تحويل فيات 128 الى غاز

[hossamshibl]

السلام عليكم
الى خبراء الفيات 128 ... دى اول عربيه ليا وعاوز احولها غاز علشان ارتاح من قرف البنزين وكمان اوفر ... بس فى ناس بتقولى بلاش وانه بيضر العربيه وبيأثر على المتاور وناس تانيه بتقولى لا عادى ولا بيأثر ول حاجه واللى حتغيره حاجات بسيطه حتكون وفرت اكتر منها بكتير ... فافيدونى بخبرتكم لانى محتار بصراحه ولكم جزيل الشكر ....

[Hisham.Elgazzar]

هتعمل عمرة للموتور وعادى جدا يركبلها غاز مفيش اى مشكله بس هتتكلف 5000 تقريبا او بالقسط وهيبقى احسن من طوابير البنزين ال 80

[hossamshibl]

المشاركة الأصلية كتبت بواسطة Hisham.Elgazzar هتعمل عمرة للموتور وعادى جدا يركبلها غاز مفيش اى مشكله بس هتتكلف 5000 تقريبا او بالقسط وهيبقى احسن من طوابير البنزين ال 80

اشكرك على سرعه الرد يا باشا ... بس اعمل عمرة لازم دلوقتى ... لان الميكانيكى بيقولى ماتورى 80 % ولا استنى شويه ؟ وياترى بعد كده ايه اللى ححتاج اعمله تانى ... وياترى حعمل عمره كل قد ايه ؟ ... معلش يا باشا حتعبك معايا شويه ...

[medo_z1980]

بص انا فعلاً مقبل على تحويل الغاز ومستنى اشوف موضوع الكروت ده الاول
اللى اعرفه ان لما بتيجى تحول غاز بيكشفه على السيارة و يقولولك اذا كان الماتور فيه مشكلة او غيره ده غير شغلهم هما فى موضوع التحويل

[amr bondok]

شوف يا اخى الامانة بتقتضى ان اقولك لالالالالالالالالالا
لية العربية 128 عربية بلغة السوق ما بتتقنيش و هتيجى بعد فترة قريبة مش بعيدة هضطر تبيعها هتبعيها بنفس سعر السوق و تبقى خسرت ال 5000 جنية دية حاجة
الحاجة التانية الغاز ما بيضرش العربية زى ما بيقولو لان اصبح بيركب الجهاز الجديد اللى ما بيكونش كربون على شنابر البساتم فى الماتور و بالتالى مفيش عمرةو لا حاجة قريبةو و بعدين الماتور كلوة بكام عشان تشيل هم عمرة لة مش غالى مقارنة بعمرة العربيات الاغلى منها
حاجة اخيرة انت هتركب الاسطوانة الصغيرة لان ية حجم الشنطة هتعمل فى حدود 150كيلو عما تخلص يعنى مش مستهلة تركيب
و حاجة تانية لازم قبل ما تركب تتاكد من القنطرة اللى فوق السوستة على ابوها و لا ملحومةو لا وضعها اية اساسا قبل ما تفكر تركب حاجةو تشوف السوست شكلها اية كويسةو لا محتاج سوست افضل و رىو حاالة العربية كويسةو لا نصف نصف و مدى اتزانها شكلوة اية