|
#1
12-05-2010, 12:25 AM
|
||||
|
||||
|
روائع الشرق و عمالقة الشمال مع شريف منسى و محمد كمال
السلام عليكم جميعا
جايبلكم النهارده خلاصة جولة مكوكية جديدة من جولات مصرموتورز فرع الكويت متمثلا في شخصي و محمد باشا كمال الموضوع ابتدي يوم الجمعة اللي فات لما كنت معدي بالصدفة من امام توكيل مرسيدس و اذ بي المح صاروخ احمر اللون خارج منه ما لبث ان اختفي لكني قدرت احصله قبل اختفائة لاكتشف انها وحش مرسيدس الجديد SLS AMG و طبعا اتفقت مع صديقي محمد باشا اننا نجيب قرار الموضوع ده. بالاضافة الي ذلك قررنا المرور بتوكيل كيا للتعرف اكتر علي تحفتهم الجديدة كادنزا خصوصا بعد نقلي لتقرير عنها طبعا المرة ده اتعلمنا الدرس و قررنا نبتدي بتوكيل الكيا عشان منتعقدش زي كل مرة من السيارات الالمانية و اللي جنبها باقي العربيات بتبقي تكاتك اول ما دخلنا التوكيل لقينا نفسنا امام 4 سيارات كادينزا بالوان مختلفة من حيث الشكل العربية مميزة جدا و بصمات بيتر شرايدر و تاثره باودي واضح جدا خصوصا في ما يخص الفوانيس اما من الداخل فالعربية فعلا فخمة بالفعل لكن الفخامة علي الطريقة الاسيوية الخامات المستخدمة من افضل ما يكون و التقفيل ممتاز لكن ينقصة الدقة في التفاصيل المتوفرة في السيارات الالمانية طبعا المساحات حدث و لا حرج وسع و رحابه في الامام و الخلف و الكراسي مغلفة بالجلد و مريحة جدا بصراحة السيارة فوق التوقعات و تعتير ققزة نوعية لكيا و هتحقق نجاح كبير للشركة و نتمني ان تنتشر و ان كان لنا شكوك لان توكيل كيا في الكويت ليس بالقوة و لا الشهرة الكافيه للوقوف اما منافسين الكادينزا و اهمهم النيسان ماكسيما الجديدة و التويوتا اوريون ذوات السمعة و التوكيلات العريقة و ان كان سعر الكيا منافس جدا       بعد الكادينزا لمحنا عربيتين سيراتو كوبية و حيث اننا لم نراهم قبل كده قلنا نبص بصه خصوصا ان شكلهم ملفت جدا و خصوصا ذات اللون الليموني. اول ما ركبت فوجئت بالخامات و التقفيل. احنا كنا شفنا السيراتو السيدان اول ما نزلت و وقتها لفت نظرنا قلة الجودة و ضعف المكونات و ردائتها لكن الكوبية غيرت كل ده و الملاحظة دي كانت مشتركة بيني و بين محمد باشا برضة يعني الموضوع مكانش صدفه او عدم تركيز من اي منا. قلنا يمكن دي الفئة الكاملة و المكونات فيها تختلف و لقينا سيراتو سيدان اول فئة و عرفناها من الجنط ال 15 و عدم وجود سنسور خلفي لكن برضة جودة المكونات كانت احسن بكتير من اول مرة شقناها و العربية المعروضة كانت 2 تون اي ان الطبلون و الانتريور لونين و الغريب انهم الاتنين غامقين لكن متناسقين و مديين شياكة عاليه للعربية مذكرة بالمرسيدس CLS اول من اعتمد الموضوع ده. ساعتها قررنا اننا لازم نعدي علي توكيل ميتسوبيشي عشان نقارن السيراتو بالانسر ال EX و اللي كانت تفوقت في المقارنه سابقا خصوصا من ناحية جودة التقفيل    في الطريق الي توكيل الميتسوبيشي لقينا توكيل مازدا و اللي هو في نفس الوقت توكيل بيجو منزل ال 3 الجديدة و قلنا نتقرج عليها و علي ال 308 الجديدة و اللي كان اتعمل موضوع عنها للمقارنه بينها و بين الاوكتافيا. و اول ما دخلنا لقينا ال 308CC الجديدة واقفة منورة الصاله. و بصراحة العربية قمة في الشياكة و الاناقة و تمثل قمة التصاميم القرنسية و طبعا تم بشكل تلقائي مقارنتها بالسيراتو كوبية و طبعا النتيجة حسمت مقدما      بعد كده توجهنا للمازدا 3 و لقينا المعروض اول فئة فيها فقط. مبدايا الشكل الجديد ليس في اناقة سابقة و خصوصا مع