|
#11
07-08-2014, 01:05 AM
|
||||
|
||||
رد: سؤال ع السريع وارجو الرد سريع ايضا
لا يا فندم مفيش تعب و لا حاجة ...
كلمة توكيل حتى عام 2011 تقريبا كانت تطلق على الرواس فقط ... هو الوحيد الى كان معاه الضمان و الصيانات ... باعتباره الوكيل الوحيد ... و بعدين اكتشفنا انه موزع فقط و قصة بايخة كدة مع شركة متسوبيشى تابعناها على الصحف و حسبى الله و نعم الوكيل فعذرا ده التباس .. التوكيل عندى هو الرواس او دايموند انا بشترى قطع الغيار الى مكتوب عليها متسوبيشى و بنفس البارت نمبر بتاعة الاصلى و بنفس الاسعار تقريبا من محل فى صقر قريش على فكرة ... انا لسة شارى فلتر زيت ب 50 جنيه ... حصوره و ارفع صوره ان شاء الله .... و شفت يا باشا فلاتر بنفس العلبة .. ب 35 و فيه كمان ب 25 علبة زيت شيل هيلكس 10 الف كم ... 300 جنيه اسمع الى جاية دى ..... فانوس خلفى .. بكام ؟؟!!! 1500 جنيه ... الفرده .. يمين او شمال .. انا كنت فاكر الراجل بيهزر ... جوز الفوانيس الخلفية الاصلى ميتسوبيشى يعملوا 3000 جنيه !!!  رحت اسأل عليهم استيراد .... لقيت الواحد ب 600 جنيه جبت نوع تايوانى ... ب 150 جنيه الواحد .... فقلت .. انا حغير كل سنة فوانيس خلفية ... لمدة 10 سنوات بتمن جوز فوانيس اصلى علشان تعرف مية التوكيل الى بتصلح عنده .... تروحله فى الضمان .. لما حاجة صغيرة تبوظ ... زى اللمبات مثلا و شوف حيرضى يغيرهالك و لا لأ الرواس مرضيش يغيرلى لمض التابلوه لما اتحرقت ..و قالى ده عيب استخدام !!!!! ساعة الايرباج باظت .. و انا فى الضمان ... قالى ده عيب استخدام !!!!! لو حضرتك عاوز ميكانيكى كويس جدا ... و بيشتغل فى الميتسوبيشى بس ... لانسر و باجيرو ... فيه واحد اسمه همام فى صقر قريش ... مشهور جدا و فيه ورشة فى الاميريةاسمها الاخلاص تقريبا .. بس مش عارف العنوان تحديدا على ما اذكر .... انا غيرت طقم الدبرياج .. ركبت الاصلى كان ب 1500 جنيه ( ديسك و اسطوانة و بلية ) ... و الميكانيكى اخد 300 جنيه مصنعية تقبل مرورى
__________________
|
|
#12
07-08-2014, 01:28 PM
|
|||
|
|||
رد: سؤال ع السريع وارجو الرد سريع ايضا
المهم الى قلته ده صدمنى اساسا بس فى الحقيقة بفضل اغير طقم الدبرياش فى التوكيل اولا لان قطع الغيار ضامن انها اصلية وبطلب انى اشوفها قبل ما تتركب واخود قطع الغيار القديمة ثانيا عليها ضمان ثالثا لو حصل حاجة هعرف اخد حقى منهم اوى اما لو غيرتهم برة وحصل حاجة ولا يعرفنى ولا هعرف اخد منه حق ولا باطل وعن تجربة مصنعيتهم غالية الى حد ما يعنى هغير سيور برضو ان شاء الله المصنعية بتاعته 150 جنية مش عارف ده كتير ولا لا بس شايفه كتير جدا ده سيور يعنى مش شغلانة! الى عاوز اوصله ان التوكيل بفضله فى تغيير حاجات كبيرة زى اى حاجة فى الموتور او الاجزاء الميكانيكية اما اى حاجة بسيطة يا اما بعملها بنفسى لو عندى امكانيتها او برضوح لميكانيكى محترم بتعامل معاه.... مع انى مش لاقى قطع غيار العربية ده برة اساسا !!! بقالى سنة بدور على الوحدة الى شايلة دراع الاشارات والمساحات لان البوردة نفسها اتحرقت والنور العالى مش شغال وفكيت الفيشة بتاعته علشان مايحرقش الباقى وسالت فى التوكيل مالقتوش كمان!! هسال عليه تانى السنه ده ماتعرفش مكان اسال عليه برة قبل ما اروح؟؟ بالنسبة للمض التابلوة اتحرقت عندى من كام شهر لفيت الدنيا علشان اجيب زيها مالقتش الى لقيته حاجة شبهها اوى بس مش هتثبت بس لامسة السلوك وموصله روحت لازقها بشكرتون وريحت دماغى وشغالة معايا كويس  عاوز ادور عليها تانى!!
