تويو اليابانى ول بريدجيستون الاندونيسى ول ميشلان الانجليزى ؟؟

[Ahmed52005]

كل عام وانتم بخير
انا قررت اغير الكاوتشات ف انا استقريت على نوعين تويو اليابانى ودى سالت عليه الفرده عمله 485 او برديجستون الاندونيسى ودى الفرده عمله 525
انا اصلا كنت عايز اشترى بريدجيستون يابانى الترونزا بس للاسف كلمت التوكيل قالى مقاسى مفيش منه تورنزا ومفيش منه بريدجستون يابانى اصلا والنوع الوحيد الموجود هو الاندونيسى b250
دى اللى هو متوافق مع مقاسى اللى هو 14/70/185
ف انا طبعا قريت كتير عن النوعين لقيت ان التويو فرده كويسه ولكن يقال ان عيوبها انها بتعوم فى التسارع ومع الفرامل على السرعات العاليه لانها طريه ودى العيب الوحيد اللى قريته عنها
اما البريدجيستون الاندونيسى b250 ف انا قريت ناس كتير كانت بتشكتى منه من حيث الجوده وبيقولو الكاوتش ناشف والبريدجيستون ياما يابانى ياما بلاش وانا متفق مع الراى دى برضو
فى برضو ميشلان الانجليزى سالت عليه الفرده عامله 590 مش عارف بقا الميشلان يبقا كويس للكرولا ول بيبقا ناشف اصلى اسمع انه بيركب للعربيات ال لاند كروزر والجيب
للعلم العربيه كورولا 2004 وهيا اصلا كانت نازله ب التويو اليابانى
شكر ومنتظر ردود الناس اللى عندها فكره عن النوعين وايه افضلهم وهل فى انواع يابانى تانيه ممكن تكون افضل

[محمد فيصل]

نصيحة لوجه الله الاطارات فى مصر على عكس كل دول العالم
يجب ان تكون من نوع متكرر الركوب وغير مخزن وجانب الاطار يجب ان يكون قوى والاطار يجب ان يكون لين بمعنى ان لا يكون جاف حتى لا تسمع اصوات فى السير بسرعات عالية وان يتحمل مطبات طرق بلد العجائب والنقر والحفر واغطية البلاعات المسروقة
والبريدجستون b250 يعتبر هو انسب نوع لسيارتك
ويعادل التويو اليابنى الذى كان مستخدم فى السيارة وهى جديدة
يسر الله لك امر إختيارك إن شاء الله

[Ahmed52005]

المشاركة الأصلية كتبت بواسطة محمد فيصل نصيحة لوجه الله الاطارات فى مصر على عكس كل دول العالم يجب ان تكون من نوع متكرر الركوب وغير مخزن وجانب الاطار يجب ان يكون قوى والاطار يجب ان يكون لين بمعنى ان لا يكون جاف حتى لا تسمع اصوات فى السير بسرعات عالية وان يتحمل مطبات طرق بلد العجائب والنقر والحفر واغطية البلاعات المسروقة والبريدجستون b250 يعتبر هو انسب نوع لسيارتك ويعادل التويو اليابنى الذى كان مستخدم فى السيارة وهى جديدة يسر الله لك امر إختيارك إن شاء الله

وايه رايك فى الميشلان يا هندسه ؟؟؟ سعره غالى ويقال انه افضل من البريدجستون والتويو

[yasser mahmmoud]

المشاركة الأصلية كتبت بواسطة محمد فيصل نصيحة لوجه الله الاطارات فى مصر على عكس كل دول العالم يجب ان تكون من نوع متكرر الركوب وغير مخزن وجانب الاطار يجب ان يكون قوى والاطار يجب ان يكون لين بمعنى ان لا يكون جاف حتى لا تسمع اصوات فى السير بسرعات عالية وان يتحمل مطبات طرق بلد العجائب والنقر والحفر واغطية البلاعات المسروقة والبريدجستون b250 يعتبر هو انسب نوع لسيارتك ويعادل التويو اليابنى الذى كان مستخدم فى السيارة وهى جديدة يسر الله لك امر إختيارك إن شاء الله

كلام مضبوط 100% وأنا مجرب بريجستون الأندونيسي ممتاز جداً

[Ahmed Nageb61]

السلام عليكم

والدى كان عنده كورولا ملحق 2009 كانت نازله بكاوتش كونتينتال
وحاليا عندنا كورولا 2010 نازله بكاوتش ميشلان وانا بصراحه حاسس ان هو كويس وكمان مشيت بالعربيه على سرعه 200 لمده كام دقيقه وبعد كده 180 او 190 مستمر ومكنتش حاسس باى تعويم ولا اى حاجه وانا شايف انه يستاهل تدفع فيه اى مبلغ