الابتسامة البلهاء المرسومة علي وجهها البلاستيكي. من الداخل الامور لم تكن افضل. تصميم جديد لكن عادي و الخامات مع جودتها لا توحي بذلك و طبعا تم المقارنه بينها و بين السيراتو و كانت السيراتو المنتصرة. و طبعا راينا ده معرض للتغير لما نشوف الفئة الاعلي منها. من حيث المساحات ايضا تتفوق السيراتو خصوصا لناحية الركاب في الخلف. بشكل عام المازدا لم تلفت انتباهنا خصوصا اننا لقينا سعرها مبالغ فيه في خطوة غير مدروسة من وكيلها المعروف عنه سياساته التسعيرية العجيبة    بعد كده شفنا ال 308 هاتش باك. عربية شيك لكن ليست في ابهار شقيقتها ال CC و بعد الركوب فيها وجدنا ان جودة المكونات و التقفيل لا غبار عليهم لكن العربية كئيبة و تدعو للملل. الوضع في الخلف اسوء بكتير حيث ان المساحات صغيرة و ظهر الكنبة الخلفية واطي بشكل غريب لدرجة ان مساند الراس كانت خابطة في منتصف اظهرنا و بشكل عام لا اعتقد اني هستحمل الجلوس فيها طويلا. طبعا برضة السعر مبالغ فيه خصوصا ان موديل 2010 اغلي من 2009 و بامكانيات اقل مما اكد لنا عدم احترافيه التوكيل او دراسته للسوق جيدا     خلال المناقشة مع رجل المبيعات حول السعر و قوة احتمال العربية خصوصا ان البيجو سمعتها في الخليج سابقاها من حيث ضعف الاحتمال و غلو قطع الغيار لفت الرجل نظرنا الي جديد بيجو في الكويت ال 3008 و هي عربية كروس اوفر جديدة من بيجو و اللطيف انها 1600 سي سي مما لفت نظرنا و بشده. تصميم السيارة من الخارج و الداخل رائع و فيه يبرز ابداع الفرنسيين في التصاميم و حسب كلام رجل المبيعات تحتوي علي احدث تكنولوجيا متوفرة حاليا كال Headup Display. طبعا السيارة للعرض فقط و لا يوجد اي معلومات عن الاسعار و الامكانيات و طبعا اشتشفينا انه هيبقي مبالغ فيه كالعادة    بعد كده عدينا علي توكيل الميتسوبيشي عشان نقارن الشارك بالسيراتو كام قررنا و فعلا شفنا الشارك ال 2010 و التغيرات البسيطة اللي حصلت فيها و طبعا راينا لم يتغير فيها من حيث الشكل و جودة الخامات و التقفيل لكن مع التحسن الحاصل في السيراتو و بحكم حداثة تصميمها مقارنه بالانسر كان تفضيلنا ليها لكنه معلق حتي تثبت السيارة اعتماديتها خلال الاستخدام لان ده من اهم نقاط تفوق اللانسر         بعد كده قررنا انه حان الوقت لاكتشاف سر المرسيدس ال SLS و لكن حيث ان توكيل هيونداي كان في طريقنا قلنا نعدي عليه عشان نقارن الكادينزا بالجنسيس اول ما وصلنا رحنا علي الجنسيس علي طول. اول حاجة لاحظتها كلاسيكية التصميم سواء من الداخل او الخارج و الي حد ما هيونداي قررت عدم الخروج عن تقاليد الفئة ده في محاولة لوضع قدم ليها فيه ثم التعديل براحتها في وقت لاحق. طبعا بالنسبة لنا الكادينزا كانت احسن من حيث التصميم و الفخامة و توصلنا الي ان الجنسيس هي مرسيدس كوريا لكن الكادينزا هي الاودي. طبعا سعر الجنسيس اغلي و بكتير من الكادينزا و السبب الرئيسي في ده يعود الي اندفاعها بالعجلات الخلفية عكس شقيقتها الكادينزا ذات الدفع الامامي و ده طبعا مكلف اكتر     بعد كده قلنا بالمرة نبص علي الايكوس او سينتيننتال كما كان مكتوب عليها و اللي المفروض انها اعلي من الجنسيس. الغريب ملقيناش اي فرق جوهري بين العربيتين. الايكوس اوسع قليلا و افخم غير كده لا يوجد فروقات كبيرة. توصلنا الي ان الجنيسيس ممكن تقودها بنفسك لان الايكوس الاغلب انك هتستمتع بالجلوس في الخلف و تسيب الباقي للسائق    بعد كده توجهنا الي الجنسيس كوبية في محاولة للمقارنه بينها و بين