يا ترى اية هيكون موقفك مع ابنك .... ؟؟

[منعم الكنج]

بصراحه الموقف وحش بس انا عندى احسن حل انا احنا لما نكبر ونخلف ميكونش عندتا عربيات هههههههههه ولا ايه رايكم اظن ان الحل ده نت الاخر

[Brave Heart]

انا بالنسبالى لو واثق فى ابنى ان سواقته تمام التمام هسيبله العربيه بدون نقاش
انا والدى ربنا يديله الصحه هو اللى عرض عليا انى اسوق العربيه واجرب بنفسى واعلم نفسى بنفسى وعلى طول كان بيسبلى العربيه لحد ما بقيت الحمدلله تمام فى السواقه واتعلمت السواقه فى الكويت
وحتى لو رايحين انا ووالدى اى مشوار مع بعض بيخلينى انا اللى اسوق
وكان على طول سايبلى العربيه وانا حتى مش معايا رخصه ودى طبعا مشكله كبيره جدا لان احنا فى الكويت مش مصر بس دايما يقولى طالما ماشى مظبوط محدش عمره هيوقفك من الشرطه

[Bendary]

انا عندى واحد قريبى فوق الستين سنه وابنه شاب كويس وسواقته كويسه
لكن لا اعرف لماذا هذا الاب دائما يقوم بالسواقه بنفسه وابنه يبقى قاعد جنبه
وحتى عندما يطلب الابن ان ياخذ السيارة للذهاب الى عمله او يخرج مع اصحابه ، يوافق الاب احيانا ويقوم بالاتصال بابنه 60 مرة : انت فين دلوقتى - الطريق زحمة ولا لآ - خد بالك - سوق بالراحة والكلام ده
لغاية ان هذا الشاب اتعقد وبطل يطلب العربيه .

طب ليه الخنقه دى ؟؟ اذا لم يكن كل شاب يبدأ بسواقه عربيه والده ويتعلم عليها ( حتى لو خبطها ايه المشكله ).

انا شخصيا أول ما ابنى يطول شويه ورجليه يدوبك تطول دواسات البنزين والفرامل هاعلمه السواقه - وفى السن المناسبه يطلع رخصة
خلاصة الكلام : انك لما تكبر ابنك وتحسسه انه راجل موثوق فيه ويتحمل مسئوليه - تفرق كتير اوى فى شخصيته
وهيكون الاب اول واحد مستفيد من رجولة ابنه .

ولكم التحية .

[HaMaDa-ToUBaR]

ولعلمك يا استاذ بندارى فى كتير كدة
بس السؤال لية كدة ؟.؟؟
هل كان بيتعامل بنفس الطريقة علشان كدة بيعمل كدة
ولا مثلا بتبقى نوعية ناس انهم مش بيثقو فى حد غير فى نفسهم ومش بيحبوا يعتمدو على حد
ولا العربية عزيزة علية لدرجة انة حتى ابنة مش بيبقى عاوزة يسوقها

[Ahmed Anwer]

أنا شخصيا ،،، و الدي الله يرحمه هوا اللي كان بيعلمني السواقة

بس الصراحة أنا كنت غبي طحن ،،

و طلعت عينه في سنه بنزين و سنه دبرياج

بس ابني الصراحة مع ظروف الشوارع اليومين دوول

مش هاسيبه يسوق بسهولة إطلاقا