اطلب المساعدة في لانسر بومة 2008...و تقييم سعرها..

[the ultimate opportunity]

انا شايف ان السعر معقول بعد اللى انت كملتة فى العربية و نزل فعلا الجنط ل 14 و حتفرق معاك
و مبروك عليك....

[amir elgamal]

اولا الجنط لما تكبره عن مقاس العربية بيديك سرعة مش مظبوطة يعنى سرعتك الحقيقية مش هى سرعه العداد
سرعتك هتكون اكبر من سرعة العداد وطبعا عداد الكيلو مترات هيديك قراءة غلط ده طبيعى
كان العداد بيديك فراءة غلط قبل تغيير الجنط؟؟

[ahmed_eng2001]

المشاركة الأصلية كتبت بواسطة mostafamk2003 بسم الله الرحمن الرحيم.... ربنا وفقني و اشتريت لانسر بومة 2008 خليجي 1300 مانيوال كاملة كهربا... العربية كويسة و الحمد لله ... لكن فيها مشكلتين مش مخلياني استمتع بيها ... اولا : حاسس ان العربية بتاكل بنزين.... حسبت في مشوار طويل لقيتها حوالي 8 كم لكل لتر...( انا كنت راكب كليو 1200 و كانت بتعمل معايا 12 كم لكل لتر)..مع العلم اني كل مشاويري طريق السويس و طريق اسماعيلية ..يعني مفيش زحمة و اشارات... ....و ده معدل مش طبيعي...مع العلم اني معملتش حاجة في المكنة من ساعة ما اشترتها غير اني غيرت زيت... ... و الحاجة التانية ان حاسس ان عداد الكيلومتر مش صحيح و مش موافق للطبيعة ... يعني مشوار انا عارف انه 30 كم ..اصفر العداد و الاقيه حسب المشوار في 20 كم تقريبا....فهل المشكلة دي ليها حل ... فانا بطلب من المختصين يفيدوني في الحاجتين دول... 1- ينصحوني بميكانيكي شاطر او مركز خدمة يكون محترم ( و محدش يقولي التوكيل لاني اتلسعت من ايام الرينو).... 2- كنت عايز اسال كمان عن افضل واحد بتاع قطع غيار استيراد و جديد ... 3- سعر الطارة بتاعة ال 2008 بالشريط بتاع الايرباج... 4- اخيرا ياريت تفيدوني في السعر... بصراحة انا العربية جبتها راشة برة و فبريكة من جوة ..ب 60 الف جنيه في اخر مايو 2014... و اول ماجبتها عملت فيها الاتي.. 1- تركيب 4 فرد كوتش و اربع جنوط سبور 15.. 2-اصلاح علبة الدركسيون لانها كانت بتجيب زيت ... 3-تركيب عدد اربع سرة استيراد لان البلي القديم كان بيعمل ونة جامدة.. 4-تركيب كاسيت جديد و سماعات بيونير و تظبيط شوية شغل في الكهربا( تغيير زر المريات الكهربا + و تغيير لمض الفوانيس +و شوية شغل في الكهربا)... ...... طبعا الشغل ده كلفني حوالي 5000 جنيه ..لان شغل الميكانيكا عملته عند نفس ميكانيكي الرينو القديم...و الكاوتش و الجنوط ال14 القديمة بدلتها و دفعت فرق... ....... فتقريبا كلفتني 65 الف عشان اعرف اركبها ... و بعد كده شديت بيها على الساحل الشمالي على طريق مصر اسكندرية الصحراوي.... فكانت ملاحظاتي عليها ... 1- كان اخرها 140 و ال RPM كان على 4..من غير تكييف... 2- السحب من 0 الى 80 بياخد وقت و بعد ال 80 بتجري ... 3- المشوار لغاية قرية كازابلانكا حوالي 246 كم من القاهرة..العداد قراها 186 كم... 4- فولت العربية من اول الطريق و لغاية ما وصلت و رجعت بيها اسكندرية يعني حوالي 300 كم و استهلكت حوالي 40 لتر مع العلم انها كانت محملة 5 افراد.... 5-بعد ما وصلت كانت بتفصل على الاول و انا دايس دبرياج على الرغم انها مش بتفصل على السلانسيه... 6-

ربنا يباركلك فى عربيتك ...اعتقد ان العربية بتاكل بنزين شوية ... اكشف عليها عند ميكانيكى كويس .. احتمال كبير يكون عيب بسيط ان شاء الله

فيه 2 ميكانيكية كويسين جدا و الناس بتشكر فيهم ... همام فى صقر قريش ... و ورشة الاتحاد او المتحدة مش فاكر بالظبط ... فى الاميرية
و فيه كمان عم حمدى الفنى .. فى بولاق الدكرور

فيه محلات بتبيع قطع الغيار الاصلية ... بنفس سعر التوكيل .. و فيه محلات بتبيع قطع الغيار التقليد كتير

فيه ناس كتير فى صقر قريش بيشتغلوا فى الاستيراد

انت بتسأل عن الطارة ليه ؟ لو عاوز تغير ساعة الايرباج ... انا سمعت عن ناس ممكن تلحم الشريط بتاع الايرباج

[kbarema]

بسم الله الرحمن الرحيم
1 - بالنسبه للبنزين :-
بوجيهات , فلتر هوا , ضغط كاوتش , نوع البنزين , وبلى العجل كمان يفرق علشان المقاومه
2 - بالنسبه لعداد الكيلومتر :
مقاس الكاوتش اتغير , او حساس السرعه مش مضبوط
3 - العربيه بتفصل علي الاولانى :
اعتقد اما وساخه ومحتاج تحط منظف دوره الوقود
او انت عندك مشكله في الكهربا وممكن تكون بوجيهات برضو