مشاكل شروخ الشاسية فى ال 128 اسبابها وعلاجها موضوع مميز جدا بالصور حصرى لمصر موتورز فقط

[sayed2077]

المشاركة الأصلية كتبت بواسطة *specialist* جزاك الله كل خير لان لولا موضوعك مكنتش عرفت بوجود الشرخ دا فى عربيتي ان شاء الله بكرة الصبح هروح جرى على السمكرى الحمه انا كنت اخدت مطب جامد وبعده بقيت اسمع صوت طقطة فى الطلوع بالعربية بس مكنتش اعرف ان العيب من الشرخ دا. يا ترى هل الوضع كدا تفاقم ولا هو لسه فى بدايته - الطقطقة دي بسمعها من شهر تقريبا وانا بتحرك يوميا مسافة مش اكتر من 20 كيلو على طرق مستوية داخل المدينة بس طبعا فيه مطبات كسائر طرق مصر ومتوسط سرعتى 70 تقريبا او اقل.

متقلقش ان شاء الله وقولى عملت ايه

[*specialist*]

المشاركة الأصلية كتبت بواسطة sayed2077 متقلقش ان شاء الله وقولى عملت ايه

زي ما كتبت لحضرتك تاني يوم كنت عند السمكرى من الساعة 8:30 استنيته لما فتح الساعة 9:00 ولحم الشرخ واخد 20 جنيه - لكن الطقطقة لسه موجودة مع العلم ان الطقطقة دي بدأت فى الظهور بعد رجوعي من عند الميكانيكي اللى غيرلى قاعدة الفتيس وغير كاوتشة الكوبلن وبعد ما غيرها كان جنب ورشته مطب عملاق وواحد صاحبة كان راكب جانبى "وزنه تقيل حبه" وسمعت خبطة فى العربية من تحت اثناء عبورى على المطب وبالتالى مبقتش قادر احدد الخطأ فى الميكانيكي ولا فى الخبطة ولما رجعت له وقلتله ان العربية مش مظبوطة فيها طقطقة والدركسيون بيتهز راح مغير صليبة الكوبلن - لكن العربية مرجعتش زي الاول - وندمت ان اهتمامي بيها دخلني فى الحوار دا لان المشكلة بدأت من اني لاقيت كاوتشة شحم الكوبلن مقطوعة وحبيت اغيرها.

[pop man]

المشاركة الأصلية كتبت بواسطة sayed2077

أستاذ سيد أسف انى برد على الموضوع وهو قديم ويارب معملش أزعاج
فى الاول أحب أشكر حضرتك جدأ جدأ كل مواضيعك مفيده ومهمه جدا
انا كان عندى شرخ زى اللى فى الصوره بالظبط بس كان سارح لتحت كمان وكنت بغير كوبلن كل شهر روحت لسمكرى شاطر وعمل الزرجينه اللى فى الصوره التانيه بالظبط وظبط عرض الحوض على 99 وكان فيه بارومه فى الشنطه عملها وشرخ صغير فى القايم عمله برده
المهم انه خد 500 جنيه بالعافيه وانا مستغلى الموضوع جدا جدا عموما انا لسه هستلم العربيه بكره وبقيله 200 جنيه
فأنت ايه رأيك 500 كتير جدأ ولا نقدر نقول كتير شويه صغيريين ولا مش كتير ولا اضحك عليا ؟؟
وهل فى احتمال الشرخ ده يفتح تانى معايا ويقرفنى ؟؟ ولا كده خلاص انساه علمأ بأن العفشه عندى كويسه
أسف للأطاله
شكرأ لكل القائمين اعلى المنتدى

[pop man]

:w6w2 00504112236376d:w6w200504 112236376d

[amir elgamal]

رااااائع
جزاك الله خيرا
وربنا يوفقك فى اختيار عربيه كويسه ان شاء الله