ولا لأ؟؟؟ وكذلك المروحة مش عارف بتاعة الستروين ولا لأ؟؟؟؟ اعرف ازاى لان واحد بتاع رادياتير قالى ده الاصلى وواحد تانى قالى ده بتاع ريجاتا حيرونى معاهم
اانا عارف ان الكلام ده كله هيتحدد بعد زيارة ليك ان شاء الله عشان الموقف يكون ع الطبيعة بس حبيت افهم الاول واعرف الامور هتمشى ازاى؟؟؟؟
بالنسبة للميكانيكا الحاجة الوحيدة اللى فرقت معايا وحسيت بإختلاف فى سير العربية هوه الشكمان لما كان سايب كانت العربية بتعمل صوت فظيع وبتغيب فى الدوارة بتاع الشكمان قالى غير الجوان اللى رابط الشكمان فى الموتور وطبعا عملته عمولة وركبته الامور بقت تماام وبعد فترة حوالى اسبوعين ابتديت اسمع صوت كما لو كان الشكمان بيحك فى الارض او صوت صفيح بيخبط ومالوش مقياس مرة لما ازود بنزين ومرة لما بدور ومرة لما اخد غيار مش عارف احدد حاله معينة شافه بتاع الشكمان تانى(اصله جارى وساكن جنبى) قالى هات الجوانات الاصلى لان الصوت ده من الشكمان قولت الحمد لله انه مش موتور
الميكانيكا بقى عايز اخليها A1 ومافيهاش الهوى يعنى تتظبط صح بس خايف اعمل كده وتروح لميكانيكى يشتغلنى ويا اما يقولى عايزة وعايزة وعايزة يا اما يحسبنى بستهبل ويقولى مافيهاش حاجة مش عارف اعمل ايه فى النقطة دى وكذلك برضه الكهرباء عايز اظبطها كلها واشغل كل زرار وامكانية فى العربية بس مش لاقى كهربائى فاهم فى خريطة الستروين AX بتاعة الكهرباء عشان مش عايز عك فى اصل العربية وبرضه خايف اوديها لأى حد يخربها ويقولى صلحتها
للعلم ان الكهرباء ماشية مافيهاش مشكلة غير بس الاشارات ساعات بتعلق وبتنور وتطفى سريع مرة وبطى مرة وبتفضل شغالة من غير ماتفصل مرة والدبرياج مالوش نور فى الفانوس الخلفى مع ان اللمبات راكبة وشغالة وكمان الفرامل حاسس انها بتاد وقت على ماتوقف العربية مع انها ناشفة وتقيلة وفرامل اليد لما اشدها على الاخر العربية بتتحرك بسيط لغاية ما تثبت والبطارية اللى فيها 55 امبير عادية(ماعرفش راكبة فى العربية من امتى) مع العلم ان التكييف مش راكب وعايز اغير البطارية ايه الافضل جافة ولا عادية وتكون كام امبير (ونعمل حساب لما لتكييف يركب)وبالنسبة للدينامو اعرف حالته ازاى ؟؟؟ وفى كل الاحوال العربية بتغيب فى الدوارة لاول مرة فى اليوم لكن طالما مشيت ووقفت تانى بدور على طول او تغيب مرة وتدور بس مش زى اول مرة ده بقى سببه ايه؟؟؟؟؟ نفسى ادور الكونتاكت والعربية تدور من لمسة
بأختصار انا عايز اشد العربية من
( جوة لبرة بس بنظافة وعلى اصلها واستفيد من كل امكانياتها)
بما فى ذلك الصالون والتابلوه عايز اخليهم زى الـ BMW اللى صالونها وفرشها وابوابها وتابلوهها جلد بيج بما فى ذلك ظبط الزجاج الكهرباء والسنتر وان شاء الله اركب انذار
وعلى الرغم من كل ده الحمد لله الحمد لله الحمد لله العربية ماشية كويس وبتقضى الغرض ومش تعبانى غير نفسيا فى انى بحلم اظبطها بالشكل اللى قولت لحضرتك علية


انا اسف جدا جدا جدا على الاطاله لكن حضرتك عرض المساعدة وانا طمعت بقى ههههههههه
وان شاء الله تفيد كل الاعضاء اللى ممكن يقروا موضوعك
جزاك الله خير وفى انتظار الرد

[SuMo]

يا جماعه انا واحد من الناس اللى كنت بسمع عن فريد شوقى و عمرى ما قابلته لحد يوم الاربع اللى فات
احنا معانا 307 s w بتاعت خالى و كان المفتاح الاورجينال بتاعها باظ و مش بيدور العربيه و خالى كان ماشى بالمفتاح الاسبير و كنت اتكلمت مع الصديق العزيز ايمن عبد الرازق فى الموضوع ده و هو اللى رشحلى فريد و كمان راح معايا عنده
للامانه الراجل شغله عشره على عشره و ضحوك و يخدمك بعنيه
وغير البرده بتاعت المفتاح بسعر تحفه مع العلم ان سعره فى التوكيل خيالى
و بجد انا مدين للراجل ده بكلمة شكر سواء على المقابله او على الشغل اللى عمله

[عاشقه العربيات]

مفتاح الرينو اتكسر وكمان لما جمعت ولزقت كده جيت افتح العربيه لقيت المفتاح بيلف الظاهر فى حاجه مفوته فى اللوك مش عارفه اعمل ايه
افيدونا جزاكم الله خيرا

[احمد على 1999]

المشاركة الأصلية كتبت بواسطة عاشقه العربيات مفتاح الرينو اتكسر وكمان لما جمعت ولزقت كده جيت افتح العربيه لقيت المفتاح بيلف الظاهر فى حاجه مفوته فى اللوك مش عارفه اعمل ايه افيدونا جزاكم الله خيرا

المفتاح اتكسر ؟ جديدة دى
انا الى فهمته من الموضوع التانى ان المفتاح سليم بس الكالون مفوت !

[amrmaismail]

ايه يا هندسة فينك ؟؟؟

انا سألتك عن المشكله دي في مكان تاني ما رديتش عليا .....
ياريت ما يكونش اللي مغيبك عننا حاجه مزعلاك لأننا اكيد احنا الخسرانين

خد عندك المشكله دي

انا العربيه بترتل وتترج عالسلانسيه لاكن ما بتبطلش حطيتها عالسكانر مش مسجله حساسات بايظه
كل الميكانيكيه قالولي غير الايديل بالرغم انه شغااال .... بس انا ما بقتنعش بطريقة نغير ونجرب دي خالص الصراحه
المهم قريت شويه علي citroen doc backup service لاقيت ان المشكله دي ممكن تحصل من حساس الاوكسجين ( الشكمان )
فصلت فيشة الحساس وشغلت العربيه بقت تماااام اوي
فهل ده معناه ان الحساس بايظ ؟؟ وازاي بايظ ومش مسجل ؟؟
في واحد قاللي ممكن المشكله من الرشاشات ( بتسيل ) وانت لما فصلت الحساس العربيه دخلت عال safe mood فبقت بتدي بنزين اقل عاسلانسيه وده اللي ضبط معاك المشكله ؟؟ ايه رأيك فالكلام ده ؟؟
وسؤال كمان انا ماشي بالعربيه بعد فصل الحساس بقالي شهر هل كده عادي ولا يأثر علي حاجة تانيه ؟؟
والحساس مش لاقيه خالص غير عند بتوع الاستعمال وب 250 جنيه فهل سعره كده ولا الراجل عايز يشتغلني

وطبعا مستني ردك بفارغ الصبر
وشكرا ليك مقدما
وبالمناسبة العربيه سيتروين اكسارا 2001 مانيوال