السيراتو كوب علي الرغم من الفرق الكبير في المحركات لان الجنسيس بتنزل بمحرك 3800 سي سي 303 حصان. العربية ظريفة و واضخ عليها التركيز في مهمة واحدة الانطلاق باقصي سرعة. الملامح التصميمية و الجماليه ليست كثيرة خصوصا في الداخل. عموما العربية قوية و حققت نجاحات كبيرة في امريكا و قدرت تحرج سيارات العضلات الامريكية اللي في نفس فئتها. شخصيا انا ميال للنيسان 370Z اكتر المنافس الاقوي و القدوة في الفئة دي    بعد كده قلنا كفاية قوي كده و نروح نشوف المرسيدس و املنا كبيير اننا نلتقي وجها بوجه بالوحش ال SLS AMG طبعا وصلنا بسرعة و من قبل ما ندخل ابتدع اعيننا تمسح العربيات الموجودة في التوكيل علي امل نلاقيها لكن لم نوفق و واحنا داخلين لمحت شيئ غريب في قسم التسليم و لسه هسال محمد باشا لقيته بيقولي اهه. من اللحظة دي و حتي وقوفنا امامها لا اتذكر شيئ. وقفنا مبهورين بالجمال و العنف و القوة و الشراسة المتشخصين امامنا في شكل سيارة. و اكتر ما يلفت النظر الكبوت الطوييييييل و جسم السيارة القصير في تناقض و لا اروع هسيبكم مع الصور و بعدين نكمل      طبعا لكم ان تتخيلوا شكلنا امامها المهم روحنا نشوف احد رجال المبيعات اللي نعرفة عشان نستفسر اكتر عن العربية و عرفنا ان العربية نزلت بقالها فترة و انهم سلموا حوالي 5 منها الصاعقة بقي اننا كنا متخيلين انها في سعر او اغلي من الماكلارين SLR لكن يال الهول طلعت ارخص و بحوالي النص. النسخة العادية من ال SLR كانت في حدود ال 190 الف دينار و طبعا مهتمناش نعرف سعر ال 772 منها لكن ال SLS ام 570 حصان تتراوح بين 65 الي 75 الف دينار كويتي و ده يعتبر رينج اسعار الفيراري و اللامبو و اللاودي R8 هدف ال SLS الاول كما وضح لنا. طبعا كان لازم قبل ما نمشي نروح نسلم عليها و هناك قابلنا مسئول تسليم السيارات و كان عارفني لانه هو اللي سلمني عربية والدي و الراجل طلع شاب مصري في عمرنا و كان حاسس باللي احنا فيه و كان قمة في الزوق و الاحترام بصراحة و دخلنا مكان التجهيز نشوف عربيتين تانين بالوان مختلفة و مميزة جدا من ال SLS    طبعا مش هقدر اوصفلكم شعونا و احنا ماشيين و هو بصراحة كان خليط من المشاعر المتضاربة لكن المسيطر كان امنيتنا اننا في يوم من الايام يبقي عندنا القدرة علي امتلاك عربية زي دي و طبعا في الاخر منقدرش نقول الا الحمد لله علي النعم اللي انعم بيها علينا و ربنا بزيدها و يحفظها من الزوال
__________________
Sharief Mansy
 Farewell my Cayenne, you were the best car i ever had and driven 
|
|
#2
12-05-2010, 03:11 AM
|
||||
|
||||
رد: روائع الشرق و عمالقة الشمال مع شريف منسى و محمد كمال
ptmnlo123per112ptmnlo123p er112ptmnlo123per112
يا باشا تسلم ايديكم جولات مكوكية احترافية تعقيدية أنا اتفرجت علي الجينسيس في دبي و وصفك دقيق تحس انها مرسيدس موديل 1995
__________________
|
|
#3
12-05-2010, 09:29 AM
|
||||
|
||||
|
رد: روائع الشرق و عمالقة الشمال مع شريف منسى و محمد كمال
شكرا لشريف باشا على التغطية الهايلة و الصور الرائعة و اللى دايما فيها مابيسبليش مجال كبير للكلام
