#1
|
|||
|
|||
مروحة هيونداى اكسنت على 128
السلام عليكم
عربيتى فيات 128 من فترة المروحة عندى بقت تعمل صوت جامد جدا احيانا وساعات بتكون طبيعيه روحت للكهربائى قالى مش هتنفع عايزه واحده جديدة سالت على الجديدة بتاعت الفيات لقيتها بـ 150 جنيه بالماتور وكنت قريت على النت ان ممكن اركب مروحة الشاهين عشان عدد ريشها اكتر وتبريدها اقوى سالت الكهربائى قالى لا مس هتنفع تركب المهم طنشت المروحة فترة والنهاردة كنت بغير سير الدينامو عند كهربائى تانى سالته ينفع اركب مروحة شاهين قالى اه .. قولتله يعنى هيتعمل التعديل عادى قالى قول كل اللى عندك وانا هقولك اللى عندى قلتله عايز حاجه قوية وتبرد بسرعه قالى هات مروحة هيونداى اكسنت وانا اركبهالك روحت جبت واحدة استيراد عامله 80 جنيه ولو فى الشتا ممكن تشتريها بـ 40 جنيه بس طبعا الاستغلال طبيعه فينا مش هنبطلها .. جربتها قبل ما امشى .... الكهربائى ركبها على الريداتير بـ 4 حزام بلاستيك وبقت ماسكه جامد جدااا اجمل حاجه انها تشتغل وتفصل من غير ما تسمع اى صوت ليها نهائى مش زى المروحة الغبيه اللى كانت راكبه المروحة 6 ريشه وكبيرة وبتبرد بسرعه فى حوالى 45 - 50 ثانيه الحمد لله ارتحت من صداع المروحة - ولسه هشوف مشكلة جديدة من مشاكل الـ 128 التى لا تنتهى |
#2
|
رد: مروحة هيونداى اكسنت على 128
بصراحة ال 128 فعلاً مشاكلها لا تنتهى
ربنا يباركلك فيها
__________________
بسم الله الرحمن الرحيم سؤال على بال كل شاب أو رجل يُريد أن يتزوج كيف اختار الزوجة التي ستظل معي طوال العمر اوووووووعة تفكر كتير شاهد هذة الحلقة وبأذن الله تأخذ القرار الأخير وذلك مع فضيلة الشيخ أبي إسحاق الحوينى الحلقة بجد راااااااائعة والله طبعا الحلقة (مرئية) وبمساحة خيالية |
|
|