ممكن رايكم فى مشروعى

[bebonet]

المشاركة الأصلية كتبت بواسطة حسين122 الله أكبر اصبر اصبر اصبر الله يوفقك بإذن الله انت ماشي في الخطوات الصح ربنا يوفقك

شكراً أخى
وردك أعطانى دفعه قويه للأمام
وإن شاء الله هاتسمع أخبار حلوه جداً
لان فيه ناس شافوا شغلى وعجبهم
وعايزين يشاركونى
وحضرنا للورشه وكله تمام
فاضل بس انى اتفرغ للعمل
وربنا يوفق
وشكراً تانى على ردك المشجع

[M.TONSY]

موفق ان شاء الله
ورجاء وضع بيانات الاتصال فى التوقيع لتعميم الفائدة

[أدهم صبرى]

أنا قرأت أول صفحة فى الموضوع.
ومن رأيى إن العمل الحر أفضل بكتير من العمل لحساب أشخاص أخرين أو حتى شركات.
وبما إنك متمكن من عملك فتوكل على الله.
ولكن فيه شوية نصائح وعن تجربة:
1- إحسب مصاريف مشروعك ثم إضربها فى اتنين. يعنى لو مشروعك سيتكلف حسب حساباتك مثلاً 1000 جنيه. إذا ضع ميزانيتك 2000 جنيه ولاتبدأ مشروعك إلا بعد توفير هذا المبلغ. لإن أى مشروع لن يقف عند حساباتك ولكن هتلاقى حاجات كده بتطلع لك متعرفش منين وتلاقيها بستنزف فلوس.
2- إحسب مصاريف بيتك الشهرية واضربها فى سنه ونص أو اتنين لإنك مش ضامن المشروع هيبدأ يتعرف ويشتغل بعد أد إيه. "طبعاً الرزق بيد الله ولكن الإحتياط واجب واعقلها وتوكل".
3- حاول توفق بين عملك فى الشركة الحالية وعملك الخاص أولاً بحيث لو مشروعك لاقدر الله لم ينجح فلن تخسر مصدر دخلك المضمون. ولو ربنا فتح عليك فى شغلك الخاص إبقى إستقيل من الشركة وتفرغ لمشروعك.
4- إذا لم تستطع التوفيق بين العملين. حاول تحقق النقتطين 1 و 2 قبل ما تسيب شغلك فى الشركة.
5- لا تدخل فى شراكة مع أحد. الشراكة مشاكلها كتيرة. وإن كان ليها مميزات ولكن البعد عنها أحسن.

وربنا يوفقك ويرزقك رزقاً كثيراً حلالاً طيباً مباركاً.

[osamafawzy]

اولا الف مبروك علي المشروع وربنا يعطيك خيره ويكفيك شره.
ثانيا انا نفسي اعمل مشروع مشابه بس كنت عايز اعرف ثمن المعدات الازمه مثل سعر ماكينه اللحام اللي حضرتك جبتها مش مهم من فين المهم الاسعار وجزاك الله خيرا....

[ميدو عمر ايمن]

موفق ان شاء الله
وكن واثقاً بأن الارزاق بيد الخلاق -فتوكل علي الله