__________________
  صفحة car's engine على موقع التواصل الاجتامعى facebook لميكانيكا السيارات على هذا الرابط https://www.facebook.com/pcarsengine
|
|
#13
08-08-2014, 02:28 PM
|
||||
|
||||
رد: سؤال ع السريع وارجو الرد سريع ايضا
ياريت ي استاذ امير تحدد نوع عربية حضرتك و نوع الموتور .. هل هو الى راكب على البومة و لا احدث و لا اقدم ... و ياريت حضرتك تقول على المكان الى بتعمل فيه الصيانة ... و ده مش حيكون اعلان و لا حاجة ... الاعلانات ليها شكل تانى ... و الادارة بتوافق عليها ببساطة بس علشان نوحد كلامنا .... مبقاش انا بتكلم عن حاجة و حضرتك بتتكلم عن حاجة تانية كلمة توكيل زى ما قلت لحضرتك .... كانت تطلق على اى فرع من فروع الرواس ... و الان اى فرع لدايموند ... اى حاجة تانية بيسموها مركز صيانة معتمد ... معتمد من الاتنين الى ذكرتهم سابقا فقط ( لو عند حضرتك معلومات احدث .. ياريت تصححلى معلوماتى ) و فيه مراكز صيانة بتقول انها معتمدة و هى لا معتمدة و لا حاجة ... و فيه مراكز صيانة و بس الى حضرتك مرتاح معاه فيما ذكرت ... خليك معاه انما .... انك تعرف تاخد حقك منهم .. تاخد ضمان على قطعة الغيار الى اتركبت ... ده حضرتك الى تحكم عليه بعد التجربة يعنى ... لو حضرتك عملت معاهم مشاكل قبل كدة و اخدت حقك منهم .. كدة معاك كل الحق انك تلتزم معاهم فى الصيانات تجربتى الشخصية مع توكيل الرواس فى غمرة او فى المهندسين توضح ان توكيل الرواس ده اى كلام و حكاية الضمان دى طلعت اكبر اشتغالة طلب رؤية قطع الغيار قبل التركيب دى حاجة كويسة جدا و كذلك الاحتفاظ بالقطع القديمة ... بتنفع بعد كدة سيور الباور و التكييف مش مشكلة فى التغيير ... بس سير التقسيمة هو المشكلة ... علشان لو لفت التروس منط درجة واحدة حتبرجل العربية ... فتغيير السيور فيه مشكلة واحدة و هى سير الكاتينة للأسف معرفش حد ممكن تسأل عنه عن الحاجات الكهربا ... بس ممكن حضرتك تسأل عند محلات الاستيراد و كذلك للمض فكرة الشيكرتون دى فكرة كويسة جدا  و لما تلاقى اللمض تركبها ان شاء الله لو رحت صقر قريش او نزلت وسط البلد ان شاء الله حسأل لحضرتك عنهم تقبل مرورى
__________________
|
|
#14
08-08-2014, 05:40 PM
|
||||
|
||||
|
رد: سؤال ع السريع وارجو الرد سريع ايضا
انا بجد متشكر جدا على كل المعلومات ديه
دا انا كنت فاكر التوكيل اضمن حاجة تتعامل معاها بس الحمد لله انا بعمل الصيانة فى مركز محترم فى اسكندرية بيغنينى عن مرواح التوكيل الحمد لله ومتشكر لاستاذ احمد وامير مرة تانية
__________________
 CM Punk Best In The World Finally...I Finished.Thank God
|
|
#15
08-08-2014, 06:00 PM
|
|||
|
|||
رد: سؤال ع السريع وارجو الرد سريع ايضا
التوكيل الى بتعامل معاه من اول الصيانة لحد دلوئتى هو سبيدى (المسلمى سابقا) ولما بشوف قطع الغيار دايما بلاقى اسم العربية مكتوب عليها وبتكون اصلية من المصنع بصراحة هما هناك بارديين جدا! وحتى كلامهم ممل بس بعرف اتعامل بعاهم وابرد منهم مافيش مشاكل  بس ماحصلش بينى وبينهم خلاف قبل كده على قطع الغيار الحمد لله وربنا ما يجيب خلاف معاهم مش ناقص مشاكل :D وبفضلهم ايضا لانهم ادرى بالسيارة من اى حد تانى عارف كل صغيرة وكبيرة فيها ومابيشتغلش الا فيها من سنين فعلشان كده الاجزاء الحساسة الى فيها شك دايما بروحلهم حتى لو هياخدوا فلووس زيادة شوية (بشترى دماغى :D) تحياتى
بالتوفيق
__________________
صفحة car's engine على موقع التواصل الاجتامعى facebook لميكانيكا السيارات على هذا الرابط https://www.facebook.com/pcarsengine
|
 |
|
|
