الاقيه فين يا خبراء التكييف ؟؟؟؟؟؟

[waleedkhairy]

السلام عليكم
رحت اظبط تكييف سيارتي لانسر 91 عيون صفيه قام عملي اختبار للوصلات الخارجيه ما لقاش فيه تسريب ... و بعدين ضغطه هوا و قالي تعالي بكره ... لما رحت ما لقاش فيه هوا نهائي فقالي كده تبقي التلاجه الداخليه مسربه و لازم تتغير .... قلتله غيرها ... قالي لا برنس لما تلاقيها هاتها و اغيرهالك لأنها مش موجوده ... سألته ما ينفعش تعديل ليها من اي موديل تاني ؟؟؟ قالي جرنا و ما نفعش ما بيديش اللسعه بتاعه الاصلي...
الاقي فين التلاجه الداخليه او الكويل الداخلي ذي ما بيقولوا ... و بيعمل كام ؟؟

[virusx_x]

موفق ان شاء الله

[Ayman_Nazeih]

المشاركة الأصلية كتبت بواسطة waleedkhairy السلام عليكم رحت اظبط تكييف سيارتي لانسر 91 عيون صفيه قام عملي اختبار للوصلات الخارجيه ما لقاش فيه تسريب ... و بعدين ضغطه هوا و قالي تعالي بكره ... لما رحت ما لقاش فيه هوا نهائي فقالي كده تبقي التلاجه الداخليه مسربه و لازم تتغير .... قلتله غيرها ... قالي لا برنس لما تلاقيها هاتها و اغيرهالك لأنها مش موجوده ... سألته ما ينفعش تعديل ليها من اي موديل تاني ؟؟؟ قالي جرنا و ما نفعش ما بيديش اللسعه بتاعه الاصلي... الاقي فين التلاجه الداخليه او الكويل الداخلي ذي ما بيقولوا ... و بيعمل كام ؟؟

بصراحة انا مش خبير
بس عليك وعلى مدينة الحرفيين وروح هناك عند أى ورشة تكييفات بس طبعاً اسأل أكتر من واحد علشان تتأكد ان سمعته حلوه وشاطر ( الصنايعية الشاطريين بيبقوا مسمعين بالاسم هناك) وتخليه يكشف لك على التكييف بتاعك لو قالك محتاج كويل داخلى قوله طيب اجيبه منين وهما بيبقوا عارفين تجار استعمال ( استيراد) بيتعاملوا معاهم ودول ما اكترهم هناك فى الحرفيين والميزة انه بيجى معاك وياخد قطعة الغيار على التجربة علشان لو مش تمام بترجع تانى وتشوف غيرها.
ودى احسن ميزه بدل ما تفكها عند الفنى بتاعك وبعدين تروح تدور هناك وتدفع فلوس ولا قدر الله تطلع مش هى أو مش شغالة كويس وماينوبك غير المشوار وكمان ساعات (احياناً) مبيرضاش يرجعلك الفلوس ويقلك هجيبلك واحد تانى بس بعد يومين وعيش بقى.
بالتوفيق ان شاء الله

[AbOnOrA]

زى ما ايمن باشا بيقول كده انزل الحرفيين او عزبة شلبى ولف على رجلك واسئل بتوع الاستيراد بنفسك عنده ايه وبكام ده .. ده الموجز

[Hisham.Elgazzar]

وبرضه بتوع التكييف عندهم حل لكل حاجة

ممكن تلاقى حاجة تمشى معاك زى الفل

لأن محدش قال ان التكييف فى العربية تبقى ماشى فعز الحر
وجوا الكابينة تلج لأن ده بيأثر على عمر الكباس والموتور وضفيرة الكهرباء
لأن الكباس بيبقى شغال متواصل ومابيفصلش
هتاكل معاك بنزين

والإزاز التربلكس ممكن يبوظ لاقدر الله لو اديتله سخن من برا وساقع من جوا
80% من اللى عندهم تكييف فى العربية مش بيعرفوا يستخدموه صح
وفى الآخر نقول تكييف تقيل وفيص موتور العربية ، مع ان صاحبها هو السبب

تقبلوا مرورى