 و احب أشكر أيضا الاستاذ أيمن و الاستاذ احمد حبيب من توكيل مرسيدس الكويت على حفاوتهم و ذوقهم العالى و حسن استقابلهم و ضيافتهم و نتوكل على الله و نبدأ الجولة طبعا جولة امبارح كان ليها طابع خاص أولا لوجود اخى و صديقى العزيز شريف منسى معايا و ثانيا لأن الهدف الأساسى من الجولة دى هو محاولة الانقضاض على وحش المرسيدس الجديد SLS AMG و التى يعلم جميعكم قيمة هذه النجمة الثلاثية عندى و طبعا عند الكثير من حضراتكم و كانت اكتر حاجة خايف منها اننا مانلاقيش منها فى التوكيل .. تكون مثلا لسة الدفعة الجديدة ماوصلتش أو بتتجهز أو أى سبب من الاسباب ,, ما كنتش هاتحمل خبر زى ده بصراحة المهم توكلنا على الله و ظبطنا مواعدينا انا و شريف باشا و عديت عليه و انطلقنا ,,, و طبعا كنت عاوز اروح مرسيدس الاول لمواجهة الشغف الأكبر و لكنه فكرنى ان كل مرة بنغلط الغلطة دى .. نروح الاول نتفرج على وحوش الالمانى و بعد كدة مفيش ولا عربية تعجبنا ....فالحمد لله تفادينا غلطة كل مرة و قررنا التوجه رأسا ألى توكيل كيا لمعاينة وحشها الجديد الكادينزا وتعليقى على الكادينزا (برافو عليكو يا كيا موتورز) فعلا كيا عرفت تعمل عربية تلفت الانتباه بجد بدأاً من روعة التصميم و حداثته و جراته إلى جودة الخامات و كمية الكماليات الغير طبيعية و اللى ماكناش بنشوفها غير فى العربيات الفخمة و الرحابة الداخلية و الاحساس العام و قوة الموتور التى لا يستهان بها ....... يمكن الملاحظات الطفيفة اللى كانت عليها إنها دفع أمامى و هناك بعض التفاصيل الدقيقة التى لم يتم الاهتمام بها زى ما أشار شريف باشا .. المهم فعلا العربية لاقت استحسانا خصوصا بسعرها المنافس جدا فى فئتها و سعر الفل أوبشن هو 8750 دينار كويتى و هو ما يوازى 175 الف جنيه مصرى .. بس على ما تنزل مصر طبعا هتعدى جامد جدا... ربنا يرحمنا من الجمارك.... بعد الكادينزا بصينا بصة سريعة على السيراتو و السيراتو الكوبيه و انا بصراحة بحب جدا شكل السيراتو الكوبيه و خصوصا من ورا ... و هازود بس على كلام شريف باشا حاجة بسيطة .. ان فعلا الدفعات الجديدة اتحسنت كتير من ناحية جودة الخامات الداخلية .... و انا شخصيا عجبتى العربية جدا و بهرتنى المساحات الخلفية المتاحة و اللى تفرق معايا كتير جدا فى العربية و هى فى السيراتو بصراحة تتفوق على الكثير من السيارات فى نفس الفئة و خرجنا من كيا مبسوطين جدا لأول مرة من فترة طويلة .... بس شريف بقى أصر يصر إلحاحا اننا نروح نشوف اللانسر علشان يقارن بينها و بين السيراتو .. و قلنا نتوكل على الله و فى الطريق عدينا على توكيل بيجو و مازدا علشان نبص بصة فى السريع و إذا بنا نفاجأ بوجود 308CC ماسة التاج الفرنسية و بومبوناية بيجو اللذيذة جدا ... عربية اقل ما يقال عنها إنها عروسة يوم فرحها ...لابسة سواريه.. و مرصعة بتصاميم غاية فى الرقة و الشياكة و الجمال .. بجد تخطف قلبك اول ما تشوفها و طبعا قعدنا جواها و تفحصناها و تمحصناها و طبعا اتأكد رأينا و رأى العالم كله إن الفرنساوين ملوك الموضة لما يعملو عربية لازم تكون آخر موضة ... و اتفرجنا على 308 العادية و مفيش كلام زيادة على كلام شريف باشا الا ان بصراحة العربية كانت أقل من توقعاتى.... و 3008 الجديدة اللى ماقدش احكم عليها الا ما يعرضوها رسميا بس هى فعلا المميز فيها انها 1600 سى سى مع تيربو .. و كروس اوفر .. يعنى فى مصر لو سعرها معقول هتبقى ممتازة جدا جدا و بالنسبة للمازدا 3 الجديدة برده مفيش كلام زيادة عن كلام شريف باشا .. لألنى بصراحة مش مهتم قوى بمازدا و خصوصا بعد إعلان كولجيت اللى عاملينه فى شبكة العربية ....