هل ينفع اركب تكييف للبولونيز ؟

[xTHE_Draagon]

السلام عليكم ورحمة الله وبركاته

انا معايا بولونيز 89
1500 سي سي

تعبت جداً من السواقة في الحر
و البولونيز معروفة بالحرارة اللي بتطلع من الموتور وتجيلي رغم العازل الحراري
يعني حر الموتو + حر الجو

فانا بسأل هل ينفع اركب تكييف ؟ و هيكون عملي ؟
لو المشكلة في العزل و الفراغات اللي في الابواب ...ان شاء الله هقدر احل الموضوع دة
هحتاج اني اعمل تعديلات تقلل من سعر العربية بعد كدا ؟


و بصراحة مش هقدر اغير العربية لأني اتعودت عليها و بحب متانتها...يعني وانا في الطريق بسيب اللي يخبط يخبط ..علي طوول هو اللي خسران ^^


و ألف شكر للجميع...

[mhamdy75]

ينفع يركب بس مش هاتعرف تشغله غير فى السفر

بمعنى هايبقى تقيل على الموتور

[Hisham.Elgazzar]

المشاركة الأصلية كتبت بواسطة xTHE_Draagon السلام عليكم ورحمة الله وبركاته انا معايا بولونيز 89 1500 سي سي تعبت جداً من السواقة في الحر و البولونيز معروفة بالحرارة اللي بتطلع من الموتور وتجيلي رغم العازل الحراري يعني حر الموتو + حر الجو فانا بسأل هل ينفع اركب تكييف ؟ و هيكون عملي ؟ لو المشكلة في العزل و الفراغات اللي في الابواب ...ان شاء الله هقدر احل الموضوع دة هحتاج اني اعمل تعديلات تقلل من سعر العربية بعد كدا ؟ و بصراحة مش هقدر اغير العربية لأني اتعودت عليها و بحب متانتها...يعني وانا في الطريق بسيب اللي يخبط يخبط ..علي طوول هو اللي خسران ^^ و ألف شكر للجميع...

\
ينفع بإذن الله بس محتاج أراجع معاك حالة الموتور وحالة الضفيرة بتاعت الكهرباء
وحالة عزل السيارة من الداخل والأبواب وخلافه

[محمدصلاح القاضى]

مظبوط يا H كلامك
ولو الموتور كويس ويستحمل التكييف
يبقى المطلوب منك
مشمع بلاستيك سفاف اى نوع او لون بس ياريت يكون سميك بطول 4 متر وانبوبتين سيلكون هتفك فرش الابواب وتقص المشمع على قد الباب من الداخل مع مراعاة قتحات الاوكر وبعد ما تقص حط سيلكون على الابواب والزق المشمع دا طبعا بيحل مشكله كبيره وهى الصهد بتاع الاسفلت وانت ماشى
ثانيا هتجيب فرخ عازل حرارى من عند بتوع البتوجازات وتركب على حوض العربيه من ورا الموتور بس بشرط تخلى الفرو للحوض والنيكل للموتور وتجيب بلاستر شفاف يكون خامه كويسه وتلزق الاطراف كويس مره واتنين وتلاته منعا لتسرب المياه عند الغسيل وحدوث برومه
طبعا الحلين دولا من اهم الحاجات لعزل العربيه من الداخل بعيدا عن الموتور وعن صهد الاسفلت وكمان لو تعرف تفك السقف والارضيات بتاعت العربيه وتركب العازل الحرارى بتاع البوتوجاز فيهم يبقى فله شمعه منوره
الحاجات المطلوبه للتكييف
كمبورسر يابانى جديد
سربنتينة تكييف ممكن تجبها من نص 132 2000 من عند بتوع الاستيراد
خرطيم ضغط
وحدة كويل داخلى
ومواسير نحاس من عند بتوع التلاجات
وحاجات تانيه مش فاكرها
بس التكلفه الكليه للموضوع دا من 1500 الى 2000 جنيه بالعازل وبالشحن بكل حاجه

[xTHE_Draagon]

شكرا يا رجالة
الف شكر يا محمد صلاح
ان شاء الله هعملها

بس بردو انا مش فاهم..! اعرف منين ان حالة الموتور حلوة ولا لأ ...
لسا عاملوا عمرا ومكملش 500 كيلو و الموتور 1500 سي سي
هل هو دة المطلوب