ينفع اركب تكييف للشاهين وكم المصاريف

[حواش]

عندي سياره شاهين موديل 2006 بس عايز اركبلها تكييف بارد فقط عايز اعرف هل ينفع ولا لا ولو ينفع هل يوجد تعديلات هعملها في السياره وكم التكلفه وهل هو هيتعب الموتور ارجو الافاده

[محمدصلاح القاضى]

الصيف السنادى نويها
افتكر ان عربيتك موديل حديث واكيد موتورها حالته لا تقل عن 75% ولذلك تركييب تكييف عندك ابسط الامور
اولا هتجيب سربنتينة تكييف دوجان
ثانيا كمبورسر يابانى جديد
ثالثا كويل داخلى دوجان
رابعا الخراطيم والمواسير بتاعت الدوجان وركب وظبط العمل
وان شاء الله هتحس بالتغيير
وطبعا حضرتك بتسأل ليه كل حاجه دوجان
لان الدوجان هى الشاهين بس موتور ال 1600 وفيها تكييف فمن السهل انك تحول عربيتك لمكيفه
وعشان تحس بالفرق جامد
هتعمل عزل للابواب من الداخل ودا بقا ازاى
هتجيب 4 متر مشمع بلاستيك بس ياريت يكون خاماته متينه حبتيين
وانبوبتين سيلكون وبيكون لونه الاسمر مش الابيض ليه بقا اسمر عشان يبقى زى بتاع الفبريكا
وهتفك فرش الابواب وتقص المشمع على قد الباب من الداخل مع مراعاة فتحة الاوكر وبعدين قصيت حط سيلكون على اطراف الباب فى شكل خط مقفول وبعدين الزق المشمع وركب الفرش بعد اما تخلص بنص ساعه عشان يكون السيلكون شد وجرب وان شاء الله هتحس بفرق جامد اووى
والتكلفه الاجماليه للتكييف والعزل بشحن الفريون وكل الامور لايتجاوز ال 2000 جنيه بالكهربا والذى منه

[hyundai 2005]

استاذ يا محمد يا قاضي
بس التكلفه لن تتعدي 1000-1200جنيه

[حواش]

ياسلام عليك يا ابو صلاح جزاك الله كل خير بس ممكن اعرف ده هياثر علي الموتور او السخونه علشان مندخلش في حوارات وهل فعلا عملي يعني التبريد هيكون ممتاز وربنا مايحرمنا:1401 09~347::14010 9~347:

[محمدصلاح القاضى]

المشاركة الأصلية كتبت بواسطة hyundai 2005 استاذ يا محمد يا قاضي بس التكلفه لن تتعدي 1000-1200جنيه

انا طبعا مش تاجر ولا مورد قطع غيار يامستر هيونداى
وحضرتك سيد العارفين ان قطع الغيار الاستيراد حسب هوا التاجر لانها مش متسعره وكان اخرها امبارح روحت اجيب ساعة تكييف لعربيتى استعمال ب 125 بالرغم ان الجديد ب 25 جنيه تخيل بقا سيادتك لانها شحه فى السوق