فعلا .. ابتسامة بلهاء ثم توجهنا الى توكيل ميتسوبيشى لمقارنة اللانسر بالسيراتو .. و بصراحة لو انا بختار بين الاتنين .... هختار السيراتو من حيث الشكل و الاوبشنز و الرحابة ... أما الاعتمادية فلن تتأكد الا بعد كام سنة كام قال شريف باشا ثم انطلقنا الى توكيل هيونداى لمقارنة وحشهم الجينسس بوحش كيا الجديد و شريف باشا برده جاب المفيد كله .... و اخيرا توجهنا إلى وجهتنا الحقيقة .. حلم الأحلام ووهم الأوهام (مرسيدس ) النجمة الثلاثية المتربعة بجدارة على عرش السيارات الفخمة و كنا على موعد لمقابلة أحد تحفها الفنية و الهندسية العائدة إلى الحياة و هو الوحش المجنح بأجنحة النورس الذى كان فى سبات عميق لمدة عقود طويلة ... ها هو قد استفاق ثانية و تحرك من مرقده الذى كان طويلا و لكنه لم يكن نهائيا و لبس ثوبه الجديد ووضع فى أحشائه أكسير القوة المتمثل فى أحد أقوى المحركات الرياضية الألمانية من AMG و الذى يجعله بضغطة زر يزأر كملك الغابة و يوقظ أحصنته ال 570 مستعدا للإنطلاق باقصى قوة و التفوق على كبار و عظماء صناعة السيارات على كوكب الأرض ,,, إنها مرسيدس SLS AMG
عندما تقع عليها عينك للمرة الأولى لا تستطيع تحريك رأسك إلى وجهة أخرى و ينتابك شعور .. لا لا ليس شعورا واحدا إنها كمية من المشاعر الفياضة فتشعر كأنك تريد الضحك و البكاء فى نفس الوقت وتتمنى لو أتيحت لك الفرصة و احتواك الوحش المروض داخله و سمح لك بفك جماحه و الانطلاق كتنين مجنح مختفيا عن جميع الأنظار ... و تشعر ايضا بأنك فى قمة السعادة كطفل صغير يتلقى هداياه فى عيد مولده ... لا يمكنك سوى اللف حول انحاء السيارة لرؤيتها من جميع الزوايا و الجهات و امتاع و إثراء حاسة النظر التى من الله بها عليك بواحدة من أجمل ما خلق من آلات السرعة إنها مرسيدس SLS AMG و بعد مرور الدقائق الأولى و بعد أن تستفيق من لحظات اللقاء و تتأكد انك لست تحلم و تبدأ أن ترى بعض التفاصيل التى لم تكن واضحة من كثرة الانبهار بالجمال الكلى و تتعرف على التقنيات الهندسية المتمثله فى كل جزء من السيارة من أصغر مسمار بها حتى التصميم ككل .. تتمنى من كل قلبك أن تمتلكها و تعاملها كما تستحق .. كتحفة فنية هندسية رائعة و لكن ما باليد حيلة و يكفى الاستمتاع بزياراتها المتعددة و وصف شعورك لأخوتك و أصدقاءك فى منتداك المفضل و عسى ان ياتى اليوم و تقدر على امتلاكها و التمتع بكل ما فيها من رصانة و قوة و توحش فى نفس الوقت و إلى اللقاء فى جولات أخرى إن شاء الله
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#4
12-05-2010, 11:50 AM
|
||||
|
||||
رد: روائع الشرق و عمالقة الشمال مع شريف منسى و محمد كمال
__________________
......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#5
12-05-2010, 12:29 PM
|
||||
|
||||
|
رد: روائع الشرق و عمالقة الشمال مع شريف منسى و محمد كمال
تقرير رائع من ناس أروع ، بس العجيب والغريب مع إن المسافة بين قطر والكويت متخدش ساعتين زمن إلا إن كثير أوي من العربيات ديه لسه منزلتش هنا ( لا المرسيدس ولا البيجو 3008 ولا اللانسر) الوكالات هنا شبه فاضية بجد وعمالين يعملوا عروض على موديلات 2009 .:
المهم يا محمد باشا أنا ليا سؤال عن ال 3008 لأني منتظرها بصراحة من فترة العربية ديه من جوه واسعه وشيك ولا ؟؟ وهل ديه لو اتقارنت بالأوكتافيا تكون مين أحسن ؟ بالنسبة لل 308 كلامك مضبوط فعلا مع فرق إن النسخة اللي هنا مختلفة تماما لأنها بشاشة جي بي إس وسقف بانوراما وجنوط 18 وحجات تانية كثييييييير قوي بس فعلا كنبتها من ورا دمار ، علشان كده أنا كان نفسي أشوف ال 3008 هل هي فعلا زيها ولا في اختلاف ؟؟ مشكوررررررررررين وما قصرتوا !!!!!!!!!!
__________________
|
 |
|
|
